- Эртде тургъан бла эртде юйленнген сокъуранмаз.
- Магъанасыз сёз – тауушсуз сыбызгъы.
- Джыйырма къойну юч джыйырма эбзе кюте эди.
- Кесинге джетмегенни, кёб сёлешме.
- Джерни букъусу кёкге къонмаз.
- Накъырданы арты керти болур.
- Булут кёкге джарашыу, уят бетге джарашыу.
- Нёгерсизни джолу узун.
- Босагъагъа джууукъ орун болса, ашыгъыб тёрге озма.
- Гырджын – тепсини тамадасы.
- Сакъ юйюне сау барыр.
- Огъурлуну сёзю – суу, огъурсузну сёзю – уу.
- Ашыкъгъанны этеги бутуна чырмалыр.
- Ауругъаннга – кийик саулукъ, джетген къызгъа – чилле джаулукъ.
- Билими азны – ауузунда кирит.
- Суу да къайтады чыкъгъан джерине.
- Окъдан джара эртде-кеч болса да бителир, сёз джара, ёмюрге къалыр.
- Ушамагъан – джукъмаз.
- Кёл ашады да, кеси ашады.
- Нарт сёз къарт болмаз.
- Рысхысына кёре, джаш ёсер, къышлыгъына кёре, мал ёсер.
- Джукъу тёшек сайламайды.
- Эл ауузу – элия.
- Телиге от эт десенг, юйюнге от салыр.
- Игини сыйлагъан адетди.
- Джырчы джырчыгъа – къарнаш.
- Джангызны оту джарыкъ джанмаз!
- Телиге акъыл салгъандан эсе, ёлгеннге джан салырса.
- Эки элинги тыйсанг, джети элде махталырса.
- Сютню башын джалагъан къутулур, тюбюн ичген тутулур.
- Кютгени беш эчки, сызгъыргъаны уа, джерни джарады.
- Окъумагъан сокъурду, сокъур ташха абыныр!
- Эллинг бла джау болсанг да, юйюнг бла джау болма.
- Сютден ауузу кюйген, суугъа юфгюре эди.
- Кёб къычыргъандан – къоркъма, тынч олтургъандан – къоркъ.
- Кёзюнде тереги болгъан, чёбю болгъаннга кюле эди.
- Ата – баланы уясы.
- Тели турса – той бузар.
- Арпа, будай – ащды, алтын, кюмюш а – ташды.
- Татлы сёз – балдан татлы.
- Тилчиден кери бол.
- Ойнаб айтсанг да, эслеб айт.
- Рысхы – сют юсюнде кёмюк кибикди.
- Телини эшигин, махтау джабар.
- Тай асырагъан, атха минер.
- Ачылгъан эт джабылыр, кёрген кёз унутмаз.
- Юйлю уругъа ит чабмаз.
- Чакъырылмагъан джерге барма, чакъырылгъан джерден къалма.
- Ач да бол, токъ да бол – намысынга бек бол.
- Билим къая тешер.
Ошибка!
Для просмотра темы введите ваши логин и пароль.Пожалуйста, авторизуйтесь: