- Зарда марда джокъ.
- Къатын къылыкъсыз, эр тынчлыкъсыз.
- Насыблы элин сюер, насыбсыз кесин сюер.
- Сангырау къулакъ эл бузар.
- Ёлюк кебинсиз къалмаз.
- Бет бетге къараса, бет да джерге къарар.
- Кёрмегеннге кебек – танг, битмегеннге сакъал – танг.
- Асхат ашлыкъ сата, юйдегиси ачдан къата.
- Тамчы таш тешер.
- Къонакъ хазыр болгъанлыкъгъа, къонакъбай хазыр тюлдю.
- Джаралыны джастыгъында сау ёлюр.
- Аууздан келген, къолдан келсе, ким да патчах болур эди.
- Джюрекге ариу – кёзге да ариу.
- Къоркъакъны кёзю экили кёрюр.
- Ашхы тенг джолгъа салыр, аман тенг джолдан тайдырыр.
- Элиб деген, элге болушур.
- Джыйырма къойну юч джыйырма эбзе кюте эди.
- Айраннга суу къош, телиге джол бош.
- Эринчекге кюн узун.
- Эл бла кёргенинг эрелей.
- Ургъан суудан башынгы сакъла.
- Аллахха ийнаннган кишини, Аллах онгдурур ишин.
- Эл тойса, тоймагъан, эл къойса, къоймагъан.
- Адебсиз адам – джюгенсиз ат.
- Игини сыйлагъан адетди.
- Нёгер болсанг, тенг бол, тенг болмасанг, кенг бол.
- Бетинги сатма, малынгы сат.
- Кёз – сюйген джерде, къол – ауругъан джерде.
- Атлыны ашхысы, ат тизгининден билинир
- Суу ичген шауданынга тюкюрме.
- Ачыкъ джюрекге джол – ачыкъ.
- Иги сёз – джаннга азыкъ, аман сёз башха – къазыкъ.
- Босагъагъа джууукъ орун болса, ашыгъыб тёрге озма.
- Тик ёргени, тик энгишгеси да болады.
- Халкъны юйю – туугъан джери.
- Намыс болмагъан джерде, насыб болмаз.
- Ишлемеген – тишлемез.
- Акъыллы эркиши атын махтар, акъылсыз эркиши къатынын махтар.
- Къыз келсе, джумуш эте келеди, къатын келсе, ушакъ эте келеди.
- Къолунгдан къуймакъ ашатсанг да, атаны борчундан къутулмазса.
- Тин – байлыгъынг, терен саулугъунг.
- Аууз сакълагъан – джан сакълар.
- Ёмюрлюк шохлукъну джел элтмез.
- Ач – эснер, ат – кишнер.
- Биреу ашаб къутулур, биреу джалаб тутулур.
- Тюзню ётмеги тюзде къалса да, тас болмаз.
- Хар адамгъа кеси миннген тау кибик.
- Акъыллы – эл иеси, тели – эл баласы.
- Ашхы – джыяр, аман – джояр.
- Бёрю да ач къалмасын, эчки да ашалмасын.
Ошибка!
Для просмотра темы введите ваши логин и пароль.Пожалуйста, авторизуйтесь: