- Биреуню эскиси биреуге джангы болмайды.
- Къызгъанчдан ычхыныр, мухардан ычхынмаз.
- Азыгъы аз, алгъа къабар, аты аман, алгъа чабар.
- Тин – байлыгъынг, терен саулугъунг.
- Шайтан алдады, тюзлюк къаргъады.
- Кимни – тили, тиши онглу, кимни – къолу, иши онглу.
- Эл бла кёргенинг эрелей.
- Ишлемеген – тишлемез.
- Тилчиден кери бол.
- Эл элде бирер малынг болгъандан эсе, бирер тенгинг болсун.
- Эрни эр этерик да, къара джер этерик да, тиширыуду.
- Ишлегенден, къарагъан уста.
- Эм ашхы къайын ана мамукъ бла башынгы тешер.
- Тау башында, тау болмаз, джангыз терек, бау болмаз.
- Билимли ёлмез, билимсиз кёрмез.
- Мураты болгъанны джюрек тебюую башхады.
- Ёлген ийнек сютлю болур.
- Махтаннган къыз, тойда джукълар.
- Тилчи тилден къаныкъмаз.
- Къууут – джелге, берне – бошха.
- Ишленмеген джаш – джюгенсиз ат, ишленмеген къыз – тузсуз хант.
- Айраннга суу къош, телиге джол бош.
- Рысхы джалгъанды: келген да этер, кетген да этер.
- Агъач – джерни чырайы, кийим – эрни чырайы.
- Башланнган иш битер, къымылдагъан тиш тюшер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тёрдеги кюлсе, эшикдеги ышарыр.
- Къар – келтирди, суу – элтди.
- Огъурлуну сёзю – суу, огъурсузну сёзю – уу.
- Биреуге аманлыкъны тилеме да, кесинге ашхылыкъны тиле.
- Билмейме деген – бир сёз
- Ашарыкъда сайлагъаннга – чий гырджын.
- Намыс болмагъан джерде, насыб болмаз.
- Джумушакъ терекни къурт ашар.
- Тюзню ётмеги тюзде къалса да, тас болмаз.
- Башы ишлегенни, ауузу да ишлер.
- Аз сёлешген, къайгъысыз турур.
- Ачлыкъда тары гырджын халыуадан татлы.
- Къарнынг тойгъунчу аша да, белинг талгъынчы ишле.
- Ашлыкъ – бюртюкден, джюн – тюкден.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Аурууну келиую тынч, кетиую – къыйын.
- Джаш болсун, къыз болсун, акъылы, саны тюз болсун.
- Кюн – узун, ёмюр – къысха.
- Юйюнгден чыкъдынг – кюнюнгден чыкъдынг.
- Ишленмеклик адамлыкъды.
- Ариуну – ауруу кёб.
- Адебсиз адам – джюгенсиз ат.
- Зарда марда джокъ.
- Ётюрюкню къуйругъу – бир тутум.
Ошибка!
Для просмотра темы введите ваши логин и пароль.Пожалуйста, авторизуйтесь: