- Билеги кючлю, бирни джыгъар, билими кючлю, мингни джыгъар.
- Тойгъан джерден туугъан джер игиди.
- Тюзлюк шохлукъну бегитир.
- Джюз элде джюз ёгюзюм болгъандан эсе, джюз джууугъум болсун.
- Гугурук къычырмаса да, тангны атары къалмаз.
- Ёксюзню тилеги къабыл болур.
- Къан бла кирген, джан бла чыгъар.
- Нарт сёз къарт болмаз.
- Кёкдеги болмаса, джердегин кёрмейди.
- Кирсизни – саны таза, халалны – къаны таза.
- Тыш элде солтан болгъандан эсе, кесинги элде олтан болгъан игиди!
- Ашха уста, юйюнде болсун
- Артына баргъанны, къатына барма.
- Адамны адамлыгъы къыйынлыкъда айгъакъланады.
- Тойчу джашха къарама, къойчу джашха къара.
- Агъач халкъгъа алтынды, иссиликге салкъынды.
- Мал кёб болса, джууукъ кёб болур.
- Бети къызарыучу адамны, джюреги харам болмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Эски джаугъа ышанма.
- Кесинг сынамагъан затны, адамгъа буюрма.
- Ушамагъан – джукъмаз.
- Уллу къашыкъ эрин джыртар.
- Къонагъынгы артмагъын алма да, алгъышын ал.
- Байлыкъ тауусулур, билим тауусулмаз.
- Къая джолда джортма, ачыкъ сёзден къоркъма.
- Джарлы джети элни сёзюн этер.
- Кесинге джетмегенни, кёб сёлешме.
- Тойгъан джерге джети къайт.
- Къатын къылыкъсыз, эр тынчлыкъсыз.
- Аурууну келиую тынч, кетиую – къыйын.
- Ариу джол аджал келтирмез.
- Ауурну тюбю бла, дженгилни башы бла джюрюген.
- Ётген ёмюр – акъгъан суу.
- Асхат ашлыкъ сата, юйдегиси ачдан къата.
- Чакъырылмай келген къонакъ сыйланмай кетер.
- Тиширыусуз юй – отсуз от джагъа.
- Суу ичген шауданынга тюкюрме.
- Хар ишни да аллы къыйынды.
- Билмейме деген – бир сёз
- Юй ишлеген балта эшикде къалыр.
- Билим – акъылны чырагъы.
- Кийиминг бла танылма, адамлыкъ бла таныл.
- Татлы сёз – балдан татлы.
- Эркишини аманы тиширыуну джылатыр.
- Кюл тюбюндеги от кёрюнмейди.
- Юреннген ауруу къалмаз.
- Итли къонакъ джарашмаз.
- Намысы болмагъанны, сыйы болмаз.
- Айтханы чапыракъдан ётмеген.
Ошибка!
Для просмотра темы введите ваши логин и пароль.Пожалуйста, авторизуйтесь: