- Арпа, будай – ащды, алтын, кюмюш а – ташды.
- Шапа кёб болса, аш татымсыз болур.
- Ашыкъгъанны этеги бутуна чырмалыр.
- Башы ишлегенни, ауузу да ишлер.
- Аман киши кеси юйюнде – къонакъ.
- Биреу къой излей, биреу той излей.
- Тай асырагъан, атха минер.
- Тёрде – темир таякълы, къаяда – чыпчыкъ аякълы.
- Агъач – джерни чырайы, кийим – эрни чырайы.
- Къан бла кирген, джан бла чыгъар.
- Эртде тургъан джылкъычыны эркек аты тай табар.
- Айранны сюйген, ийнек тутар.
- Айран тёгюлсе, джугъусу къалыр.
- Игилик игилик бла сингдирилиучю затды.
- Ауузу аманнга «иги», деме.
- Мураты болгъанны джюрек тебюую башхады.
- Окъдан джара эртде-кеч болса да бителир, сёз джара, ёмюрге къалыр.
- Ётюрюк хапар аякъ тюбю бла джюрюйдю.
- Аш кетер да бет къалыр.
- Чомарт джарлы болмаз.
- Уллу сёзде уят джокъ.
- Ётюрюкчюню шагъаты – къатында.
- Адамны аманы адамны бети бла ойнар.
- Байлыкъ тауусулур, билим тауусулмаз.
- Ач – эснер, ат – кишнер.
- Бастасын ашагъан, хантусун да ичер.
- Тил джюрекге джол ишлейди.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Хата – гитчеден.
- Кесине оноу эте билмеген, халкъына да эте билмез.
- Тамбла алтындан бюгюн багъыр ашхы.
- Телини эшигин, махтау джабар.
- Урама да – ёледи, сатама да – келеди.
- Ичимден чыкъды хата, къайры барайым сата?
- Джюрекден джюрекге джол барды.
- Джаханимни кёрмей, джандетге кёл салмазса.
- От кюйдюрген, сау болса да, тот кюйдюрген, сау болмаз.
- Окъугъан – асыу, окъумагъан – джарсыу.
- Малны кют, джерни тюрт.
- Джырчы ёлсе, джыры къалыр.
- Аууз сакълагъан – джан сакълар.
- Таугъа чыгъаллыкъ эсенг, тюзде къалма.
- Акъыллы – эл иеси, тели – эл баласы.
- Эрине къаргъыш этген къатын, эрнин къабар.
- Арыгъан къош чамчы болур.
- Гугук кесини атын айтыб къычыргъанча, мен, мен деб нек тураса?
- Элде адам къалмаса, ит тахтагъа минер.
- Байлыкъ адамны сокъур этер.
- Уллу къашыкъ эрин джыртар.
- Битмегеннге сакъал – танг.
Ошибка!
Для просмотра темы введите ваши логин и пароль.Пожалуйста, авторизуйтесь: