- Ёмюрлюк шохлукъну джел элтмез.
- Ариу сёз джыланны орнундан чыгъарыр.
- Ач къарынны, токъ билмез
- Бек анасы джыламаз.
- Ауругъанны сау билмез, ач къарынны токъ билмез.
- Ашлыкъны арба юйге келтирир, чана базаргъа элтир.
- Кирсизни – саны таза, халалны – къаны таза.
- Таш ата билмеген, башына урур.
- Кесинге джетмегенни, кёб сёлешме.
- Мухардан ач ычхынмаз.
- Кёбге таш атма.
- От кюйдюрген, сау болса да, тот кюйдюрген, сау болмаз.
- Чомарт бергенин айтмаз.
- Тас болгъан бычакъны сабы – алтын.
- Кимни – тили, тиши онглу, кимни – къолу, иши онглу.
- Кийиминг бла танылма, адамлыкъ бла таныл.
- Кенгеш болса, уруш болмаз.
- Намыс болмагъан джерде, насыб болмаз.
- Къобан да къуру да къобханлай турмайды, адам да къуру да патчахлай турмайды.
- Иши джокъну, сыйы джокъ.
- Ишин билген, аны сыйын чыгъарады.
- Келинни – келгинчи, бёркню кийгинчи кёр.
- Джарлы тюеге минсе да, ит къабар.
- Эки элинги тыйсанг, джети элде махталырса.
- Ётюрюкден тюбю джокъ, кёлтюрюрге джиби джокъ.
- Иесиз малны бёрю ашар.
- Айтхан сёзюне табылгъан.
- Джумушакъ терекни къурт ашар.
- Къралынгы – душмандан, башынгы от бла суудан сакъла.
- Къайтырыкъ эшигинги, къаты уруб чыкъма.
- Ач – эснер, ат – кишнер.
- Ана – юйню кюн джарыгъы.
- Гугук кесини атын айтыб къычыргъанча, мен, мен деб нек тураса?
- Джиби бир къат джетмей эди да, эки къат тарта эди.
- Тёрде – темир таякълы, къаяда – чыпчыкъ аякълы.
- Огъурлуну сёзю – суу, огъурсузну сёзю – уу.
- Этек чакъмакълары баш джаргъан, сёлешген сёзлери таш джаргъан.
- Эркишиге тары кебек танг кёрюнюр.
- Дженгил джетерикме деб, узун джолну къоюб, къысхасын барма.
- Атынг аманнга чыкъгъандан эсе, джанынг тамагъынгдан чыкъсын.
- Ургъан суудан башынгы сакъла.
- Соргъан айыб тюлдю, билмеген айыбды.
- Ариу сёз – къылычдан джити.
- Хаухну атма, ёнгкючню сатма.
- Тилде сюек болмаса да, сюек сындырыр.
- Игиге айтсанг – билир, аманнга айтсанг – кюлюр.
- Тил джюрекге джол ишлейди.
- Къалгъан ишге къар джауар.
- Тамбла алтындан бюгюн багъыр ашхы.
- Ишлегенде эринме, ишде чолакъ кёрюнме.
Ошибка!
Для просмотра темы введите ваши логин и пароль.Пожалуйста, авторизуйтесь: