- Къатыны харакетли болса, эри къымсыз болур.
- Байлыкъ тауусулур, билим тауусулмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Эл тойса, тоймагъан, эл къойса, къоймагъан.
- Джумушакъ сёз къаты таякъны сындырыр.
- Ким бла джюрюсенг, аны кёзю бла кёрюнюрсе.
- Аз айтсам, кёб ангылагъыз.
- Иги сёз – джаннга азыкъ, аман сёз башха – къазыкъ.
- Татлы тилде – сёз ариу, чемер къолда – иш ариу.
- Хар зат кесини орнуна иги.
- Туз, гырджын аша, тюзлюк бла джаша.
- Алгъанда – джууукъ, бергенде – джау.
- Магъанасыз сёз – тауушсуз сыбызгъы.
- Ачылгъан эт джабылыр, кёрген кёз унутмаз.
- Кенгеш болса, уруш болмаз.
- Элиб деген, элге болушур.
- Аш берме да, къаш бер.
- Орундукъ тюбюнде атылсам да, орта джиликме, де да айлан.
- Атынг аманнга чыкъгъандан эсе, джанынг тамагъынгдан чыкъсын.
- Нафысынгы айтханын этме, намысынгы айтханын эт.
- Ауурну тюбю бла, дженгилни башы бла джюрюген.
- Къарт айтханны этмеген, къартаймаз.
- Асхат ашлыкъ сата, юйдегиси ачдан къата.
- Джолда аягъынга сакъ бол, ушакъда тилинге сакъ бол.
- Зар адамны насыбы болмаз.
- Ашхы болсанг, атынг чыгъар, аман болсанг, джанынг чыгъар.
- Рысхысына кёре, джаш ёсер, къышлыгъына кёре, мал ёсер.
- Хансыз джомакъ болмаз.
- Ёзденликни кёбю ётюрюк.
- Бичгенде ашыкъма, тикгенде ашыкъ.
- Башсыз урчукъ тюзюне айланмаз.
- Гитче джилтин уллу элни джандырыр.
- Таукел къуру къалмаз.
- Тулпарлыкъ, билекден тюл – джюрекден.
- Намыс болмагъан джерде, насыб болмаз.
- Эки ойлашыб, бир сёлешген.
- Сютню башын джалагъан къутулур, тюбюн ичген тутулур.
- Хазыр ашха – терен къашыкъ.
- Огъурлуну сёзю – суу, огъурсузну сёзю – уу.
- Ач бёрюге мекям джокъ.
- Ёзденликни джайгъан – джокълукъ.
- Ауругъан – джашаудан умутчу.
- Кёз – сюйген джерде, къол – ауругъан джерде.
- Къартны сыйын кёрмеген, къартлыгъында сыйлы болмаз.
- Аманнга алтын чыдамаз.
- Юйюнгден чыкъдынг – кюнюнгден чыкъдынг.
- Сёз – кюмюш, джыр – алтын.
- Аууз сакълагъан – джан сакълар.
- Бети къызарыучу адамны, джюреги харам болмаз.
- Бал – татлы, балдан да бала – татлы.
Ошибка!
Для просмотра темы введите ваши логин и пароль.Пожалуйста, авторизуйтесь: