- Тойгъан антын унутур.
- Зар адамны насыбы болмаз.
- Чакъырылмагъан къонакъ – орунсуз.
- Къайтырыкъ эшигинги, къаты уруб чыкъма.
- Келинин тута билмеген, къул этер, къызын тута билмеген, тул этер.
- Хоншуну тауугъу къаз кёрюнюр, келини къыз кёрюнюр.
- Байдан умут эте, джарлыдан ёгюз багъасы къорады.
- Бек ашыкъгъан меннге джетсин, дегенди аракъы.
- Эл тойса, тоймагъан, эл къойса, къоймагъан.
- Ёмюрлюк шохлукъну джел элтмез.
- Ёксюзню къалачы уллу кёрюнюр.
- Къыз келсе, джумуш эте келеди, къатын келсе, ушакъ эте келеди.
- Эки итни арасына сюек атма, эки адамны арасында сёз чыгъарма.
- Тёрени джагъы джокъ.
- Агъач халкъгъа алтынды, иссиликге салкъынды.
- Ишлемеген – тишлемез.
- Байма, деб да, къууанма, джарлыма, деб да, джылама.
- Ёлген ийнек сютлю болур.
- Оюмсуз атлагъан, аджалсыз ёлюр.
- Чомартха Тейри да борчлуду.
- Халкъны джырын джырласанг, халкъ санга эжиу этер.
- Сютню башын джалагъан къутулур, тюбюн ичген тутулур.
- Хазыр ашха – терен къашыкъ.
- Джырчы джырчыгъа – къарнаш.
- Къонакъ аз олтурур, кёб сынар.
- Ауругъанны сау билмез, ач къарынны токъ билмез.
- Суугъа – чабакъ, къаягъа – ыргъакъ.
- Атлыны кёрсе, джаяуну буту талыр.
- Ашыкъгъанны этеги бутуна чырмалыр.
- Ачыкъ джюрекге джол – ачыкъ.
- Бети къызарыучу адамны, джюреги харам болмаз.
- Джюрек кёзден алгъа кёрюр.
- Онгсузну – джакъла, тенгликни – сакъла.
- Бичгенде ашыкъма, тикгенде ашыкъ.
- Ашаса, ашамаса да, бёрюню ауузу – къан.
- Бет бетге къараса, бет да джерге къарар.
- Зар адам ашынгы ашар, кесинги сатар.
- Нёгерсизни джолу узун.
- Ишге юренсин къоллары, халкъ бла болсун джоллары.
- Кесине гебен этелмеген, биреуге черен эте эди.
- Ишленмеклик адамлыкъды.
- Джол бла сёзню къыйыры джокъ.
- Къошда джокъгъа – юлюш джокъ.
- Намыс болмагъан джерде, насыб болмаз.
- Къызын тута билмеген, тул этер, джашын тута билмеген, къул этер.
- Ургъан суудан башынгы сакъла.
- Аурууну келиую тынч, кетиую – къыйын.
- Чабакъ башындан чирийди.
- Гыдай эчки суугъа къараб, мюйюзле кёрмесе, джашма алкъын, дегенди.
- Намысы болмагъанны, сыйы болмаз.
Ошибка!
Для просмотра темы введите ваши логин и пароль.Пожалуйста, авторизуйтесь: