- Къарнынг къанлынга кийирир.
- Иги бла джюрюсенг, джетерсе муратынга, аман бла джюрюсенг, къалырса уятха.
- Аш иеси бла татлыды.
- Аллахдан тилесенг, кёб тиле.
- Кёл – къызбай, къол – батыр.
- Ач, тоймам, дейди, тойгъан, ач болмам, дейди.
- Иесиз малны бёрю ашар.
- Тюзлюк шохлукъну бегитир.
- Ата – баланы уясы.
- Терслик кетер, тюзлюк джетер.
- Къарны аманнга къазан такъдырма, къолу аманнга от джакъдырма.
- Кийиминг бла танылма, адамлыкъ бла таныл.
- Кёб джашагъан – кёб билир.
- Аманны эки битли тону болур, бирин сеннге кийдирир, бирин кеси киер.
- Сёз садакъдан кючлюдю.
- Ариу – кёзге, акъыл – джюрекге.
- Адебни адебсизден юрен.
- Ишлегенден, къарагъан уста.
- Кёзден кетген, кёлден да кетеди.
- Ауругъанны сау билмез, ач къарынны токъ билмез.
- Чакъырылмагъан къонакъ тёрге атламаз.
- Насыб бютеу халкъны юлюшюдю.
- Намысы джокъну – дуниясы джокъ.
- Башынга джетмегенни сорма.
- Сютню башын джалагъан къутулур, тюбюн ичген тутулур.
- Чыбыкълыкъда бюгюлмеген, къазыкълыкъда бюгюлмей эди.
- Эртде тургъан бла эртде юйленнген сокъуранмаз.
- Тёзген – тёш ашар!
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Юйюнг бла джау болгъандан эсе, элинг бла джау бол.
- Ачлыкъ отха секиртир.
- Кийимни бичсенг, кенг бич, тар этген къыйын тюлдю.
- Юйюнгден чыкъдынг – кюнюнгден чыкъдынг.
- Мал кёб болса, джууукъ кёб болур.
- Тау башында, тау болмаз, джангыз терек, бау болмаз.
- Мухар, кеси тойса да, кёзю тоймаз.
- Къонакъ болсанг, ийнакъ бол.
- Кюн – узун, ёмюр – къысха.
- Ашлыкъны арба юйге келтирир, чана базаргъа элтир.
- Ачыу алгъа келсе, акъыл артха къалады.
- Байлыкъ болгъан джерде, тынчлыкъ джокъду.
- Аман эсирсе, юйюн ояр.
- Юйлю уругъа ит чабмаз.
- Джиби бир къат джетмей эди да, эки къат тарта эди.
- Тюзлюк тас болмайды.
- Эм ашхы къайын ана мамукъ бла башынгы тешер.
- Сабыр джетер муратха, сабырсыз къалыр уятха.
- Рысхы – сют юсюнде кёмюк кибикди.
- Ашда уялгъан – мухар, ишде уялгъан – хомух.
- Билимсиз иш бармаз.
Ошибка!
Для просмотра темы введите ваши логин и пароль.Пожалуйста, авторизуйтесь: