- Джолунга кёре – джюрюшюнг, джагъанга кёре – юлюшюнг.
- Мал ёлсе, сюек къалыр, адам ёлсе, иши къалыр.
- Тил – миллетни джаны.
- Къартны сыйын кёрмеген, къартлыгъында сыйлы болмаз.
- Чакъырылмагъан къонакъ къачан кетерин сормаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Аякъларынгы джууургъанынга кёре узат.
- Кесине оноу эте билмеген, халкъына да эте билмез.
- Бир абыннган – минг сюрюнюр.
- Борчунг бар эсе, хурджунунга ойлаб узал.
- Ёмюрлюк шохлукъну джел элтмез.
- Насыблы элин сюер, насыбсыз кесин сюер.
- Байма, деб да, къууанма, джарлыма, деб да, джылама.
- Эл ауузу – элек, анга ийнаннган – халек.
- Элде адам къалмаса, ит тахтагъа минер.
- Насыб бютеу халкъны юлюшюдю.
- Алма терегинден кери кетмез.
- Ашарыкъда сайлагъаннга – чий гырджын.
- Тойгъан джерге джети къайт.
- Дууулдаса – бал чибин, къонса – къара чибин.
- Таугъа чыгъаллыкъ эсенг, тюзде къалма.
- Битмегеннге сакъал – танг.
- Джерни букъусу кёкге къонмаз.
- Къызгъанчдан ычхыныр, мухардан ычхынмаз.
- Ана къолу ачытмаз.
- Сабыр джетер муратха, сабырсыз къалыр уятха.
- Ариу сёз аурууунгу алыр.
- Дженгил джетерикме деб, узун джолну къоюб, къысхасын барма.
- Айырылмаз джууугъунга, унутмаз сёзню айтма.
- Билимсиз иш бармаз.
- Окъуусуз билим – джокъ, билимсиз кюнюнг – джокъ.
- Арбаз сайлама да, хоншу сайла.
- Айран ичген – къутулду, джугъусун джалагъан – тутулду.
- Эр абынмай, эл танымаз.
- Эртде тургъан джылкъычыны эркек аты тай табар.
- Джарлы джети элни сёзюн этер.
- Ашлыкъ – бюртюкден, джюн – тюкден.
- Малны кют, джерни тюрт.
- Баргъанынга кёре болур келгенинг.
- Керти сёзге тёре джокъ.
- Къонакъ аман болса, къонакъбай джунчур
- Зар адам ашынгы ашар, кесинги сатар.
- Къарт бла баш аша, джаш бла аякъ аша.
- Байлыкъ болгъан джерде, тынчлыкъ джокъду.
- Уруну арты – къуру.
- Кирсизни – саны таза, халалны – къаны таза.
- Ашаса, ашамаса да, бёрюню ауузу – къан.
- Тиширыусуз юй – отсуз от джагъа.
- Билмезни кёзю кёрмез, этмезни къулагъы эшитмез.
- Экиндини кеч къылсанг, чабыб джетер ашхам.
Ошибка!
Для просмотра темы введите ваши логин и пароль.Пожалуйста, авторизуйтесь: