- Чомарт джарлы болмаз.
- Къарнынг тойгъунчу аша да, белинг талгъынчы ишле.
- Тил – миллетни джаны.
- Кесинг сынамагъан затны, адамгъа буюрма.
- Элни кючю – эмеген.
- Ойнай билмеген, оюн бузар.
- Дуния мал дунияда къалады.
- Суугъа – чабакъ, къаягъа – ыргъакъ.
- Тюзлюк тас болмайды.
- Таякъ этден ётер, тил сюекден ётер.
- Нарт сёз – тилни бети.
- Ач, тоймам, дейди, тойгъан, ач болмам, дейди.
- Эри аманны, къатыны – аман.
- Ёзденликни кёбю ётюрюк.
- Эринчекни эр алмаз, эр алса да, кёл салмаз, кёл салса да, кёб бармаз!
- Ичимден чыкъды хата, къайры барайым сата?
- Ат да турмайды бир териде.
- Ачлыкъда тары гырджын халыуадан татлы.
- Эте билген, этген этеди, эте билмеген, юретген этеди!
- Гыдай эчки суугъа къараб, мюйюзле кёрмесе, джашма алкъын, дегенди.
- Малны кют, джерни тюрт.
- Адам сёзюнден белгили.
- Чомартха хар кюн да байрамды.
- Акъыллы – эл иеси, тели – эл баласы.
- Билмегенинги, билгеннге сор.
- Билеги кючлю, бирни джыгъар, билими кючлю, мингни джыгъар.
- Эркиши – от, тиширыу – суу.
- Къумурсхала джыйылсала, пилни да джыгъадыла.
- Ётюрюкден тюбю джокъ, кёлтюрюрге джиби джокъ.
- Ауузу аманнга «иги», деме.
- Хар адамгъа кеси миннген тау кибик.
- Аманнга игилик этсенг, юйюнге сау бармазса.
- Кийимни бир кюнню аясанг, минг кюннге джарар.
- Билимден уллу байлыкъ джокъду.
- Игини сыйлагъан адетди.
- Билим къая тешер.
- Тенгинг джокъ эсе – изле, бар эсе – сакъла!
- Сибиртки да сыйлы болду, кюрек да кюнлю болду.
- Ачылгъан эт джабылыр, кёрген кёз унутмаз.
- Ургъан суудан башынгы сакъла.
- Чакъырылмагъан къонакъ къачан кетерин сормаз.
- Ариу сёз – къылычдан джити.
- Гитче джилтин уллу элни джандырыр.
- Байлыкъдан саулукъ ашхыды.
- Мал тутхан – май джалар.
- Тынгылагъан тынгы бузар.
- Ач къарным, тынч къулагъым.
- Тели турса – той бузар.
- Терслик кетер, тюзлюк джетер.
- Айырылмаз джууугъунга, унутмаз сёзню айтма.
Ошибка!
Для просмотра темы введите ваши логин и пароль.Пожалуйста, авторизуйтесь: