- Аджашхан тёгерек айланыр.
- Кёпюр салгъан кеси ётер, уру къазгъан кеси кетер.
- Тенгни тенглиги джашай барсанг билинир.
- Бек анасы джыламаз.
- Чабакъгъа акъыл, табагъа тюшсе келеди.
- Тыш элде солтан болгъандан эсе, кесинги элде олтан болгъан игиди!
- Кёзю сокъурдан – къоркъма, кёлю сокъурдан – къоркъ.
- Эм ашхы къайын ана мамукъ бла башынгы тешер.
- Аджашханны ызындагъы кёреди, джангылгъанны джанындагъы биледи.
- Окъугъанны бети джарыкъ.
- Айранын берсенг, челегин да къызгъанма.
- Къазанчы аман болса, къазаны къайнамаз.
- Уллу айтханны этмеген – уллаймаз.
- Келинин тута билмеген, къул этер, къызын тута билмеген, тул этер.
- Башланнган иш битер, къымылдагъан тиш тюшер.
- Джигер – джаннга къыйынлыкъ.
- Эшекге миннген – биринчи айыб, андан джыгъылгъан – экинчи айыб.
- Къыз келсе, джумуш эте келеди, къатын келсе, ушакъ эте келеди.
- Ауузу бла къуш тута айланады.
- Ариу джол аджал келтирмез.
- Ач бёрюге мекям джокъ.
- Бал чибинни ургъаны – ачы, балы – татлы.
- Биреу ашаб къутулур, биреу джалаб тутулур.
- Алим болгъандан эсе, адам болгъан къыйынды.
- Ашхы – джыяр, аман – джояр.
- Аз айтсам, кёб ангылагъыз.
- Тин – байлыгъынг, терен саулугъунг.
- Эртде тургъан джылкъычыны эркек аты тай табар.
- Къарнынг тойгъунчу аша да, белинг талгъынчы ишле.
- Таукелге нюр джауар.
- Чакъырылмай келген къонакъ сыйланмай кетер.
- Гыдай эчки суугъа къараб, мюйюзле кёрмесе, джашма алкъын, дегенди.
- Тели турса – той бузар.
- Ашда – бёрю, ишде – ёлю.
- Кюн кёрмеген, кюн кёрсе, кюндюз чыракъ джандырыр.
- Нарт сёз къарт болмаз.
- Эм уллу байлыкъ – джан саулукъ.
- Къралынгы – душмандан, башынгы от бла суудан сакъла.
- Ёлген ийнек сютлю болур.
- Джумушакъ терекни къурт ашар.
- Ашхы атаны – джашы ашхы, ашхы ананы – къызы ашхы.
- Сибиртки да сыйлы болду, кюрек да кюнлю болду.
- Къобан да къуру да къобханлай турмайды, адам да къуру да патчахлай турмайды.
- Халкъны юйю – туугъан джери.
- Джети тилни билген джети кишиди.
- Ишлемеген – тишлемез.
- Эр сокъур болсун, къатын тилсиз болсун.
- Тас болгъан бычакъны сабы – алтын.
- Джолунга кёре – джюрюшюнг, джагъанга кёре – юлюшюнг.
- Чомартха хар кюн да байрамды.
Ошибка!
Для просмотра темы введите ваши логин и пароль.Пожалуйста, авторизуйтесь: