- Кёб джат да, бек чаб.
- Къатын къылыкъсыз, эр тынчлыкъсыз.
- Аман къатын сабий табса, бий болур…
- Чакъырылмагъан къонакъ тёрге атламаз.
- Чакъырылгъанны аты, чакъырылмагъанны багъасы болур.
- Мухарны эси – ашарыкъда.
- Душманны тышы – акъ, ичи – къара.
- Ашына кёре табагъы, балына кёре къалагъы.
- Харам къарнашдан, халал тенг ашхы.
- Тойгъан джерден туугъан джер игиди.
- Сыфатында болмагъаны, суратында болмаз.
- Ишлегенде эринме, ишде чолакъ кёрюнме.
- Насыблы элин сюер, насыбсыз кесин сюер.
- Аз сёлешген, къайгъысыз турур.
- Ичимден чыкъды хата, къайры барайым сата?
- Босагъагъа джууукъ орун болса, ашыгъыб тёрге озма.
- Окъугъанны бети джарыкъ.
- Адебни адебсизден юрен.
- Айырылмаз джууугъунга, унутмаз сёзню айтма.
- Мени джылытмагъан кюн, меннге тиймесин!
- Джол бла сёзню къыйыры джокъ.
- Ач къарным, тынч къулагъым.
- Байлыкъ адамны сокъур этер.
- Чомартха Тейри да борчлуду.
- Эки ойлашыб, бир сёлешген.
- Къолу уллу – асыу, аягъы уллу – джарсыу.
- Кёбден умут этиб, аздан къуру къалма.
- Байлыкъдан саулукъ ашхыды.
- Тилде сюек болмаса да, сюек сындырыр.
- Ышармагъан – кюлмез, кюлмеген – къууанчны билмез.
- Айырылгъанланы айю ашар, бёлюннгенлени бёрю ашар.
- Ашхы болсанг, атынг чыгъар, аман болсанг, джанынг чыгъар.
- Кёз – сюйген джерде, къол – ауругъан джерде.
- Акъыллы – эл иеси, тели – эл баласы.
- Ханнга да келеди хариблик.
- Башда акъыл болмаса, эки аякъгъа кюч джетер.
- Башы ишлегенни, ауузу да ишлер.
- Ишлерге уял да, ашаргъа табма.
- Соргъан айыб тюлдю, билмеген айыбды.
- Ата Джуртун танымагъан, атасын да танымаз.
- Минг тенг да азды, бир джау да кёбдю.
- Ариу сёз джыланны орнундан чыгъарыр.
- Ашыкъгъан cуу, тенгизге джетмез.
- «Ёгюз, джаргъа джууукъ барма, меннге джюк боллукъса», - дегенди эшек.
- Къан бла кирген, джан бла чыгъар.
- Сибиртки да сыйлы болду, кюрек да кюнлю болду.
- Джылар джаш, атасыны сакъалы бла ойнар.
- Аманны къуугъан, аманлыкъ табар.
- Азыгъы аз, алгъа къабар, аты аман, алгъа чабар.
- Суугъа – таянма, джаугъа – ийнанма.
Ошибка!
Для просмотра темы введите ваши логин и пароль.Пожалуйста, авторизуйтесь: