- Айтхан – тынч, этген – къыйын.
- Эринчекни аурууу – кёб.
- Босагъагъа джууукъ орун болса, ашыгъыб тёрге озма.
- Бек анасы джыламаз.
- Адам туугъан джеринде, ит тойгъан джеринде.
- Ойнай билмеген, оюн бузар.
- Битмегеннге сакъал – танг.
- Ёксюзню къалачы уллу кёрюнюр.
- Келлик заман – къартлыкъ келтирир, кетген заман – джашлыкъ ёлтюрюр.
- Ёпкелегенни ашы татлы болады.
- Къарт болгъан джерде, берекет болур, сабий болгъан джерде, оюн болур.
- Сормай – алма, чакъырылмай – барма.
- Чыбыкълыкъда бюгюлмеген, къазыкълыкъда бюгюлмей эди.
- Ана къойну – балагъа джандет.
- Кёлсюзден сёзсюз тууар.
- Къазанда болса, чолпугъа чыгъар.
- Бозанг болмагъан джерге, къалагъынгы сукъма.
- Ач, тоймам, дейди, тойгъан, ач болмам, дейди.
- Къонакъны къачан кетерин сорма, къачан келлигин сор.
- Кеси юйюмде мен да ханма.
- Къарнынг къанлынга кийирир.
- Олтуруб кёрюнмей эди да, ёрге туруб кёрюне эди.
- Къобан да къуру да къобханлай турмайды, адам да къуру да патчахлай турмайды.
- Джарлы эскисин джамаса, къууаныр.
- Къарнынг ауруса, ауузунгу тый
- Къыз келсе, джумуш эте келеди, къатын келсе, ушакъ эте келеди.
- Ётюрюкню башын керти кесер.
- Тура эдим джата, къайдан чыкъды хата?
- Ишлемеген – тишлемез.
- Арбаз къынгырды да, ийнек сауалмайма.
- Танг атмайма десе да, кюн къоярыкъ тюйюлдю.
- Алма терегинден кери кетмез.
- Эртде тургъан бла эртде юйленнген сокъуранмаз.
- Къайтырыкъ эшигинги, къаты уруб чыкъма.
- Адамны артындан къара сабан сюрме.
- Гугурук къычырмаса да, тангны атары къалмаз.
- Тойгъанлыкъ къойгъа джарашады.
- Кёбню кёрген – кёб билир.
- Оюмсуз атлагъан, аджалсыз ёлюр.
- Эркишиге тары кебек танг кёрюнюр.
- Мен да «сен», дейме, сен да «кесим», дейсе.
- Къайгъы тюбю – тенгиз.
- Ариу сёз – къылычдан джити.
- Къатыны харакетли болса, эри къымсыз болур.
- Чабакъсыз кёлге къармакъ салгъанлыкъгъа, чабакъ тутмазса.
- Тик ёргени, тик энгишгеси да болады.
- Ашхы болсанг, атынг чыгъар, аман болсанг, джанынг чыгъар.
- Атлыны кёрсе, джаяуну буту талыр.
- Джюрекге ариу – кёзге да ариу.
- Таш ата билмеген, башына урур.
Ошибка!
Для просмотра темы введите ваши логин и пароль.Пожалуйста, авторизуйтесь: