- Адамны адамлыгъы къыйынлыкъда айгъакъланады.
- Иги болса, тамадама – махтау, аман болса, меннге – айыб.
- Къонагъынгы артмагъын алма да, алгъышын ал.
- Артына баргъанны, къатына барма.
- Кийиминг бла танылма, адамлыкъ бла таныл.
- Ашхы адам – халкъ байлыгъы, ашхы джер – джашау байлыгъы.
- Байлыкъдан саулукъ ашхыды.
- Чомарт къонакъ юй иесин сыйлар.
- Ётюрюкчюню шагъаты – къатында.
- Келинин тута билмеген, къул этер, къызын тута билмеген, тул этер.
- Бозанг болмагъан джерге, къалагъынгы сукъма.
- Дуния мал дунияда къалады.
- Аманны эки битли тону болур, бирин сеннге кийдирир, бирин кеси киер.
- Аманнга да, игиге да оноусуз къатышма.
- Чомарт джарлы болмаз.
- Кесине оноу эте билмеген, халкъына да эте билмез.
- Тау башында, тау болмаз, джангыз терек, бау болмаз.
- Мал ёлсе, сюек къалыр, адам ёлсе, иши къалыр.
- Ёгюзню мюйюзлери ауурлукъ этмейдиле.
- Къанны къан бла джуума, аманны аман бла къуума.
- Хоншуну тауугъу къаз кёрюнюр, келини къыз кёрюнюр.
- Мен да «сен», дейме, сен да «кесим», дейсе.
- Айран ичген – къутулду, джугъусун джалагъан – тутулду.
- Аш берме да, къаш бер.
- Ашын ашагъанынгы, башын да сыйла.
- Сёз – кюмюш, джыр – алтын.
- Аманны тукъумуна къарама, игини тукъумун сорма.
- Тилсиз миллет джокъ болур.
- Акъыл бла адеб эгизледиле.
- Аш кетер да бет къалыр.
- Уллу къашыкъ эрин джыртар.
- Рысхы – насыбха къор.
- Тенгинг джокъ эсе – изле, бар эсе – сакъла!
- Нафысынгы айтханын этме, намысынгы айтханын эт.
- Къыз келсе, джумуш эте келеди, къатын келсе, ушакъ эте келеди.
- Ата – баланы уясы.
- Аджалсыз ёлюм болмаз.
- Агъач – джерни чырайы, кийим – эрни чырайы.
- Ёлюр джаннга, ёкюл джокъ.
- Баланы адам этген анады.
- Кюлме джашха – келир башха.
- Ашлыкъны арба юйге келтирир, чана базаргъа элтир.
- Къонакъ аман болса, къонакъбай джунчур
- Сютден ауузу кюйген, суугъа юфгюре эди.
- Эшекни не къадар тюйсенг да, ат болмаз.
- Эртде тургъан джылкъычыны эркек аты тай табар.
- Бёрю да ач къалмасын, эчки да ашалмасын.
- Джеринден айырылгъан – джети джылар, джуртундан айырылгъан – ёлгюнчю джылар.
- Ишин билген, аны сыйын чыгъарады.
- Аз сёлеш, кёб ишле.
Ошибка!
Для просмотра темы введите ваши логин и пароль.Пожалуйста, авторизуйтесь: