- Къонагъынгы артмагъын алма да, алгъышын ал.
- Къатыны харакетли болса, эри къымсыз болур.
- Ёлюк кебинсиз къалмаз.
- Артына баргъанны, къатына барма.
- Бичгенде ашыкъма, тикгенде ашыкъ.
- Ёмюрлюк шохлукъну джел элтмез.
- Къыз келсе, джумуш эте келеди, къатын келсе, ушакъ эте келеди.
- Ачыкъ джюрекге джол – ачыкъ.
- Ойнаб айтсанг да, эслеб айт.
- Къыйынлы джети элни къайгъысын этер.
- Джахил болса анасы, не билликди баласы?
- Аманнга игилик этсенг, юйюнге сау бармазса.
- Чыкълы кюнде чыкъмагъан, чыкъса къуру кирмеген.
- Джеринден айырылгъан – джети джылар, джуртундан айырылгъан – ёлгюнчю джылар.
- Тиширыусуз юй – отсуз от джагъа.
- Алим болгъандан эсе, адам болгъан къыйынды.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джаш болсун, къыз болсун, акъылы, саны тюз болсун.
- Билим – акъылны чырагъы.
- Окъумагъан сокъурду, сокъур ташха абыныр!
- Билими азны – ауузунда кирит.
- Тёзген – тёш ашар!
- Соргъан айыб тюлдю, билмеген айыбды.
- Эринчекге кюн узун.
- Билим ат болуб да чабар, къуш болуб да учар.
- Мадар болса, къадар болур.
- Тили узунну, намысы – къысха.
- Халкъны юйю – туугъан джери.
- Аллахдан тилесенг, кёб тиле.
- Кирсизни – саны таза, халалны – къаны таза.
- Намысы джокъну – дуниясы джокъ.
- Ач къалгъандан, кеч къалгъан къолай.
- Иги адамны бир сёзю эки болмаз.
- Атынг аманнга чыкъгъандан эсе, джанынг тамагъынгдан чыкъсын.
- Туз, гырджын аша, тюзлюк бла джаша.
- Мухар, кеси тойса да, кёзю тоймаз.
- Джангызны оту джарыкъ джанмаз!
- Эте билген, этген этеди, эте билмеген, юретген этеди!
- Ишленмеген джаш – джюгенсиз ат, ишленмеген къыз – тузсуз хант.
- Ашлыкъны арба юйге келтирир, чана базаргъа элтир.
- Накъырданы арты керти болур.
- Къоркъакъны кёзю экили кёрюр.
- Борчунг бар эсе, хурджунунга ойлаб узал.
- Юреннген ауруу къалмаз.
- Къыз тиширыу кеси юйюнде да къонакъды.
- Ёгюзню мюйюзлери ауурлукъ этмейдиле.
- Юй ишлеген балта эшикде къалыр.
- Кёл ашады да, кеси ашады.
- Тойгъан антын унутур.
- Тешигини къатында, чычхан да батыр болур.
Ошибка!
Для просмотра темы введите ваши логин и пароль.Пожалуйста, авторизуйтесь: