- Ач бёрюге мекям джокъ.
- Хар зат кесини орнуна иги.
- Чабакъсыз кёлге къармакъ салгъанлыкъгъа, чабакъ тутмазса.
- Аманнга игилик этсенг, юйюнге сау бармазса.
- Соргъан айыб тюлдю, билмеген айыбды.
- Берекет берсин деген джерде, берекет болур.
- Байма, деб да, къууанма, джарлыма, деб да, джылама.
- Эринчекни эр алмаз, эр алса да, кёл салмаз, кёл салса да, кёб бармаз!
- Тилчи бир сагъатха айлыкъ хата этер.
- Ойнай билмеген, уруб къачар.
- Акъылсызны джууукъгъа алма, акъыллыны кенгнге салма.
- Намыс болмагъан джерде, насыб болмаз.
- Аман адам элни бир-бирине джау этер.
- Чомарт къолда мал къалмаз.
- Оюмсуз атлагъан, аджалсыз ёлюр.
- Эли джокъну – кёлю джокъ.
- Ата джурт – алтын бешик.
- Мураты болгъанны джюрек тебюую башхады.
- Этим кетсе да, сюегим къалыр.
- Бозанг болмагъан джерге, къалагъынгы сукъма.
- Суу да къайтады чыкъгъан джерине.
- Иги сеники эсе да, сюйген кесимикин этеме.
- Аллахдан тилесенг, кёб тиле.
- Кёзюнде тереги болгъан, чёбю болгъаннга кюле эди.
- Къарыусузгъа кюлме, онгсузгъа тийме.
- Эркиши – от, тиширыу – суу.
- Ишленмеклик адамлыкъды.
- Эртде тургъан бла эртде юйленнген сокъуранмаз.
- Кёбге таш атма.
- Ариу – кёзге, акъыл – джюрекге.
- Эри аманны, къатыны – аман.
- Кюл тюбюндеги от кёрюнмейди.
- Эшекни не къадар тюйсенг да, ат болмаз.
- Биреу къой излей, биреу той излей.
- Тёрени джагъы джокъ.
- Къыз тиширыу кеси юйюнде да къонакъды.
- Битмегеннге сакъал – танг.
- Эки ойлашыб, бир сёлешген.
- Ана кёлю – балада, бала кёлю – талада.
- Харам къарнашдан, халал тенг ашхы.
- Намысы болмагъанны, сыйы болмаз.
- Окъдан джара эртде-кеч болса да бителир, сёз джара, ёмюрге къалыр.
- Айтхан сёзюне табылгъан.
- Ашхы атаны – джашы ашхы, ашхы ананы – къызы ашхы.
- Уллу суу бла уллу ауруудан башынгы сакъла.
- Эр абынмай, эл танымаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Бети – къучакълар, джюреги – бычакълар.
- Джарашыу сюйген – джалынчакъ.
- Аш берме да, къаш бер.
Ошибка!
Для просмотра темы введите ваши логин и пароль.Пожалуйста, авторизуйтесь: