- Суу да къайтады чыкъгъан джерине.
- Къыйынлы джети элге оноу этер.
- Кёб ант этген, кёб ётюрюк айтыр.
- Кёзден кетген, кёлден да кетеди.
- Къайгъы тюбю – тенгиз.
- Къартха ушагъан джаш – акъыллы, джашха ушагъан къарт – тели.
- Арба аугъандан сора, джол кёргюзтюучю кёб болур.
- Кёбден умут этиб, аздан къуру къалма.
- Орну джокъну – сыйы джокъ.
- Аджашханны ызындагъы кёреди, джангылгъанны джанындагъы биледи.
- Сакъламагъан затынга джолукъсанг, не бек къууанаса, не бек ачыйса.
- Къонагъынгы артмагъын алма да, алгъышын ал.
- Шайтан алдады, тюзлюк къаргъады.
- Джюз элде джюз ёгюзюм болгъандан эсе, джюз джууугъум болсун.
- Къарнынг къанлынга кийирир.
- Олтуруб кёрюнмей эди да, ёрге туруб кёрюне эди.
- Кюл тюбюндеги от кёрюнмейди.
- Итли къонакъ джарашмаз.
- Биреуню эскиси биреуге джангы болмайды.
- Ёлюк кебинсиз къалмаз.
- Тай асырагъан, атха минер.
- Билмегенинги, билгеннге сор.
- Кесинг сынамагъан затны, адамгъа буюрма.
- Этим кетсе да, сюегим къалыр.
- Ёзденликни джайгъан – джокълукъ.
- Игини сыйлагъан адетди.
- Сабий болмагъан джерде, мёлек болмаз.
- Къарын къуру болса, джюрек уру болур.
- Билмейме деген – бир сёз
- Къонакъ болсанг, ийнакъ бол.
- Кирсизни – саны таза, халалны – къаны таза.
- Ашарыкъда сайлагъаннга – чий гырджын.
- Намысы джокъну – дуниясы джокъ.
- Кёзюнде тереги болгъан, чёбю болгъаннга кюле эди.
- Ёлюр джаннга, ёкюл джокъ.
- Чабакъгъа акъыл, табагъа тюшсе келеди.
- Ач къарынны, токъ билмез
- Джарлыны тону джаз битер.
- Ёпкелегенни ашы татлы болады.
- Уллу сёлешме да, уллу къаб.
- Джюрек кёзден алгъа кёрюр.
- Аууз сакълагъан – джан сакълар.
- Эркишиге тары кебек танг кёрюнюр.
- Тилчи бир сагъатха айлыкъ хата этер.
- Къыз тиширыу кеси юйюнде да къонакъды.
- Атлыны кёрсе, джаяуну буту талыр.
- Аш хазыр болса, иш харам болур.
- Аджаллыгъа окъсуз шкок атылыр.
- Башда акъыл болмаса, эки аякъгъа кюч джетер.
- Кёб джат да, бек чаб.
Ошибка!
Для просмотра темы введите ваши логин и пароль.Пожалуйста, авторизуйтесь: