- Къошда джокъгъа – юлюш джокъ.
- Чыбыкълыкъда бюгюлмеген, къазыкълыкъда бюгюлмей эди.
- Кийиминг бла танылма, адамлыкъ бла таныл.
- Ишин билген, аны сыйын чыгъарады.
- Ашхы болсанг, атынг чыгъар, аман болсанг, джанынг чыгъар.
- Ойнай билмеген, оюн бузар.
- Джаз бир кюнню джатсанг, къыш талай кюнню абынырса.
- Сормай – алма, чакъырылмай – барма.
- Ариуну – ауруу кёб.
- Уллу суу бла уллу ауруудан башынгы сакъла.
- Дуния малгъа сатылма, кесингден телиге къатылма.
- Сабыр джетер муратха, сабырсыз къалыр уятха.
- Эл ауузу – элек, анга ийнаннган – халек.
- Кийимни бир кюнню аясанг, минг кюннге джарар.
- Джукъу тёшек сайламайды.
- Чомартха Тейри да борчлуду.
- Чёбню кёлтюрсенг, тюбюнден сёз чыгъар.
- Мал тутхан – май джалар.
- Ушамагъан – джукъмаз.
- Ашхы тенг джолгъа салыр, аман тенг джолдан тайдырыр.
- Юй ишлеген балта эшикде къалыр.
- Байны оноуу, джарлыгъа джарамаз.
- Этек чакъмакълары баш джаргъан, сёлешген сёзлери таш джаргъан.
- Адамгъа аман кюн соруб келмейди.
- Ёлген ийнек сютлю болур.
- От кюйдюрген, сау болса да, тот кюйдюрген, сау болмаз.
- Тилчиден кери бол.
- Джумушакъ сёз къаты таякъны сындырыр.
- Соргъан айыб тюлдю, билмеген айыбды.
- Сёз – кюмюш, джыр – алтын.
- Иги джашны ышаны – аз сёлешиб, кёб тынгылар.
- Уллу сёзде уят джокъ.
- Къонакъ аз олтурур, кёб сынар.
- Къан бла кирген, джан бла чыгъар.
- Тойчу джашха къарама, къойчу джашха къара.
- Игиге айтсанг – билир, аманнга айтсанг – кюлюр.
- Душманны тышы – акъ, ичи – къара.
- Тил – кесген бычакъ, сёз – атылгъан окъ.
- Берекет берсин деген джерде, берекет болур.
- Иги адам абынса да, джангылмаз.
- Джарлыны эшигин махтагъан джабар.
- Кёзню ачылгъаны – иги, ауузну джабылгъаны – иги.
- Окъугъан – асыу, окъумагъан – джарсыу.
- Окъдан джара эртде-кеч болса да бителир, сёз джара, ёмюрге къалыр.
- Сибиртки да сыйлы болду, кюрек да кюнлю болду.
- Ачыу алгъа келсе, акъыл артха къалады.
- Сууда джау джокъ, кёб сёзде магъана джокъ.
- Окъумагъан сокъурду, сокъур ташха абыныр!
- Эр абынмай, эл танымаз.
- Тынгылагъан тынгы бузар.
Ошибка!
Для просмотра темы введите ваши логин и пароль.Пожалуйста, авторизуйтесь: