- Азыкълы ат арымаз, къатыны аман джарымаз.
- Тил – миллетни джаны.
- Тойгъанлыкъ къойгъа джарашады.
- Ётюрюкчюню шагъаты – къатында.
- Аман адам этегингден тутса, кес да къач.
- Айыбны суу бла джууалмазса.
- Хазыр ашха – терен къашыкъ.
- Ёлген ийнек сютлю болур.
- Таукелге нюр джауар.
- Кенгеш болса, уруш болмаз.
- Бир абыннган – минг сюрюнюр.
- Нёгерсизни джолу узун.
- Чабар ат – джетген къыз.
- Адамны аты башхача, акъылы да башхады.
- Итли къонакъ джарашмаз.
- Чакъырылмагъан къонакъ тёрге атламаз.
- Къумурсхала джыйылсала, пилни да джыгъадыла.
- Рысхы – сют юсюнде кёмюк кибикди.
- Намыс болмагъан джерде, насыб болмаз.
- Джол бла сёзню къыйыры джокъ.
- Сабийни джумушха джибер да, ызындан бар.
- Кёзню ачылгъаны – иги, ауузну джабылгъаны – иги.
- Акъыл аздырмаз, билим тоздурмаз.
- Джангыз терек къынгыр ёсер.
- Адеб этмеген, адеб кёрмез.
- Къонакъ болсанг, ийнакъ бол.
- Сакъалы текени да бар, мыйыгъы киштикни да бар.
- Сакъ юйюне сау барыр.
- Джангызны оту джарыкъ джанмаз!
- Чомарт бергенин айтмаз.
- Зарда марда джокъ.
- Шекер бла туз – бир болмаз, ушамагъан – юй болмаз.
- Ким бла джюрюсенг, аны кёзю бла кёрюнюрсе.
- Ётюрюкден тюбю джокъ, кёлтюрюрге джиби джокъ.
- Бойнуму джети джерден кессенг да, мен ол ишни этеллик тюлме.
- Алма терегинден кери кетмез.
- Юй ишлеген балта эшикде къалыр.
- Башсыз урчукъ тюзюне айланмаз.
- Тюзлюк шохлукъну бегитир.
- Эллинг бла джау болсанг да, юйюнг бла джау болма.
- Тешик этген тынчды, аны джамагъан къыйынды.
- Алтыда кюлмеген, алтмышда кюлмез.
- Айранны сюйген, ийнек тутар.
- Булут кёкге джарашыу, уят бетге джарашыу.
- Окъугъан озар, окъумагъан тозар.
- Игини сыйлагъан адетди.
- Джыланны къуйругъундан басарынг келсе, аны башы болгъанын унутма.
- Ётюрюкню къуйругъу – бир тутум.
- Келгинчи, къонакъ уялыр, келгенден сора, къонакъбай уялыр.
- Сакъламагъан затынга джолукъсанг, не бек къууанаса, не бек ачыйса.
Ошибка!
Для просмотра темы введите ваши логин и пароль.Пожалуйста, авторизуйтесь: