- Минг тенг да азды, бир джау да кёбдю.
- Керилген да, ургъан кибикди.
- Тин – байлыгъынг, терен саулугъунг.
- Бир онгсуз адам адет чыгъарды, деб эштирик тюлсе.
- Джыгъылгъанны сырты джерден тоймаз.
- Сабийликде юретмесенг, уллу болса – тюзелмез.
- Джангызны оту джарыкъ джанмаз!
- Зарда марда джокъ.
- Джерни букъусу кёкге къонмаз.
- Керек ташны ауурлугъу джокъ.
- Накъырда – кертини келечиси.
- Тилчи тилден къаныкъмаз.
- Насыблы элин сюер, насыбсыз кесин сюер.
- Къазанчы аман болса, къазаны къайнамаз.
- Эл элде бирер малынг болгъандан эсе, бирер тенгинг болсун.
- Къыйынлы джети элни къайгъысын этер.
- Ишленмеклик адамлыкъды.
- Ауругъан – джашаудан умутчу.
- Тойгъандан сора, ашны сёкме.
- Байлыкъ келсе, акъыл кетер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ышармагъан – кюлмез, кюлмеген – къууанчны билмез.
- Арпа, будай – ащды, алтын, кюмюш а – ташды.
- Эки къатын алгъанны къулагъы тынгнгаймаз.
- Юй кюйдю да, кюйюз чыкъды, ортасындан тюйюш чыкъды.
- Биреу ашаб къутулур, биреу джалаб тутулур.
- Эки ойлашыб, бир сёлешген.
- Тёрдеги кюлсе, эшикдеги ышарыр.
- Тешигини къатында, чычхан да батыр болур.
- Эки къатын алгъан – эки ташны ортасына башын салгъан.
- Кёл – къызбай, къол – батыр.
- Бети – къучакълар, джюреги – бычакълар.
- Душманны тышы – акъ, ичи – къара.
- Ашатыргъа иш – ашхы, ишлетирге аш – ашхы.
- Тойгъан антын унутур.
- Этни да ашады, бетни да ашады.
- Ашхылыкъ джерде джатмайды, аманлыкъ суугъа батмайды.
- Хансыз джомакъ болмаз.
- Урама да – ёледи, сатама да – келеди.
- Сабийни джумушха джибер да, ызындан бар.
- Ата Джуртуму башы болмасам да, босагъасында ташы болайым.
- Шапа кёб болса, аш татымсыз болур.
- Телиге от эт десенг, юйюнге от салыр.
- Билимсиз иш бармаз.
- Билмезни кёзю кёрмез, этмезни къулагъы эшитмез.
- Байлыкъ тауусулур, билим тауусулмаз.
- Келгинчи, къонакъ уялыр, келгенден сора, къонакъбай уялыр.
- Нафысынгы айтханын этме, намысынгы айтханын эт.
- Эркишини аманы тиширыуну джылатыр.
- Ётюрюкню къуйругъу – бир тутум.
Ошибка!
Для просмотра темы введите ваши логин и пароль.Пожалуйста, авторизуйтесь: