- Олтуруб кёрюнмей эди да, ёрге туруб кёрюне эди.
- Тиширыусуз юй – отсуз от джагъа.
- Мен да «сен», дейме, сен да «кесим», дейсе.
- Байны къызы баймакъ болса да, юйде къалмаз!
- Адамгъа аман кюн соруб келмейди.
- Экиндини кеч къылсанг, чабыб джетер ашхам.
- Аман адамны тепсинге олтуртсанг, къызынгы тилер.
- Тили узунну, намысы – къысха.
- Бет бетге къараса, бет да джерге къарар.
- Тынгылагъан тынгы бузар.
- Ёпкелегенни ашы татлы болады.
- Аллахха ийнаннган кишини, Аллах онгдурур ишин.
- Ётюрюк хапар аякъ тюбю бла джюрюйдю.
- Тил – миллетни джаны.
- Билмезни кёзю кёрмез, этмезни къулагъы эшитмез.
- Намысы болмагъанны, сыйы болмаз.
- Керилген да, ургъан кибикди.
- Адам боллукъ, атламындан белгили болур.
- Адамны аманы адамны бети бла ойнар.
- Аз айтсам, кёб ангылагъыз.
- Ана – юйню кюн джарыгъы.
- Къызбайны юйюне дери сюрсенг, батыр болур.
- Адеб джокъда, намыс джокъ.
- Нафысынгы айтханын этме, намысынгы айтханын эт.
- От кюйдюрген, сау болса да, тот кюйдюрген, сау болмаз.
- Къонакъ болсанг, ийнакъ бол.
- Ишлегенде эринме, ишде чолакъ кёрюнме.
- Гитче джилтин уллу элни джандырыр.
- Тилде сюек болмаса да, сюек сындырыр.
- Джюрекден джюрекге джол барды.
- Урунуу – насыбны анасы.
- Борчунг бар эсе, хурджунунга ойлаб узал.
- Эм уллу байлыкъ – джан саулукъ.
- Ушамагъан – джукъмаз.
- Айранын берсенг, челегин да къызгъанма.
- Чомарт джарлы болмаз.
- Джарлыны эшигин махтагъан джабар.
- Этим кетсе да, сюегим къалыр.
- Этек чакъмакълары баш джаргъан, сёлешген сёзлери таш джаргъан.
- Уруну арты – къуру.
- Тели турса – той бузар.
- Къуллукъчума, деб махтанма, къуллукъ – хаух джамчыды!
- Тёгюлген тюгел джыйылмайды.
- Билимден уллу байлыкъ джокъду.
- Къозулугъунда тоймагъан, къойлугъунда тоймаз.
- Юйлю уругъа ит чабмаз.
- Къарт болгъан джерде, берекет болур, сабий болгъан джерде, оюн болур.
- Чыкълы кюнде чыкъмагъан, чыкъса къуру кирмеген.
- Сютню башын джалагъан къутулур, тюбюн ичген тутулур.
- Бетинги сатма, малынгы сат.
Ошибка!
Для просмотра темы введите ваши логин и пароль.Пожалуйста, авторизуйтесь: