- Азыгъы аз, алгъа къабар, аты аман, алгъа чабар.
- Таукел къуру къалмаз.
- Къумурсхала джыйылсала, пилни да джыгъадыла.
- Къартны бурнун сюрт да, оноугъа тут.
- Эли джокъну – кёлю джокъ.
- Малны кют, джерни тюрт.
- Ата – билек, ана – джюрек!
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Аз айтсам, кёб ангылагъыз.
- Ауузу аманнга «иги», деме.
- Хар ишни да аллы къыйынды.
- Илму – джашауну джолу.
- Къызны минг тилер, бир алыр.
- Айтханы чапыракъдан ётмеген.
- Джаш къарыу бла кючлю, къарт акъыл бла кючлю.
- Биреуге кёлтюрген таягъынг, кесинги башынга урур.
- Билимден уллу байлыкъ джокъду.
- Халкъны джырын джырласанг, халкъ санга эжиу этер.
- Босагъагъа джууукъ орун болса, ашыгъыб тёрге озма.
- Ач – эснер, ат – кишнер.
- Ачлыкъда тары гырджын халыуадан татлы.
- Ургъан суудан башынгы сакъла.
- Бек анасы джыламаз.
- Терек ауса, отунчу – кёб.
- Кийим тукъум сордурур.
- Адамны джюреги нени кёрюрге сюйсе, кёзю да аны кёрюрге ёч болады.
- Джаханимни кёрмей, джандетге кёл салмазса.
- Тёрде – темир таякълы, къаяда – чыпчыкъ аякълы.
- Баргъанынга кёре болур келгенинг.
- Сууда джау джокъ, кёб сёзде магъана джокъ.
- Тил джюрекге джол ишлейди.
- Юре билмеген ит, къонакъ келтирир.
- Бичгенде ашыкъма, тикгенде ашыкъ.
- Адебни адебсизден юрен.
- Адеб джокъда, намыс джокъ.
- Билим насыб берир, билим джолну керир.
- Эл тойса, тоймагъан, эл къойса, къоймагъан.
- Аз сёлешген, къайгъысыз турур.
- Мал кёб болса, джууукъ кёб болур.
- Миллетни бойну – базыкъ, аны бла кюрешген – джазыкъ.
- Кёзю сокъурдан – къоркъма, кёлю сокъурдан – къоркъ.
- Къан бла кирген, джан бла чыгъар.
- Ким бла джюрюсенг, аны кёзю бла кёрюнюрсе.
- Ёзденликни кёбю ётюрюк.
- Ач къарынны, токъ билмез
- Джырына кёре эжиую.
- Накъырданы арты керти болур.
- Къобан да къуру да къобханлай турмайды, адам да къуру да патчахлай турмайды.
- Джогъун бар этген, барын бал этген.
- Уллу суу бла уллу ауруудан башынгы сакъла.
Ошибка!
Для просмотра темы введите ваши логин и пароль.Пожалуйста, авторизуйтесь: