- Дуния аламаты сен эсенг да, игиме деб айтма.
- Байлыкъдан саулукъ ашхыды.
- Ёгюзню мюйюзюнден тутадыла, адамны сёзюнден тутадыла.
- Юй кюйдю да, кюйюз чыкъды, ортасындан тюйюш чыкъды.
- Бал чибинни ургъаны – ачы, балы – татлы.
- Тойну къарнашы – харс, джырны къарнашы – эжиу.
- Эки къатын алгъанны къулагъы тынгнгаймаз.
- Сагъыш – къартлыкъгъа сюйюмчю.
- Кёл – къызбай, къол – батыр.
- Кийиминг бла танылма, адамлыкъ бла таныл.
- Джахил болса анасы, не билликди баласы?
- Адамны сабийин сюйген джюреги, бычакъча, джитиди.
- Экеу тутушса, биреу джыгъылыр.
- Этни да ашады, бетни да ашады.
- Кюн – узун, ёмюр – къысха.
- Кёзден кетген, кёлден да кетеди.
- Ким бла джюрюсенг, аны кёзю бла кёрюнюрсе.
- Иги болса, тамадама – махтау, аман болса, меннге – айыб.
- Къан бла кирген, джан бла чыгъар.
- Бетинги сатма, малынгы сат.
- Окъумагъан сокъурду, сокъур ташха абыныр!
- Джарлыны эшигин махтагъан джабар.
- Къонакъ аз олтурур, кёб сынар.
- Къоркъакъны кёзю экили кёрюр.
- Тойгъандан сора, ашны сёкме.
- Сютню башын джалагъан къутулур, тюбюн ичген тутулур.
- Болджал ишни бёрю ашар.
- Берекет берсин деген джерде, берекет болур.
- Мадар болса, къадар болур.
- Эл тойса, тоймагъан, эл къойса, къоймагъан.
- Акъыл бла адеб эгизледиле.
- Башсыз урчукъ тюзюне айланмаз.
- Насыб бютеу халкъны юлюшюдю.
- Халкъгъа джарагъан, джарлы къалмаз.
- Экиндини кеч къылсанг, чабыб джетер ашхам.
- Арбаз къынгырды да, ийнек сауалмайма.
- Атынг аманнга чыкъгъандан эсе, джанынг тамагъынгдан чыкъсын.
- Къазанда болса, чолпугъа чыгъар.
- Къарнынг бла ёч алма.
- Гыдай эчки суугъа къараб, мюйюзле кёрмесе, джашма алкъын, дегенди.
- Ата джурт – алтын бешик.
- Махтаннган къыз, тойда джукълар.
- Къошда джокъгъа – юлюш джокъ.
- Киштикге къанат битсе, чыпчыкъ къалмаз эди.
- Тура эдим джата, къайдан чыкъды хата?
- Тёгюлген тюгел джыйылмайды.
- Тилде сюек болмаса да, сюек сындырыр.
- Джаралыны джастыгъында сау ёлюр.
- Башда акъыл болмаса, эки аякъгъа кюч джетер.
- Кёзю сокъурдан – къоркъма, кёлю сокъурдан – къоркъ.
Ошибка!
Для просмотра темы введите ваши логин и пароль.Пожалуйста, авторизуйтесь: