- Къазанны башы ачыкъ болса, итге уят керекди.
- Айырылгъанланы айю ашар, бёлюннгенлени бёрю ашар.
- Тилчи тилден къаныкъмаз.
- Адам сёзге тынгыла, акъыл сёзню ангыла.
- Келинин тута билмеген, къул этер, къызын тута билмеген, тул этер.
- Бозанг болмагъан джерге, къалагъынгы сукъма.
- Къарт болгъан джерде, берекет болур, сабий болгъан джерде, оюн болур.
- Аууз сакълагъан – джан сакълар.
- Нарт сёз къарт болмаз.
- Къызын тута билмеген, тул этер, джашын тута билмеген, къул этер.
- Джогъун бар этген, барын бал этген.
- Алим болгъандан эсе, адам болгъан къыйынды.
- Экеулен сёлеше тура эселе, орталарына барыб кирме.
- Билимли ёлмез, билимсиз кёрмез.
- Окъуу – билимни ачхычы, окъуу – дунияны бачхычы.
- Терслик кетер, тюзлюк джетер.
- Чакъырылмагъан къонакъ – орунсуз.
- Чабакъсыз кёлге къармакъ салгъанлыкъгъа, чабакъ тутмазса.
- Юйюнгден чыкъдынг – кюнюнгден чыкъдынг.
- Аманнга алтын чыдамаз.
- Къайгъыны сюйген, къайгъы табар.
- Суугъа – чабакъ, къаягъа – ыргъакъ.
- Къаллай салам берсенг, аллай джууаб алырса.
- Дууулдаса – бал чибин, къонса – къара чибин.
- Этни да ашады, бетни да ашады.
- Иги сёз – джаннга азыкъ, аман сёз башха – къазыкъ.
- Эки элинги тыйсанг, джети элде махталырса.
- Адам къыйынлыгъын кёлтюрюр, зауукълугъун кёлтюрмез.
- Ашын ашагъанынгы, башын да сыйла.
- Сескекли кесин билдирир.
- Терек ауса, отунчу – кёб.
- Ишге юренсин къоллары, халкъ бла болсун джоллары.
- Акъыллы башны – тили къысха.
- Тамбла алтындан бюгюн багъыр ашхы.
- Айырылмаз джууугъунга, унутмаз сёзню айтма.
- Джарлыны тону джаз битер.
- Джашны джигитлиги сорулур, къызны джигерлиги сорулур.
- Башсыз урчукъ тюзюне айланмаз.
- Сёз садакъдан кючлюдю.
- Нафысынгы айтханын этме, намысынгы айтханын эт.
- От кюйдюрген, сау болса да, тот кюйдюрген, сау болмаз.
- Битмегеннге сакъал – танг.
- Азыкъ аз болса, эртде орун сал.
- Къонакъны къачан кетерин сорма, къачан келлигин сор.
- Мухар, кеси тойса да, кёзю тоймаз.
- Кёпюр салгъан кеси ётер, уру къазгъан кеси кетер.
- Кийимни бир кюнню аясанг, минг кюннге джарар.
- Ата – баланы уясы.
- Бети къызарыучу адамны, джюреги харам болмаз.
- Кийим тукъум сордурур.
Ошибка!
Для просмотра темы введите ваши логин и пароль.Пожалуйста, авторизуйтесь: