- Узун джолну барсанг, бюгюн келирсе, къысха джолну барсанг, тамбла келирсе.
- Кёкдеги болмаса, джердегин кёрмейди.
- Къар – келтирди, суу – элтди.
- Билим насыб берир, билим джолну керир.
- Тойгъан антын унутур.
- Аллахха ийнаннган кишини, Аллах онгдурур ишин.
- Ата – билек, ана – джюрек!
- Магъанасыз сёз – тауушсуз сыбызгъы.
- Къонакъ кёб келюучю юйню, къазаны отдан тюшмез.
- Ат басханны джер билед.
- Арбаз сайлама да, хоншу сайла.
- Мураты болгъанны джюрек тебюую башхады.
- Джюрек кёзден алгъа кёрюр.
- Биреу къой излей, биреу той излей.
- Тели турса – той бузар.
- Бал ашаргъа сюе эсенг, чибин ургъаннга тёз.
- Кёзню ачылгъаны – иги, ауузну джабылгъаны – иги.
- Эм ашхы къайын ана мамукъ бла башынгы тешер.
- Кюн – узун, ёмюр – къысха.
- Аман къатын сабий табса, бий болур…
- Иги адамны бир сёзю эки болмаз.
- Чомартха Тейри да борчлуду.
- Къонакъ аман болса, къонакъбай джунчур
- Къарнынг ауруса, ауузунгу тый
- Сескекли кесин билдирир.
- Тойчу джашха къарама, къойчу джашха къара.
- Адеби болмагъан къыз – тузсуз хант.
- Бетинги сатма, малынгы сат.
- Байлыкъдан саулукъ ашхыды.
- Телиге акъыл салгъандан эсе, ёлгеннге джан салырса.
- Чакъырылмай келген къонакъ сыйланмай кетер.
- Окъдан джара эртде-кеч болса да бителир, сёз джара, ёмюрге къалыр.
- Дууулдаса – бал чибин, къонса – къара чибин.
- От кюйдюрген, сау болса да, тот кюйдюрген, сау болмаз.
- Ашлыкъ – бюртюкден, джюн – тюкден.
- Аджал соруб келмез, келсе, къайтыб кетмез.
- Тас болгъан бычакъны сабы – алтын.
- Мадар болса, къадар болур.
- Акъылсызны джууукъгъа алма, акъыллыны кенгнге салма.
- Адеб базарда сатылмаз.
- Тин – байлыгъынг, терен саулугъунг.
- Ачылгъан эт джабылыр, кёрген кёз унутмаз.
- Игиге айтсанг – билир, аманнга айтсанг – кюлюр.
- Кийиминг бла танылма, адамлыкъ бла таныл.
- Ханы къызы буюгъа-буюгъа киштик болду.
- Кюлме джашха – келир башха.
- Эри аманны, къатыны – аман.
- Окъуусуз билим – джокъ, билимсиз кюнюнг – джокъ.
- Тёрдеги кюлсе, эшикдеги ышарыр.
- Ышармагъан – кюлмез, кюлмеген – къууанчны билмез.
Ошибка!
Для просмотра темы введите ваши логин и пароль.Пожалуйста, авторизуйтесь: