- Мени джылытмагъан кюн, меннге тиймесин!
- Тура эдим джата, къайдан чыкъды хата?
- Сёлеш деб шай берген, тохта деб, сом берген.
- Акъылсызны джууукъгъа алма, акъыллыны кенгнге салма.
- Кёрмегеннге кебек – танг, битмегеннге сакъал – танг.
- Накъырда – кертини келечиси.
- Къонакъ кёб келюучю юйню, къазаны отдан тюшмез.
- Иши джокъну, сыйы джокъ.
- Тамчы таш тешер.
- Аууздан келген, къолдан келсе, ким да патчах болур эди.
- Арбаз сайлама да, хоншу сайла.
- Джюз элде джюз ёгюзюм болгъандан эсе, джюз джууугъум болсун.
- Къарнынг бла ёч алма.
- Билимли ёлмез, билимсиз кёрмез.
- Ачыкъ джюрекге джол – ачыкъ.
- Ата – баланы уясы.
- Байма, деб да, къууанма, джарлыма, деб да, джылама.
- Адамны бетине къарама, адетине къара.
- Бал – татлы, балдан да бала – татлы.
- Адам туугъан джеринде, ит тойгъан джеринде.
- Джылкъыдан – ат чыгъар, тукъумдан – джаш чыгъар.
- Джол бла сёзню къыйыры джокъ.
- Къууут – джелге, берне – бошха.
- Къыз тиширыу кеси юйюнде да къонакъды.
- Ишин билген, аны сыйын чыгъарады.
- Тил бла келеди джыр да.
- Къозулугъунда тоймагъан, къойлугъунда тоймаз.
- Тёгюлген тюгел джыйылмайды.
- Аман адам элни бир-бирине джау этер.
- Джарлыны эшигин махтагъан джабар.
- Джаханимни кёрмей, джандетге кёл салмазса.
- Тау башында, тау болмаз, джангыз терек, бау болмаз.
- Мен да «сен», дейме, сен да «кесим», дейсе.
- Тынгылагъан тынгы бузар.
- Хантына кёре тузу, юйюне кёре къызы.
- Билген билмегенни юретген адетди.
- Эли джокъну – кёлю джокъ.
- Джан саулукъ бермей, сан саулукъ бермезсе.
- Аманны тукъумуна къарама, игини тукъумун сорма.
- Тюзлюк тас болмайды.
- Керек ташны ауурлугъу джокъ.
- Чабар ат – джетген къыз.
- Тойчу джашха къарама, къойчу джашха къара.
- Уллу сёзде уят джокъ.
- Къаллай салам берсенг, аллай джууаб алырса.
- Ёнгкюч къууана барыр, джылай келир.
- Акъыл бла адеб эгизледиле.
- От кюйдюрген, сау болса да, тот кюйдюрген, сау болмаз.
- Джарлы эскисин джамаса, къууаныр.
- Кюн – узун, ёмюр – къысха.
Ошибка!
Для просмотра темы введите ваши логин и пароль.Пожалуйста, авторизуйтесь: