- Тойну къарнашы – харс, джырны къарнашы – эжиу.
- Ашда уялгъан – мухар, ишде уялгъан – хомух.
- Къарт болгъан джерде, берекет болур, сабий болгъан джерде, оюн болур.
- Къарнынг ауруса, ауузунгу тый
- Намысы болмагъанны, сыйы болмаз.
- Тели турса – той бузар.
- Ишлегенден, къарагъан уста.
- Байны оноуу, джарлыгъа джарамаз.
- Таукел къуру къалмаз.
- Ач къарынны, токъ билмез
- Ата – билек, ана – джюрек!
- Джашынгы кесинг юретмесенг, джашау юретир.
- Айтылгъан сёз ызына къайтмаз.
- Тешик этген тынчды, аны джамагъан къыйынды.
- Эркишини аманы тиширыуну джылатыр.
- Тойгъанлыкъ къойгъа джарашады.
- Аман эсирсе, юйюн ояр.
- Джарлы эскисин джамаса, къууаныр.
- Тёрдеги кюлсе, эшикдеги ышарыр.
- Джашлыкъ этмеген, башлыкъ этмез.
- Насыблы элин сюер, насыбсыз кесин сюер.
- Ашлыкъ – бюртюкден, джюн – тюкден.
- Ариу сёз джыланны орнундан чыгъарыр.
- Ёзденликни джайгъан – джокълукъ.
- Сибиртки да сыйлы болду, кюрек да кюнлю болду.
- Кёзню ачылгъаны – иги, ауузну джабылгъаны – иги.
- Юй ишлеген балта эшикде къалыр.
- Къартха ушагъан джаш – акъыллы, джашха ушагъан къарт – тели.
- Тюзню ётмеги тюзде къалса да, тас болмаз.
- Айтханы чапыракъдан ётмеген.
- Киштикге къанат битсе, чыпчыкъ къалмаз эди.
- Оюмсуз атлагъан, аджалсыз ёлюр.
- Тилде сюек болмаса да, сюек сындырыр.
- Адамны адамлыгъы къыйынлыкъда айгъакъланады.
- Рысхысына кёре, джаш ёсер, къышлыгъына кёре, мал ёсер.
- Башланнган иш битер, къымылдагъан тиш тюшер.
- Ач отунчуну ачыуу – бурнунда.
- Джеринден айырылгъан – джети джылар, джуртундан айырылгъан – ёлгюнчю джылар.
- Аман адамны тепсинге олтуртсанг, къызынгы тилер.
- Окъ къызбайны джокълайды.
- Ышармагъан – кюлмез, кюлмеген – къууанчны билмез.
- Кёзю сокъурдан – къоркъма, кёлю сокъурдан – къоркъ.
- Накъырданы арты керти болур.
- Ариу сёз – къылычдан джити.
- Шапа кёб болса, аш татымсыз болур.
- Къонакъ аман болса, къонакъбай джунчур
- Магъанасыз сёз – тауушсуз сыбызгъы.
- Джуртун къоругъан озар.
- Акъыл къартда, джашда тюйюлдю – башдады.
- Ишни аллы бла къууанма да, арты бла къууан.
Ошибка!
Для просмотра темы введите ваши логин и пароль.Пожалуйста, авторизуйтесь: