- Къызын тута билмеген, тул этер, джашын тута билмеген, къул этер.
- Билим насыб берир, билим джолну керир.
- Окъуу – билимни ачхычы, окъуу – дунияны бачхычы.
- Джылкъыдан – ат чыгъар, тукъумдан – джаш чыгъар.
- Тюзлюк шохлукъну бегитир.
- Айыбны суу бла джууалмазса.
- Къонагъынгы артмагъын алма да, алгъышын ал.
- Чабар ат – джетген къыз.
- Билим къая тешер.
- Босагъа таш юйге кирмей эди, тыбыр таш эшикге чыкъмай эди.
- Таш ата билмеген, башына урур.
- Уллу сёлешме да, уллу къаб.
- Биреуге кёлтюрген таягъынг, кесинги башынга урур.
- Шапа кёб болса, аш татымсыз болур.
- Нёгерсизни джолу узун.
- Магъанасыз сёз – тауушсуз сыбызгъы.
- Джаш болсун, къыз болсун, акъылы, саны тюз болсун.
- Адамны адамлыгъы къыйынлыкъда айгъакъланады.
- Баш болса, бёрк табылыр.
- Джаным-тиним – окъуу, билим.
- Ариу джол аджал келтирмез.
- Башы ишлегенни, ауузу да ишлер.
- Джыланны къуйругъундан басарынг келсе, аны башы болгъанын унутма.
- Таугъа чыгъаллыкъ эсенг, тюзде къалма.
- Аз сёлешген, къайгъысыз турур.
- Ашарыкъда сайлагъаннга – чий гырджын.
- Джеринден айырылгъан – джети джылар, джуртундан айырылгъан – ёлгюнчю джылар.
- Къарт айтханны этмеген, къартаймаз.
- Болджал ишни бёрю ашар.
- Айранны сюйген, ийнек тутар.
- Ашхы адам – халкъ байлыгъы, ашхы джер – джашау байлыгъы.
- Ёлген эшек бёрюден къоркъмайды.
- Акъыл неден да кючлюдю.
- Оюмсуз атлагъан, аджалсыз ёлюр.
- Эринчекни эр алмаз, эр алса да, кёл салмаз, кёл салса да, кёб бармаз!
- Ашлыкъны арба юйге келтирир, чана базаргъа элтир.
- Сууда джау джокъ, кёб сёзде магъана джокъ.
- Акъыллы башны – тили къысха.
- Эр сокъур болсун, къатын тилсиз болсун.
- Эри аманны, къатыны – аман.
- Эки итни арасына сюек атма, эки адамны арасында сёз чыгъарма.
- Билмезни кёзю кёрмез, этмезни къулагъы эшитмез.
- Ариу сёзде ауруу джокъ.
- Намысы джокъну – дуниясы джокъ.
- Махтаннган къыз, тойда джукълар.
- Уллу атлама – абынырса, уллу къабма – къарылырса.
- Шайтан алдады, тюзлюк къаргъады.
- Арпа, будай – ащды, алтын, кюмюш а – ташды.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Таш бла ургъанны, аш бла ур.
Ошибка!
Для просмотра темы введите ваши логин и пароль.Пожалуйста, авторизуйтесь: