- Аджашхан тёгерек айланыр.
- Башы ишлегенни, ауузу да ишлер.
- Къуллукъчума, деб махтанма, къуллукъ – хаух джамчыды!
- Джаз бир кюнню джатсанг, къыш талай кюнню абынырса.
- Акъдан къара болмаз.
- Ханы къызы буюгъа-буюгъа киштик болду.
- Илму – джашауну джолу.
- Сакъ юйюне сау барыр.
- Эртде тургъан джылкъычыны эркек аты тай табар.
- Aдам боллукъ, сыфатындан белгили.
- Ашхы атаны – джашы ашхы, ашхы ананы – къызы ашхы.
- Кечеси – аяз, кюню – къыш, джарлы къаргъагъа бир аш тюш!
- Тиширыусуз юй – отсуз от джагъа.
- Бичгенде ашыкъма, тикгенде ашыкъ.
- Тойгъан антын унутур.
- Ёлген аслан – сау чычхан.
- Къарнынг ауруса, ауузунгу тый
- Керек ташны ауурлугъу джокъ.
- Адам къаллай бир ишленмесе, аллай бир кесин уллу кёреди.
- Акъыллы – эл иеси, тели – эл баласы.
- Сыфатында болмагъаны, суратында болмаз.
- Адамны аты башхача, акъылы да башхады.
- Кютгени беш эчки, сызгъыргъаны уа, джерни джарады.
- Къошда джокъгъа – юлюш джокъ.
- Чомарт къонакъ юй иесин сыйлар.
- Окъугъан – асыу, окъумагъан – джарсыу.
- Душманны тышы – акъ, ичи – къара.
- Азыкълы ат арымаз, къатыны аман джарымаз.
- Ауузу аманнга «иги», деме.
- Сакъламагъан затынга джолукъсанг, не бек къууанаса, не бек ачыйса.
- Айтхан сёзюне табылгъан.
- Байны къызы баймакъ болса да, юйде къалмаз!
- Насыблы элин сюер, насыбсыз кесин сюер.
- Айран ичген – къутулду, джугъусун джалагъан – тутулду.
- Эрни эр этерик да, къара джер этерик да, тиширыуду.
- Эллинг бла джау болсанг да, юйюнг бла джау болма.
- Дженгил джетерикме деб, узун джолну къоюб, къысхасын барма.
- Билим – акъылны чырагъы.
- Уллу атлама – абынырса, уллу къабма – къарылырса.
- Тёрдеги кюлсе, эшикдеги ышарыр.
- Джаш болсун, къыз болсун, акъылы, саны тюз болсун.
- Тилчиден кери бол.
- Кюн кёрмеген, кюн кёрсе, кюндюз чыракъ джандырыр.
- Тойгъандан сора, ашны сёкме.
- Билген билмегенни юретген адетди.
- Ичимден чыкъды хата, къайры барайым сата?
- Байлыкъ келсе, акъыл кетер.
- Тёрени джагъы джокъ.
- Тынгылагъан тынгы бузар.
- Къан бла кирген, джан бла чыгъар.
Ошибка!
Для просмотра темы введите ваши логин и пароль.Пожалуйста, авторизуйтесь: