- Къайгъы тюбю – тенгиз.
- Кесине гебен этелмеген, биреуге черен эте эди.
- Къая джолда джортма, ачыкъ сёзден къоркъма.
- Ачны эсинде – аш.
- Нарт сёз къарт болмаз.
- Ата – билек, ана – джюрек!
- Байны къызы баймакъ болса да, юйде къалмаз!
- Эки къатын алгъан – эки ташны ортасына башын салгъан.
- Окъугъан – асыу, окъумагъан – джарсыу.
- Джол бла сёзню къыйыры джокъ.
- Тёрдеги кюлсе, эшикдеги ышарыр.
- Бети бедерден, намыс сакълама.
- Ауузу аманнга «иги», деме.
- Джахил болса анасы, не билликди баласы?
- Эл ауузу – элия.
- Башы джабылгъан челекге, кир тюшмез.
- Сакъалы текени да бар, мыйыгъы киштикни да бар.
- Рысхы – насыбха къор.
- Ата Джуртуму башы болмасам да, босагъасында ташы болайым.
- Булут кёкге джарашыу, уят бетге джарашыу.
- Ашыкъгъанны этеги бутуна чырмалыр.
- Керек ташны ауурлугъу джокъ.
- Махтаннган къыз, тойда джукълар.
- Сёз сёзню айтдырыр.
- Ашхылыкъ джерде джатмайды, аманлыкъ суугъа батмайды.
- Ким бла джюрюсенг, аны кёзю бла кёрюнюрсе.
- Тойчу джашха къарама, къойчу джашха къара.
- Ач къарынны, токъ билмез
- Ашхы – джыяр, аман – джояр.
- Уллу айтханны этмеген – уллаймаз.
- Ёгюзню мюйюзюнден тутадыла, адамны сёзюнден тутадыла.
- Кюн – узун, ёмюр – къысха.
- Юйюнгден чыкъдынг – кюнюнгден чыкъдынг.
- Мураты болгъанны джюрек тебюую башхады.
- Къарнынг ауруса, ауузунгу тый
- Джумушакъ сёз къаты таякъны сындырыр.
- Ач къалгъандан, кеч къалгъан къолай.
- Рысхысына кёре, джаш ёсер, къышлыгъына кёре, мал ёсер.
- Эринчекни аурууу – кёб.
- Гугук кесини атын айтыб къычыргъанча, мен, мен деб нек тураса?
- Башынга джетмегенни сорма.
- Хунаны тюбюн къазсанг, юсюнге ауар.
- Сабий кёргенин унутмаз.
- Уруну арты – къуру.
- Ишленмеклик адамлыкъды.
- Эркиши – от, тиширыу – суу.
- Кийим тукъум сордурур.
- Ач бёрюге мекям джокъ.
- Джарлы тюеге минсе да, ит къабар.
- Тамырсыз терекге таянма – джыгъылырса.
Ошибка!
Для просмотра темы введите ваши логин и пароль.Пожалуйста, авторизуйтесь: