- Биреу ашаб къутулур, биреу джалаб тутулур.
- Къыз тиширыу кеси юйюнде да къонакъды.
- Ач да бол, токъ да бол – намысынга бек бол.
- Эр сокъур болсун, къатын тилсиз болсун.
- Окъ къызбайны джокълайды.
- «Ёгюз, джаргъа джууукъ барма, меннге джюк боллукъса», - дегенди эшек.
- Телиге от эт десенг, юйюнге от салыр.
- Тенгни тенглиги джашай барсанг билинир.
- Тай асырагъан, атха минер.
- Кёлю джокъну – джолу джокъ.
- Ата Джуртча джер болмаз, туугъан элча эл болмаз.
- Ишлегенден, къарагъан уста.
- Къыйынлы джети элни къайгъысын этер.
- Телиге акъыл салгъандан эсе, ёлгеннге джан салырса.
- Ишлерге уял да, ашаргъа табма.
- Терслик кетер, тюзлюк джетер.
- «Ма», - дегенни билмесенг, «бер», - дегенни билмезсе.
- Тил – миллетни джаны.
- Джюрекге ариу – кёзге да ариу.
- Байны оноуу, джарлыгъа джарамаз.
- Юре билмеген ит, къонакъ келтирир.
- Ач келгенни – тойдур, кеч келгенни – къондур.
- Азыкълы ат арымаз, къатыны аман джарымаз.
- Сёз – кюмюш, джыр – алтын.
- Кесинг сынамагъан затны, адамгъа буюрма.
- Бермеген къол, алмайды.
- Адам сёзюнден белгили.
- Къалгъан ишге къар джауар.
- Тиширыусуз юй – отсуз от джагъа.
- Танг атмайма десе да, кюн къоярыкъ тюйюлдю.
- Ариу джол аджал келтирмез.
- Ана – юйню кюн джарыгъы.
- Кёб джашагъан – кёб билир.
- Баш – акъыл ючюн, акъылман – халкъ ючюн.
- Атадан ёксюз – бир ёксюз, анадан ёксюз – эки ёксюз.
- Хар зат кесини орнуна иги.
- Хар адамгъа кеси миннген тау кибик.
- Тилчи бир сагъатха айлыкъ хата этер.
- Рысхы джалгъанды: келген да этер, кетген да этер.
- Рысхы – сют юсюнде кёмюк кибикди.
- Ариу сёз аурууунгу алыр.
- Бек анасы джыламаз.
- Юй ишлеген балта эшикде къалыр.
- Уллу айтханны этмеген – уллаймаз.
- Билмегенинги, билгеннге сор.
- Дуния мал дунияда къалады.
- Ата – баланы уясы.
- Этим кетсе да, сюегим къалыр.
- Билими азны – ауузунда кирит.
- Сёз садакъдан кючлюдю.
Ошибка!
Для просмотра темы введите ваши логин и пароль.Пожалуйста, авторизуйтесь: