- Ёнгкюч къууана барыр, джылай келир.
- Башсыз урчукъ тюзюне айланмаз.
- Чыкълы кюнде чыкъмагъан, чыкъса къуру кирмеген.
- Тели турса – той бузар.
- Сормай – алма, чакъырылмай – барма.
- Ишлемеген – тишлемез.
- Джуртун къоругъан озар.
- Юй кюйдю да, кюйюз чыкъды, ортасындан тюйюш чыкъды.
- Башда акъыл болмаса, эки аякъгъа кюч джетер.
- Тешигини къатында, чычхан да батыр болур.
- Адамны артындан къара сабан сюрме.
- Зар адамны насыбы болмаз.
- Къыйынлы джети элге оноу этер.
- Ётюрюкчюню шагъаты – къатында.
- Атлыны кёрсе, джаяуну буту талыр.
- Таякъ этден ётер, тил сюекден ётер.
- Баш – акъыл ючюн, акъылман – халкъ ючюн.
- Нарт сёз къарт болмаз.
- Сыфатында болмагъаны, суратында болмаз.
- Булут кёкге джарашыу, уят бетге джарашыу.
- Чакъырылмай келген къонакъ сыйланмай кетер.
- Акъыллы башны – тили къысха.
- Аджашханны ызындагъы кёреди, джангылгъанны джанындагъы биледи.
- Кийимни бир кюнню аясанг, минг кюннге джарар.
- Бети къызарыучу адамны, джюреги харам болмаз.
- Чакъырылмагъан къонакъ – орунсуз.
- Кёлсюзден сёзсюз тууар.
- Ауругъанны сау билмез, ач къарынны токъ билмез.
- Алтыда кюлмеген, алтмышда кюлмез.
- Кимни – тили, тиши онглу, кимни – къолу, иши онглу.
- Бёрю да ач къалмасын, эчки да ашалмасын.
- Ёлген ийнек сютлю болур.
- Ариуну – ауруу кёб.
- Аман киши кеси юйюнде – къонакъ.
- Тил – кесген бычакъ, сёз – атылгъан окъ.
- Тилчи тилден къаныкъмаз.
- Чомартха Тейри да борчлуду.
- Абынмазлыкъ аякъ джокъ, джангылмазлыкъ джаякъ джокъ.
- Билим – акъылны чырагъы.
- Ашаса, ашамаса да, бёрюню ауузу – къан.
- Къуллукъчума, деб махтанма, къуллукъ – хаух джамчыды!
- Телиге от эт десенг, юйюнге от салыр.
- Бек ашыкъгъан меннге джетсин, дегенди аракъы.
- Дуния мал дунияда къалады.
- Сёлеш деб шай берген, тохта деб, сом берген.
- Итли къонакъ джарашмаз.
- Сангырау къулакъ эл бузар.
- Тёзгеннге, джабылгъан эшик ачылыр.
- Ариу джол аджал келтирмез.
- Арбаз сайлама да, хоншу сайла.
Ошибка!
Для просмотра темы введите ваши логин и пароль.Пожалуйста, авторизуйтесь: