- Къолунгдан къуймакъ ашатсанг да, атаны борчундан къутулмазса.
- Джахил болса анасы, не билликди баласы?
- Ачны эсинде – аш.
- Атадан ёксюз – бир ёксюз, анадан ёксюз – эки ёксюз.
- Джерни букъусу кёкге къонмаз.
- Чабакъ башындан чирийди.
- Ач, тоймам, дейди, тойгъан, ач болмам, дейди.
- Ичимден чыкъды хата, къайры барайым сата?
- Босагъагъа джууукъ орун болса, ашыгъыб тёрге озма.
- Окъугъан – асыу, окъумагъан – джарсыу.
- Чыкълы кюнде чыкъмагъан, чыкъса къуру кирмеген.
- Тамбла алтындан бюгюн багъыр ашхы.
- Къарнынг бла ёч алма.
- Кёзню ачылгъаны – иги, ауузну джабылгъаны – иги.
- Къар – келтирди, суу – элтди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Сууда джау джокъ, кёб сёзде магъана джокъ.
- Уллу къашыкъ эрин джыртар.
- Билим – акъылны чырагъы.
- Битмегеннге сакъал – танг.
- Ач бёрюге мекям джокъ.
- Эрине къаргъыш этген къатын, эрнин къабар.
- Тешигини къатында, чычхан да батыр болур.
- Къан бла кирген, джан бла чыгъар.
- Кимни – тили, тиши онглу, кимни – къолу, иши онглу.
- Телиге от эт десенг, юйюнге от салыр.
- Элиб деген, элге болушур.
- Кирсизни – саны таза, халалны – къаны таза.
- Ач къалгъандан, кеч къалгъан къолай.
- Джылар джаш, атасыны сакъалы бла ойнар.
- Къыз чыгъаргъан – къызыл къымжа.
- Бир абыннган – минг сюрюнюр.
- Акъыллы эркиши атын махтар, акъылсыз эркиши къатынын махтар.
- Рысхы – насыбха къор.
- Тёрдеги кюлсе, эшикдеги ышарыр.
- Нарт сёз къарт болмаз.
- Ана – юйню кюн джарыгъы.
- Юй кюйдю да, кюйюз чыкъды, ортасындан тюйюш чыкъды.
- Таякъ этден ётер, тил сюекден ётер.
- Нёгерсизни джолу узун.
- Чыбыкълыкъда бюгюлмеген, къазыкълыкъда бюгюлмей эди.
- Къарнынг ауруса, ауузунгу тый
- Керти сёзге тёре джокъ.
- Иги адам абынса да, джангылмаз.
- Тас болгъан бычакъны сабы – алтын.
- Ишлегенде эринме, ишде чолакъ кёрюнме.
- Мадар болса, къадар болур.
- Тамчы таш тешер.
- Акъыл бла адеб эгизледиле.
- Билеги кючлю, бирни джыгъар, билими кючлю, мингни джыгъар.
Ошибка!
Для просмотра темы введите ваши логин и пароль.Пожалуйста, авторизуйтесь: