- Джумушакъ сёз къаты таякъны сындырыр.
- Керилген да, ургъан кибикди.
- Уллу айтханны этмеген – уллаймаз.
- Эм уллу байлыкъ – джан саулукъ.
- Ким бла джюрюсенг, аны кёзю бла кёрюнюрсе.
- Тойгъанлыкъ къойгъа джарашады.
- Ачны эсинде – аш.
- Ётюрюкчюню шагъаты – къатында.
- Тешик этген тынчды, аны джамагъан къыйынды.
- Тынгылагъан тынгы бузар.
- Суу ичген шауданынга тюкюрме.
- Урама да – ёледи, сатама да – келеди.
- Этни да ашады, бетни да ашады.
- Къазанны башы ачыкъ болса, итге уят керекди.
- Джыйырма къойну юч джыйырма эбзе кюте эди.
- Аманны къуугъан, аманлыкъ табар.
- Адам сёзюнден белгили.
- Башынга джетмегенни сорма.
- Къызын тута билмеген, тул этер, джашын тута билмеген, къул этер.
- Къоркъакъны кёзю экили кёрюр.
- Гугурук къычырмаса да, тангны атары къалмаз.
- Чакъырылмагъан къонакъ тёрге атламаз.
- Бал чибинни ургъаны – ачы, балы – татлы.
- Мал ёлсе, сюек къалыр, адам ёлсе, иши къалыр.
- Эшекге миннген – биринчи айыб, андан джыгъылгъан – экинчи айыб.
- Къалгъан ишге къар джауар.
- Сютню башын джалагъан къутулур, тюбюн ичген тутулур.
- Джарлыны тону джаз битер.
- Иги болса, тамадама – махтау, аман болса, меннге – айыб.
- Ана къойну – балагъа джандет.
- Баш – акъыл ючюн, акъылман – халкъ ючюн.
- Адамгъа аман кюн соруб келмейди.
- Акъыл аздырмаз, билим тоздурмаз.
- Сагъыш – къартлыкъгъа сюйюмчю.
- Джахил болса анасы, не билликди баласы?
- Аман адам этегингден тутса, кес да къач.
- Ишни аллы бла къууанма да, арты бла къууан.
- Адеб базарда сатылмаз.
- Тилсиз миллет джокъ болур.
- Уллу сёлешме да, уллу къаб.
- Тин – байлыгъынг, терен саулугъунг.
- Къатын къылыкъсыз, эр тынчлыкъсыз.
- Ауузу аманнга «иги», деме.
- Кёрмегеннге кебек – танг, битмегеннге сакъал – танг.
- Ана къолу ачытмаз.
- Бир абыннган – минг сюрюнюр.
- Ётюрюкден тюбю джокъ, кёлтюрюрге джиби джокъ.
- Тёрде – темир таякълы, къаяда – чыпчыкъ аякълы.
- Джылкъыдан – ат чыгъар, тукъумдан – джаш чыгъар.
- Сангырау къулакъ эл бузар.
Ошибка!
Для просмотра темы введите ваши логин и пароль.Пожалуйста, авторизуйтесь: