- Ишлегенде эринме, ишде чолакъ кёрюнме.
- Тыш элде солтан болгъандан эсе, кесинги элде олтан болгъан игиди!
- Мадар болса, къадар болур.
- Ата Джуртуму башы болмасам да, босагъасында ташы болайым.
- Ана къолу ачытмаз.
- Шапа кёб болса, аш татымсыз болур.
- Ашхы – джыяр, аман – джояр.
- Татлы тилде – сёз ариу, чемер къолда – иш ариу.
- Байлыкъ болгъан джерде, тынчлыкъ джокъду.
- Аман хансны – урлугъу кёб.
- Аман киши кеси юйюнде – къонакъ.
- Накъырданы арты керти болур.
- Эте билген, этген этеди, эте билмеген, юретген этеди!
- Башы джабылгъан челекге, кир тюшмез.
- Зар адамны насыбы болмаз.
- Къатын байлыкъны сюер, эр саулукъну сюер.
- Кирсизни – саны таза, халалны – къаны таза.
- Таукел къуру къалмаз.
- Джуртун къоругъан озар.
- Намысы болмагъанны, сыйы болмаз.
- Адеб этмеген, адеб кёрмез.
- Алтыда кюлмеген, алтмышда кюлмез.
- Магъанасыз сёз – тауушсуз сыбызгъы.
- Ана – юйню кюн джарыгъы.
- Джангыз торгъай джырламаз.
- Ёлюр джаннга, ёкюл джокъ.
- Кийим тукъум сордурур.
- Байлыкъ келсе, акъыл кетер.
- Тил – кесген бычакъ, сёз – атылгъан окъ.
- Къумурсхала джыйылсала, пилни да джыгъадыла.
- Джигер – джаннга къыйынлыкъ.
- Ишни аллы бла къууанма да, арты бла къууан.
- Джумушакъ сёз къаты таякъны сындырыр.
- Уясында не кёрсе, учханында аны этер.
- Айтылгъан сёз ызына къайтмаз.
- Джырчы джырчыгъа – къарнаш.
- Биреуню къыйынлыгъы бла кесинге джол ишлеме.
- Адам туугъан джеринде, ит тойгъан джеринде.
- Билимден уллу байлыкъ джокъду.
- Къыйынлы джети элни къайгъысын этер.
- Къонакъ аман болса, къонакъбай джунчур
- Ушамагъан – джукъмаз.
- Къолунгдан къуймакъ ашатсанг да, атаны борчундан къутулмазса.
- Тойгъанлыкъ къойгъа джарашады.
- Тас болгъан бычакъны сабы – алтын.
- Миллетни бойну – базыкъ, аны бла кюрешген – джазыкъ.
- Чомарт джарлы болмаз.
- Кёзю сокъурдан – къоркъма, кёлю сокъурдан – къоркъ.
- Хазыр ашха – терен къашыкъ.
- Ауругъаннга – кийик саулукъ, джетген къызгъа – чилле джаулукъ.
Ошибка!
Для просмотра темы введите ваши логин и пароль.Пожалуйста, авторизуйтесь: