- Адамны артындан къара сабан сюрме.
- Джыгъылгъанны сырты джерден тоймаз.
- Адамны джюреги нени кёрюрге сюйсе, кёзю да аны кёрюрге ёч болады.
- Къая джолда джортма, ачыкъ сёзден къоркъма.
- Бал чибинни ургъаны – ачы, балы – татлы.
- Юйлю уругъа ит чабмаз.
- Алгъанда – джууукъ, бергенде – джау.
- Ач къалгъандан, кеч къалгъан къолай.
- Тили узунну, намысы – къысха.
- Эр сокъур болсун, къатын тилсиз болсун.
- Кюл тюбюндеги от кёрюнмейди.
- Адам къыйынлыгъын кёлтюрюр, зауукълугъун кёлтюрмез.
- Артына баргъанны, къатына барма.
- Этек чакъмакълары баш джаргъан, сёлешген сёзлери таш джаргъан.
- Ёнгкюч къууана барыр, джылай келир.
- Атлыны ашхысы, ат тизгининден билинир
- Бети бедерден, намыс сакълама.
- Мен да «сен», дейме, сен да «кесим», дейсе.
- Таукелге нюр джауар.
- Кечеси – аяз, кюню – къыш, джарлы къаргъагъа бир аш тюш!
- Иги сёз – джаннга азыкъ, аман сёз башха – къазыкъ.
- Аджаллыгъа окъсуз шкок атылыр.
- Джиби бир къат джетмей эди да, эки къат тарта эди.
- Аманнга игилик этсенг, юйюнге сау бармазса.
- Ачылгъан эт джабылыр, кёрген кёз унутмаз.
- Джарлы эскисин джамаса, къууаныр.
- Адамны аты башхача, акъылы да башхады.
- Сакъламагъан затынга джолукъсанг, не бек къууанаса, не бек ачыйса.
- Ауругъанны сау билмез, ач къарынны токъ билмез.
- Ата Джуртча джер болмаз, туугъан элча эл болмаз.
- Къаллай салам берсенг, аллай джууаб алырса.
- Таякъ этден ётер, тил сюекден ётер.
- Джюрекден джюрекге джол барды.
- Джолунга кёре – джюрюшюнг, джагъанга кёре – юлюшюнг.
- Ач – эснер, ат – кишнер.
- Къуллукъчума, деб махтанма, къуллукъ – хаух джамчыды!
- Айтылгъан сёз ызына къайтмаз.
- Къралынгы – душмандан, башынгы от бла суудан сакъла.
- Тойну къарнашы – харс, джырны къарнашы – эжиу.
- Чабакъсыз кёлге къармакъ салгъанлыкъгъа, чабакъ тутмазса.
- Ишлерге уял да, ашаргъа табма.
- Бетинги сатма, малынгы сат.
- Ёгюзню мюйюзюнден тутадыла, адамны сёзюнден тутадыла.
- Айранын берсенг, челегин да къызгъанма.
- Къонакъ аман болса, къонакъбай джунчур
- Телини эшигин, махтау джабар.
- Окъдан джара эртде-кеч болса да бителир, сёз джара, ёмюрге къалыр.
- Тик ёргени, тик энгишгеси да болады.
- Билгенни къолу къарны джандырыр.
- Ана къолу ачытмаз.
Ошибка!
Для просмотра темы введите ваши логин и пароль.Пожалуйста, авторизуйтесь: