- Кёл – къызбай, къол – батыр.
- Эте билген, этген этеди, эте билмеген, юретген этеди!
- Бал – татлы, балдан да бала – татлы.
- Ашаса, ашамаса да, бёрюню ауузу – къан.
- Чакъырылмагъан къонакъ къачан кетерин сормаз.
- Ёлген ийнек сютлю болур.
- Акъыллы – эл иеси, тели – эл баласы.
- Адамны джюреги нени кёрюрге сюйсе, кёзю да аны кёрюрге ёч болады.
- Окъдан джара эртде-кеч болса да бителир, сёз джара, ёмюрге къалыр.
- Сабий болмагъан джерде, мёлек болмаз.
- Акъыллы айтыр эди, акъылсыз къоймайды.
- Айранны сюйген, ийнек тутар.
- Ауругъан – джашаудан умутчу.
- Ашын ашагъанынгы, башын да сыйла.
- Биреуню тёрюнден, кесинги эшик артынг игиди.
- Ишлемеген – тишлемез.
- Элде адам къалмаса, ит тахтагъа минер.
- Аман киши кеси юйюнде – къонакъ.
- Тыш элде солтан болгъандан эсе, кесинги элде олтан болгъан игиди!
- Тилчи бир сагъатха айлыкъ хата этер.
- Тау башында, тау болмаз, джангыз терек, бау болмаз.
- Аурууну келиую тынч, кетиую – къыйын.
- Тюзлюк шохлукъну бегитир.
- Сангырау къулакъ эл бузар.
- Аман эсирсе, юйюн ояр.
- Эркишини аманы тиширыуну джылатыр.
- Эшекге миннген – биринчи айыб, андан джыгъылгъан – экинчи айыб.
- Акъыллы башны – тили къысха.
- Бети къызарыучу адамны, джюреги харам болмаз.
- Терслик кетер, тюзлюк джетер.
- Ётюрюкню къуйругъу – бир тутум.
- Байлыкъ болгъан джерде, тынчлыкъ джокъду.
- Адам сёзюнден белгили.
- Джашны джигитлиги сорулур, къызны джигерлиги сорулур.
- Аууздан келген, къолдан келсе, ким да патчах болур эди.
- Джангыз торгъай джырламаз.
- Сибиртки да сыйлы болду, кюрек да кюнлю болду.
- Мал кёб болса, джууукъ кёб болур.
- Ауурну тюбю бла, дженгилни башы бла джюрюген.
- Ариу джол аджал келтирмез.
- Адамны аты башхача, акъылы да башхады.
- Юре билмеген ит, къонакъ келтирир.
- Окъумагъан сокъурду, сокъур ташха абыныр!
- Ашыкъгъан cуу, тенгизге джетмез.
- Айныгъанлы алты кюн, тогъайгъанлы тогъуз кюн.
- Садакъачыны джаны – къапчыгъында.
- Эки итни арасына сюек атма, эки адамны арасында сёз чыгъарма.
- Керек ташны ауурлугъу джокъ.
- Джашлыкъ этмеген, башлыкъ этмез.
- Къызбайны юйюне дери сюрсенг, батыр болур.
Ошибка!
Для просмотра темы введите ваши логин и пароль.Пожалуйста, авторизуйтесь: