- Тойгъан антын унутур.
- Тилде сюек болмаса да, сюек сындырыр.
- Хата – гитчеден.
- Кёбге таш атма.
- Айтылгъан буйрукъ, сёгюлмез
- Аджалсыз ёлюм болмаз.
- Тай асырагъан, атха минер.
- Джол бла сёзню къыйыры джокъ.
- Иги сёз – джаннга азыкъ, аман сёз башха – къазыкъ.
- Къарыусузгъа кюлме, онгсузгъа тийме.
- Азыгъы аз, алгъа къабар, аты аман, алгъа чабар.
- Хунаны тюбюн къазсанг, юсюнге ауар.
- Къар – келтирди, суу – элтди.
- Тилчиден кери бол.
- Чабакъгъа акъыл, табагъа тюшсе келеди.
- Тюзлюк шохлукъну бегитир.
- Аманны эки битли тону болур, бирин сеннге кийдирир, бирин кеси киер.
- Акъыллы – эл иеси, тели – эл баласы.
- Кимни – тили, тиши онглу, кимни – къолу, иши онглу.
- Ёлмесенг да, къарт дамы болмазса?
- Минг тенг да азды, бир джау да кёбдю.
- Нёгерсизни джолу узун.
- Айырылгъанланы айю ашар, бёлюннгенлени бёрю ашар.
- Ёлюр джаннга, ёкюл джокъ.
- Адеб этмеген, адеб кёрмез.
- Ашарыкъда сайлагъаннга – чий гырджын.
- Къызны минг тилер, бир алыр.
- Нарт сёз къарт болмаз.
- Юйюнг бла джау болгъандан эсе, элинг бла джау бол.
- Этни да ашады, бетни да ашады.
- Ата – билек, ана – джюрек!
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Эллинг бла джау болсанг да, юйюнг бла джау болма.
- Иги адам абынса да, джангылмаз.
- Намыс сатылыб алынмайды.
- Тешик этген тынчды, аны джамагъан къыйынды.
- Кенгеш болса, уруш болмаз.
- Садакъачыны джаны – къапчыгъында.
- Эм уллу байлыкъ – джан саулукъ.
- Кесине гебен этелмеген, биреуге черен эте эди.
- Акъылсызны джууукъгъа алма, акъыллыны кенгнге салма.
- Тенгинг джокъ эсе – изле, бар эсе – сакъла!
- Къатын байлыкъны сюер, эр саулукъну сюер.
- Ариу сёз джыланны орнундан чыгъарыр.
- Ётген ёмюр – акъгъан суу.
- Тыш элде солтан болгъандан эсе, кесинги элде олтан болгъан игиди!
- Билимден уллу байлыкъ джокъду.
- Ачлыкъда тары гырджын халыуадан татлы.
- Байлыкъ адамны сокъур этер.
- Бетинги сатма, малынгы сат.
Ошибка!
Для просмотра темы введите ваши логин и пароль.Пожалуйста, авторизуйтесь: