- Алим болгъандан эсе, адам болгъан къыйынды.
- Джылыгъа джылан илешир.
- Ашхы – джыяр, аман – джояр.
- Ишлегенден, къарагъан уста.
- Арба аугъандан сора, джол кёргюзтюучю кёб болур.
- Кёб джат да, бек чаб.
- Ётюрюк хапар аякъ тюбю бла джюрюйдю.
- Къатын къылыкъсыз, эр тынчлыкъсыз.
- Аш берме да, къаш бер.
- Билими азны – ауузунда кирит.
- Эринчекни аурууу – кёб.
- Тай асырагъан, атха минер.
- Атадан ёксюз – бир ёксюз, анадан ёксюз – эки ёксюз.
- От этилмеген джерден тютюн чыкъмайды.
- Акъыл аздырмаз, билим тоздурмаз.
- Тас болгъан бычакъны сабы – алтын.
- Шайтан алдады, тюзлюк къаргъады.
- Джахил болса анасы, не билликди баласы?
- Мал тутхан – май джалар.
- Бет бетге къараса, бет да джерге къарар.
- Халкъгъа джарагъан, джарлы къалмаз.
- Ишге юренсин къоллары, халкъ бла болсун джоллары.
- Ачылгъан эт джабылыр, кёрген кёз унутмаз.
- Илму – джашауну джолу.
- Орну джокъну – сыйы джокъ.
- Окъуу – билимни ачхычы, окъуу – дунияны бачхычы.
- Ауругъанны сау билмез, ач къарынны токъ билмез.
- Аман адамны тепсинге олтуртсанг, къызынгы тилер.
- Сютден ауузу кюйген, суугъа юфгюре эди.
- Сёз къанатсыз учар.
- Ётген ёмюр – акъгъан суу.
- Джарлыны тону джаз битер.
- Башланнган иш битер, къымылдагъан тиш тюшер.
- Адеб базарда сатылмаз.
- Билим насыб берир, билим джолну керир.
- Рысхы джалгъанды: келген да этер, кетген да этер.
- Джангызны оту джарыкъ джанмаз!
- Аз айтсам, кёб ангылагъыз.
- Таукел къуру къалмаз.
- Агъач халкъгъа алтынды, иссиликге салкъынды.
- Оюмсуз атлагъан, аджалсыз ёлюр.
- Аджалсыз ёлюм болмаз.
- Къазанда болса, чолпугъа чыгъар.
- Адамны аты башхача, акъылы да башхады.
- Окъумагъан сокъурду, сокъур ташха абыныр!
- Кёзюнде тереги болгъан, чёбю болгъаннга кюле эди.
- Джюрекден джюрекге джол барды.
- Джюрек кёзден алгъа кёрюр.
- Адам сёзге тынгыла, акъыл сёзню ангыла.
- Къыйынлы джети элге оноу этер.
Ошибка!
Для просмотра темы введите ваши логин и пароль.Пожалуйста, авторизуйтесь: