- Акъдан къара болмаз.
- Телиге акъыл салгъандан эсе, ёлгеннге джан салырса.
- Джарлы эскисин джамаса, къууаныр.
- Адам боллукъ, атламындан белгили болур.
- Гугук кесини атын айтыб къычыргъанча, мен, мен деб нек тураса?
- Этни да ашады, бетни да ашады.
- Душманны тышы – акъ, ичи – къара.
- Къыз келсе, джумуш эте келеди, къатын келсе, ушакъ эте келеди.
- Къазанны башы ачыкъ болса, итге уят керекди.
- Таукелге нюр джауар.
- Аллахдан тилесенг, кёб тиле.
- Эринчекни аурууу – кёб.
- Къулакъдан эсе, кёзге ышан.
- Ачлыкъда тары гырджын халыуадан татлы.
- Кёпюр салгъан кеси ётер, уру къазгъан кеси кетер.
- Къарт айтханны этмеген, къартаймаз.
- Ашаса, ашамаса да, бёрюню ауузу – къан.
- Аджашханны ызындагъы кёреди, джангылгъанны джанындагъы биледи.
- Атынг аманнга чыкъгъандан эсе, джанынг тамагъынгдан чыкъсын.
- Битмегеннге сакъал – танг.
- Артына баргъанны, къатына барма.
- Орундукъ тюбюнде атылсам да, орта джиликме, де да айлан.
- Къарыусузгъа кюлме, онгсузгъа тийме.
- Джаз бир кюнню джатсанг, къыш талай кюнню абынырса.
- Тойгъа барсанг, тоюб бар, эски тонунгу къоюб бар.
- Огъурлуну сёзю – суу, огъурсузну сёзю – уу.
- Айтылгъан сёз ызына къайтмаз.
- Айырылмаз джууугъунга, унутмаз сёзню айтма.
- Ач къарынны, токъ билмез
- Ауругъан – джашаудан умутчу.
- Чарсда алчыны эл кёреди.
- Къайгъыны сюйген, къайгъы табар.
- Зар адамны насыбы болмаз.
- Джигер – джаннга къыйынлыкъ.
- Билмейме деген – бир сёз
- Келлик заман – къартлыкъ келтирир, кетген заман – джашлыкъ ёлтюрюр.
- Бети бедерден, намыс сакълама.
- Къызгъанчдан ычхыныр, мухардан ычхынмаз.
- Джаш болсун, къыз болсун, акъылы, саны тюз болсун.
- Танг атмайма десе да, кюн къоярыкъ тюйюлдю.
- Ариу джол аджал келтирмез.
- Къартны бурнун сюрт да, оноугъа тут.
- Окъуу – билимни ачхычы, окъуу – дунияны бачхычы.
- Суугъа – чабакъ, къаягъа – ыргъакъ.
- Чабакъ башындан чирийди.
- Рысхы джалгъанды: келген да этер, кетген да этер.
- Биреуге кёлтюрген таягъынг, кесинги башынга урур.
- Сабий болмагъан джерде, мёлек болмаз.
- Айырылгъанланы айю ашар, бёлюннгенлени бёрю ашар.
- Миллетни бойну – базыкъ, аны бла кюрешген – джазыкъ.
Ошибка!
Для просмотра темы введите ваши логин и пароль.Пожалуйста, авторизуйтесь: