- Сёз – кюмюш, джыр – алтын.
- Кимни – тили, тиши онглу, кимни – къолу, иши онглу.
- Окъугъан – асыу, окъумагъан – джарсыу.
- Алтыннга тот къонмаз.
- Арыгъан къош чамчы болур.
- Сангырау къулакъ эл бузар.
- Аманнга игилик этсенг, юйюнге сау бармазса.
- Адамны аты башхача, акъылы да башхады.
- Къар – келтирди, суу – элтди.
- Сабий кёргенин унутмаз.
- Айныгъанлы алты кюн, тогъайгъанлы тогъуз кюн.
- «Ма», - дегенни билмесенг, «бер», - дегенни билмезсе.
- Насыблы элин сюер, насыбсыз кесин сюер.
- Иги адам абынса да, джангылмаз.
- Кюн – узун, ёмюр – къысха.
- Бастасын ашагъан, хантусун да ичер.
- Харам къарнашдан, халал тенг ашхы.
- Адамны сыфатына къарама, сёзюне къара.
- Ишленмеген джаш – джюгенсиз ат, ишленмеген къыз – тузсуз хант.
- Айтылгъан буйрукъ, сёгюлмез
- Халкъны джырын джырласанг, халкъ санга эжиу этер.
- Мухар, кеси тойса да, кёзю тоймаз.
- Ишге юренсин къоллары, халкъ бла болсун джоллары.
- Арпа, будай – ащды, алтын, кюмюш а – ташды.
- Билеги кючлю, бирни джыгъар, билими кючлю, мингни джыгъар.
- Эркишини аманы тиширыуну джылатыр.
- Нёгер болсанг, тенг бол, тенг болмасанг, кенг бол.
- Уллу суу бла уллу ауруудан башынгы сакъла.
- Гитче джилтин уллу элни джандырыр.
- Ашлыкъ – бюртюкден, джюн – тюкден.
- Ариу сёз – джаннга азыкъ, аман сёз – башха къазыкъ.
- Айранын берсенг, челегин да къызгъанма.
- Адам туугъан джеринде, ит тойгъан джеринде.
- Элиб деген, элге болушур.
- Эл бла кёргенинг эрелей.
- Эл ауузу – элия.
- Мал ёлсе, сюек къалыр, адам ёлсе, иши къалыр.
- Аш хазыр болса, иш харам болур.
- Чёбню кёлтюрсенг, тюбюнден сёз чыгъар.
- Адамны аманы адамны бети бла ойнар.
- Башда акъыл болмаса, эки аякъгъа кюч джетер.
- Тил джюрекге джол ишлейди.
- Къарны аманнга къазан такъдырма, къолу аманнга от джакъдырма.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Нарт сёз къарт болмаз.
- Тик ёргени, тик энгишгеси да болады.
- Орундукъ тюбюнде атылсам да, орта джиликме, де да айлан.
- Тойчу джашха къарама, къойчу джашха къара.
- Эл ауузу – элек, анга ийнаннган – халек.
- Биреу къой излей, биреу той излей.
Ошибка!
Для просмотра темы введите ваши логин и пароль.Пожалуйста, авторизуйтесь: