- Керилген да, ургъан кибикди.
- Бир абыннган – минг сюрюнюр.
- Кеси юйюмде мен да ханма.
- Аууздан келген, къолдан келсе, ким да патчах болур эди.
- Ёзденликни кёбю ётюрюк.
- Тойгъан джерден туугъан джер игиди.
- Эл элде бирер малынг болгъандан эсе, бирер тенгинг болсун.
- Джаз бир кюнню джатсанг, къыш талай кюнню абынырса.
- Ишлегенде эринме, ишде чолакъ кёрюнме.
- Хар зат кесини орнуна иги.
- Акъыл сабырлыкъ берир.
- Экиндини кеч къылсанг, чабыб джетер ашхам.
- Халкъны юйю – туугъан джери.
- Къолу уллу – асыу, аягъы уллу – джарсыу.
- Акъыллы – эл иеси, тели – эл баласы.
- Билген билмегенни юретген адетди.
- Тенги кёбню джау алмаз, акъылы кёбню дау алмаз.
- Хоншуну тауугъу къаз кёрюнюр, келини къыз кёрюнюр.
- Биреуню тёрюнден, кесинги эшик артынг игиди.
- Ёзденликни джайгъан – джокълукъ.
- Аман адамны тепсинге олтуртсанг, къызынгы тилер.
- Мадар болса, къадар болур.
- Башсыз урчукъ тюзюне айланмаз.
- Байдан умут эте, джарлыдан ёгюз багъасы къорады.
- Къайгъы тюбю – тенгиз.
- Ана къойну – балагъа джандет.
- Аджаллыгъа окъсуз шкок атылыр.
- Къарт бла баш аша, джаш бла аякъ аша.
- Эрине къаргъыш этген къатын, эрнин къабар.
- Къуллукъчума, деб махтанма, къуллукъ – хаух джамчыды!
- Аманнга да, игиге да оноусуз къатышма.
- Къартха ушагъан джаш – акъыллы, джашха ушагъан къарт – тели.
- Ёлген аслан – сау чычхан.
- Ёгюзню мюйюзюнден тутадыла, адамны сёзюнден тутадыла.
- Чакъырылмагъан къонакъ – орунсуз.
- Джырчы джырчыгъа – къарнаш.
- Чомарт бергенин айтмаз.
- Айтылгъан буйрукъ, сёгюлмез
- Ышармагъан – кюлмез, кюлмеген – къууанчны билмез.
- Ишин билген, аны сыйын чыгъарады.
- Ёгюзню мюйюзлери ауурлукъ этмейдиле.
- Акъыллы айтыр эди, акъылсыз къоймайды.
- Ауругъан – джашаудан умутчу.
- От кюйдюрген, сау болса да, тот кюйдюрген, сау болмаз.
- Битмегеннге сакъал – танг.
- Сакъламагъан затынга джолукъсанг, не бек къууанаса, не бек ачыйса.
- Игилик игилик бла сингдирилиучю затды.
- Танг атмайма десе да, кюн къоярыкъ тюйюлдю.
- Кёкдеги болмаса, джердегин кёрмейди.
- Джумушакъ сёз къаты таякъны сындырыр.
Ошибка!
Для просмотра темы введите ваши логин и пароль.Пожалуйста, авторизуйтесь: