- Тюзлюк тас болмайды.
- Ашха уста, юйюнде болсун
- Аман къатын сабий табса, бий болур…
- Адам къыйынлыгъын кёлтюрюр, зауукълугъун кёлтюрмез.
- Шекер бла туз – бир болмаз, ушамагъан – юй болмаз.
- Кенгеш болса, уруш болмаз.
- Дуния малгъа сатылма, кесингден телиге къатылма.
- Къонакъ аман болса, къонакъбай джунчур
- Эшекге миннген – биринчи айыб, андан джыгъылгъан – экинчи айыб.
- Кёлсюзден сёзсюз тууар.
- Кютгени беш эчки, сызгъыргъаны уа, джерни джарады.
- Акъдан къара болмаз.
- Байма, деб да, къууанма, джарлыма, деб да, джылама.
- Хар адамгъа кеси миннген тау кибик.
- Эшекни не къадар тюйсенг да, ат болмаз.
- Къолу уллу – асыу, аягъы уллу – джарсыу.
- Джаш болсун, къыз болсун, акъылы, саны тюз болсун.
- Ариу сёз джыланны орнундан чыгъарыр.
- Тик ёргени, тик энгишгеси да болады.
- Мал тутхан – май джалар.
- Адамгъа аман кюн соруб келмейди.
- Ётген ёмюр – акъгъан суу.
- Ойнай билмеген, оюн бузар.
- Ишни аллы бла къууанма да, арты бла къууан.
- Алма терегинден кери кетмез.
- Кийим тукъум сордурур.
- Аз сёлеш, кёб ишле.
- Тюзлюк шохлукъну бегитир.
- Нарт сёз – тилни бети.
- Рысхысына кёре, джаш ёсер, къышлыгъына кёре, мал ёсер.
- Чомартны къолун джокълукъ байлар.
- Кеси юйюмде мен да ханма.
- Бир абыннган – минг сюрюнюр.
- Тас болгъан бычакъны сабы – алтын.
- Бермеген къол, алмайды.
- Ата Джуртча джер болмаз, туугъан элча эл болмаз.
- Тойгъан антын унутур.
- Кёбден умут этиб, аздан къуру къалма.
- Тойчу джашха къарама, къойчу джашха къара.
- Ашхы сёз таш тешер.
- Билгенни къолу къарны джандырыр.
- Адамны джюреги нени кёрюрге сюйсе, кёзю да аны кёрюрге ёч болады.
- Къарнынг бла ёч алма.
- Башынга джетмегенни сорма.
- Тойгъандан сора, ашны сёкме.
- Кесинг сынамагъан затны, адамгъа буюрма.
- Ашда уялгъан – мухар, ишде уялгъан – хомух.
- Тёрде – темир таякълы, къаяда – чыпчыкъ аякълы.
- Сакъ юйюне сау барыр.
- Къалгъан ишге къар джауар.
Ошибка!
Для просмотра темы введите ваши логин и пароль.Пожалуйста, авторизуйтесь: