- Къыз тиширыу кеси юйюнде да къонакъды.
- Эртде тургъан джылкъычыны эркек аты тай табар.
- Адамны сабийин сюйген джюреги, бычакъча, джитиди.
- Айырылмаз джууугъунга, унутмаз сёзню айтма.
- Ишлерге уял да, ашаргъа табма.
- Гитче джилтин уллу элни джандырыр.
- Окъ къызбайны джокълайды.
- Бойнуму джети джерден кессенг да, мен ол ишни этеллик тюлме.
- Къарт бла баш аша, джаш бла аякъ аша.
- Эрни эр этерик да, къара джер этерик да, тиширыуду.
- Байлыкъдан саулукъ ашхыды.
- Акъыл аздырмаз, билим тоздурмаз.
- Аман адамны тепсинге олтуртсанг, къызынгы тилер.
- Ач уят къоймаз.
- Хар зат кесини орнуна иги.
- Эркишиге тары кебек танг кёрюнюр.
- Игиге айтсанг – билир, аманнга айтсанг – кюлюр.
- Бермеген къол, алмайды.
- Тойгъан джерден туугъан джер игиди.
- Борчунг бар эсе, хурджунунга ойлаб узал.
- Экеу тутушса, биреу джыгъылыр.
- Чакъырылмагъан къонакъ къачан кетерин сормаз.
- Джырчы ёлсе, джыры къалыр.
- Окъугъан – асыу, окъумагъан – джарсыу.
- Къонакъ хазыр болгъанлыкъгъа, къонакъбай хазыр тюлдю.
- Ашаса, ашамаса да, бёрюню ауузу – къан.
- Биреуню къыйынлыгъы бла кесинге джол ишлеме.
- Окъуу – билимни ачхычы, окъуу – дунияны бачхычы.
- Ашлыкъ – бюртюкден, джюн – тюкден.
- Насыб бютеу халкъны юлюшюдю.
- Биреуню эскиси биреуге джангы болмайды.
- Эки къатын алгъанны къулагъы тынгнгаймаз.
- Ач къарынны, токъ билмез
- «Ёгюз, джаргъа джууукъ барма, меннге джюк боллукъса», - дегенди эшек.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Аджалсыз ёлюм болмаз.
- Абынмазлыкъ аякъ джокъ, джангылмазлыкъ джаякъ джокъ.
- Эм уллу байлыкъ – джан саулукъ.
- Кёз – сюйген джерде, къол – ауругъан джерде.
- Джеринден айырылгъан – джети джылар, джуртундан айырылгъан – ёлгюнчю джылар.
- Мухар, кеси тойса да, кёзю тоймаз.
- Эл ауузу – элия.
- Гугук кесини атын айтыб къычыргъанча, мен, мен деб нек тураса?
- Тюзлюк шохлукъну бегитир.
- Ёлмесенг да, къарт дамы болмазса?
- Сёз садакъдан кючлюдю.
- Джарашыу сюйген – джалынчакъ.
- Тойгъан джерге джети къайт.
- Аякъларынгы джууургъанынга кёре узат.
- Къаллай салам берсенг, аллай джууаб алырса.
Ошибка!
Для просмотра темы введите ваши логин и пароль.Пожалуйста, авторизуйтесь: