- Кеси юйюмде мен да ханма.
- Джарашыу сюйген – джалынчакъ.
- Кёбден умут этиб, аздан къуру къалма.
- Биреуге аманлыкъ этиб, кесинге игилик табмазса.
- Байны оноуу, джарлыгъа джарамаз.
- Джангыз торгъай джырламаз.
- Намысы болмагъанны, сыйы болмаз.
- Акъыллы эркиши атын махтар, акъылсыз эркиши къатынын махтар.
- Окъумагъан сокъурду, сокъур ташха абыныр!
- Ашарыкъда сайлагъаннга – чий гырджын.
- Ёлюк кебинсиз къалмаз.
- Аууздан келген, къолдан келсе, ким да патчах болур эди.
- Соргъан айыб тюлдю, билмеген айыбды.
- Кимни – тили, тиши онглу, кимни – къолу, иши онглу.
- Аман къатын сабий табса, бий болур…
- Биреуге кёлтюрген таягъынг, кесинги башынга урур.
- Ишлерге уял да, ашаргъа табма.
- Чомарт джарлы болмаз.
- Алтыннга тот къонмаз.
- Алим болгъандан эсе, адам болгъан къыйынды.
- Ариу – кёзге, акъыл – джюрекге.
- Бал – татлы, балдан да бала – татлы.
- Ётюрюкден тюбю джокъ, кёлтюрюрге джиби джокъ.
- Айтхан сёзюне табылгъан.
- Ашлыкъ – бюртюкден, джюн – тюкден.
- Урунуу – насыбны анасы.
- Юре билмеген ит, къонакъ келтирир.
- Гугурук къычырмаса да, тангны атары къалмаз.
- Экиндини кеч къылсанг, чабыб джетер ашхам.
- Ишленмеген джаш – джюгенсиз ат, ишленмеген къыз – тузсуз хант.
- Джарлы джети элни сёзюн этер.
- «Ёгюз, джаргъа джууукъ барма, меннге джюк боллукъса», - дегенди эшек.
- Къалгъан ишге къар джауар.
- Билеги кючлю, бирни джыгъар, билими кючлю, мингни джыгъар.
- Ётюрюкню къуйругъу – бир тутум.
- Экеулен сёлеше тура эселе, орталарына барыб кирме.
- Ёлген аслан – сау чычхан.
- Эм ашхы къайын ана мамукъ бла башынгы тешер.
- Сёз садакъдан кючлюдю.
- Аманны тукъумуна къарама, игини тукъумун сорма.
- Термилгенинги табмазса, кюлгенинге тюберсе.
- Тойгъан джерден туугъан джер игиди.
- Акъылсызны джууукъгъа алма, акъыллыны кенгнге салма.
- Таукел къуру къалмаз.
- Къар – келтирди, суу – элтди.
- Ишни ахырын ойламай, аллын башлама.
- Кёб джат да, бек чаб.
- Ёпкелегенни ашы татлы болады.
- Тик ёргени, тик энгишгеси да болады.
- Тойчу джашха къарама, къойчу джашха къара.
Ошибка!
Для просмотра темы введите ваши логин и пароль.Пожалуйста, авторизуйтесь: