- Эр абынмай, эл танымаз.
- Къарны аманнга къазан такъдырма, къолу аманнга от джакъдырма.
- Къуру гыбыт бек дыгъырдар.
- Абынмазлыкъ аякъ джокъ, джангылмазлыкъ джаякъ джокъ.
- Тилчиден кери бол.
- Гитче джилтин уллу элни джандырыр.
- Сабий кёргенин унутмаз.
- Юй ишлеген балта эшикде къалыр.
- Къалгъан ишге къар джауар.
- Накъырда – кертини келечиси.
- Билим къая тешер.
- Джол бла сёзню къыйыры джокъ.
- Ашын ашагъанынгы, башын да сыйла.
- Билеги кючлю, бирни джыгъар, билими кючлю, мингни джыгъар.
- Элде адам къалмаса, ит тахтагъа минер.
- Аууз сакълагъан – джан сакълар.
- Экеулен сёлеше тура эселе, орталарына барыб кирме.
- Чоюнну башы ачыкъ болса, итге уят керекди.
- Мухар, кеси тойса да, кёзю тоймаз.
- Дууулдаса – бал чибин, къонса – къара чибин.
- Билмезни кёзю кёрмез, этмезни къулагъы эшитмез.
- Халкъны джырын джырласанг, халкъ санга эжиу этер.
- Элиб деген, элге болушур.
- Сёз сёзню айтдырыр.
- Акъыллы эркиши атын махтар, акъылсыз эркиши къатынын махтар.
- Эл элде бирер малынг болгъандан эсе, бирер тенгинг болсун.
- Тамбла алтындан бюгюн багъыр ашхы.
- Кеси юйюмде мен да ханма.
- Аманны эки битли тону болур, бирин сеннге кийдирир, бирин кеси киер.
- Чомарт бергенин айтмаз.
- Арбаз сайлама да, хоншу сайла.
- Аманнга алтын чыдамаз.
- Къоркъакъны кёзю экили кёрюр.
- Керек ташны ауурлугъу джокъ.
- Илму – джашауну джолу.
- Байлыкъдан саулукъ ашхыды.
- Булут кёкге джарашыу, уят бетге джарашыу.
- Ачлыкъ отха секиртир.
- Джетген къыз джерли эшекни танымаз.
- Джолда аягъынга сакъ бол, ушакъда тилинге сакъ бол.
- Ётюрюк хапар аякъ тюбю бла джюрюйдю.
- Кюлме джашха – келир башха.
- Келлик заман – къартлыкъ келтирир, кетген заман – джашлыкъ ёлтюрюр.
- Джукъу тёшек сайламайды.
- Эски джаугъа ышанма.
- Джылар джаш, атасыны сакъалы бла ойнар.
- Къарт болгъан джерде, берекет болур, сабий болгъан джерде, оюн болур.
- Айтхан сёзюне табылгъан.
- Ачлыкъда тары гырджын халыуадан татлы.
- Ариу – кёзге, акъыл – джюрекге.
Ошибка!
Для просмотра темы введите ваши логин и пароль.Пожалуйста, авторизуйтесь: