- Ашатыргъа иш – ашхы, ишлетирге аш – ашхы.
- Тамбла алтындан бюгюн багъыр ашхы.
- Къошда джокъгъа – юлюш джокъ.
- Джерни букъусу кёкге къонмаз.
- Болджал ишни бёрю ашар.
- Келгинчи, къонакъ уялыр, келгенден сора, къонакъбай уялыр.
- Аллахдан тилесенг, кёб тиле.
- «Ма», - дегенни билмесенг, «бер», - дегенни билмезсе.
- Харам къарнашдан, халал тенг ашхы.
- Таукел адам тау тешер.
- Сакъламагъан затынга джолукъсанг, не бек къууанаса, не бек ачыйса.
- Мал кёб болса, джууукъ кёб болур.
- Тёзген – тёш ашар!
- Ач, тоймам, дейди, тойгъан, ач болмам, дейди.
- Къолу уллу – асыу, аягъы уллу – джарсыу.
- Джарлыны тону джаз битер.
- Тилчи тилден къаныкъмаз.
- Ач да бол, токъ да бол – намысынга бек бол.
- Аманны къуугъан, аманлыкъ табар.
- Башы джабылгъан челекге, кир тюшмез.
- Кюл тюбюндеги от кёрюнмейди.
- Адеб этмеген, адеб кёрмез.
- Тюкюрюк баш джармаз, налат кёз чыгъармаз!
- Суу кетер, таш къалыр.
- Кюлме джашха – келир башха.
- Термилгенинги табмазса, кюлгенинге тюберсе.
- Ёлген аслан – сау чычхан.
- Кесинг сынамагъан затны, адамгъа буюрма.
- Ишленмеклик адамлыкъды.
- Рысхы – сют юсюнде кёмюк кибикди.
- Къолунгдан къуймакъ ашатсанг да, атаны борчундан къутулмазса.
- Бозаны арты дауур болур.
- Биреуню къыйынлыгъы бла кесинге джол ишлеме.
- Ач отунчуну ачыуу – бурнунда.
- Кёб ант этген, кёб ётюрюк айтыр.
- Иги сёз – джаннга азыкъ, аман сёз башха – къазыкъ.
- Кёл ашады да, кеси ашады.
- Сабийликде юретмесенг, уллу болса – тюзелмез.
- Ёлюр джаннга, ёкюл джокъ.
- Ат басханны джер билед.
- Алтыннга тот къонмаз.
- Ёнгкюч къууана барыр, джылай келир.
- Намысы болмагъанны, сыйы болмаз.
- Аз айтсам, кёб ангылагъыз.
- Тас болгъан бычакъны сабы – алтын.
- Къарнынг къанлынга кийирир.
- Тойгъандан сора, ашны сёкме.
- Аман адам этегингден тутса, кес да къач.
- Адамны аманы адамны бети бла ойнар.
- Агъач – джерни чырайы, кийим – эрни чырайы.
Ошибка!
Для просмотра темы введите ваши логин и пароль.Пожалуйста, авторизуйтесь: