- Ёнгкюч къууана барыр, джылай келир.
- Эл тойса, тоймагъан, эл къойса, къоймагъан.
- Шекер бла туз – бир болмаз, ушамагъан – юй болмаз.
- Терслик кетер, тюзлюк джетер.
- Босагъа таш юйге кирмей эди, тыбыр таш эшикге чыкъмай эди.
- Сёз къанатсыз учар.
- Суу кетер, таш къалыр.
- Аз сёлешген, къайгъысыз турур.
- Эр сокъур болсун, къатын тилсиз болсун.
- Джюрек кёзден алгъа кёрюр.
- Къууут – джелге, берне – бошха.
- Кёб къычыргъандан – къоркъма, тынч олтургъандан – къоркъ.
- Ана – юйню кюн джарыгъы.
- Акъдан къара болмаз.
- Кийимни бир кюнню аясанг, минг кюннге джарар.
- Телини эшигин, махтау джабар.
- Кесинг сынамагъан затны, адамгъа буюрма.
- Атадан ёксюз – бир ёксюз, анадан ёксюз – эки ёксюз.
- Ишни ахырын ойламай, аллын башлама.
- Чомарт джарлы болмаз.
- Ишлемеген – тишлемез.
- Къайгъыны сюйген, къайгъы табар.
- Ата Джуртуму башы болмасам да, босагъасында ташы болайым.
- Айранын берсенг, челегин да къызгъанма.
- Баш болса, бёрк табылыр.
- Юйюнг бла джау болгъандан эсе, элинг бла джау бол.
- Хунаны тюбюн къазсанг, юсюнге ауар.
- Шайтан алдады, тюзлюк къаргъады.
- Айныгъанлы алты кюн, тогъайгъанлы тогъуз кюн.
- Нарт сёз – тилни бети.
- Суугъа – таянма, джаугъа – ийнанма.
- Эки ойлашыб, бир сёлешген.
- Ачлыкъ отха секиртир.
- Ач, тоймам, дейди, тойгъан, ач болмам, дейди.
- Джылкъыдан – ат чыгъар, тукъумдан – джаш чыгъар.
- Билмегенинги, билгеннге сор.
- Чакъырылмагъан къонакъ тёрге атламаз.
- Тулпарлыкъ, билекден тюл – джюрекден.
- Рысхы – насыбха къор.
- От этилмеген джерден тютюн чыкъмайды.
- Элге къуллукъ этмеген, элге ие болмаз.
- Джылыгъа джылан илешир.
- Акъыл аздырмаз, билим тоздурмаз.
- Биреу ашаб къутулур, биреу джалаб тутулур.
- Билим къая тешер.
- Сютню башын джалагъан къутулур, тюбюн ичген тутулур.
- Ата Джуртча джер болмаз, туугъан элча эл болмаз.
- Зар адамны насыбы болмаз.
- Уллу сёзде уят джокъ.
- Джауумдан сора, кюн кюйдюрюр, ётюрюкден сора, айыб кюйдюрюр.
Ошибка!
Для просмотра темы введите ваши логин и пароль.Пожалуйста, авторизуйтесь: