- Суу кетер, таш къалыр.
- Ханнга да келеди хариблик.
- Тойгъан антын унутур.
- Эркишини аманы тиширыуну джылатыр.
- Ауузу аманнга «иги», деме.
- Уллу къашыкъ эрин джыртар.
- Адам боллукъ, атламындан белгили болур.
- Суу да къайтады чыкъгъан джерине.
- Къатын байлыкъны сюер, эр саулукъну сюер.
- Юй ишлеген балта эшикде къалыр.
- Керти сёзге тёре джокъ.
- Ашыкъгъан cуу, тенгизге джетмез.
- Бюгюн дуния кибик, тамбла ахыратды.
- Ёмюрлюк шохлукъну джел элтмез.
- Этни да ашады, бетни да ашады.
- Бек ашыкъгъан меннге джетсин, дегенди аракъы.
- Аз сёлеш, кёб ишле.
- Тас болгъан бычакъны сабы – алтын.
- Азыкъ аз болса, эртде орун сал.
- Этек чакъмакълары баш джаргъан, сёлешген сёзлери таш джаргъан.
- Тойну къарнашы – харс, джырны къарнашы – эжиу.
- Къыз чыгъаргъан – къызыл къымжа.
- Ишлерге уял да, ашаргъа табма.
- Ата – билек, ана – джюрек!
- «Ма», - дегенни билмесенг, «бер», - дегенни билмезсе.
- Тин – байлыгъынг, терен саулугъунг.
- Бёрю да ач къалмасын, эчки да ашалмасын.
- Аджаллыгъа окъсуз шкок атылыр.
- Къонакъ аман болса, къонакъбай джунчур
- Биреу ашаб къутулур, биреу джалаб тутулур.
- Кёзюнде тереги болгъан, чёбю болгъаннга кюле эди.
- Тёрени джагъы джокъ.
- Сёлеш деб шай берген, тохта деб, сом берген.
- Кесине гебен этелмеген, биреуге черен эте эди.
- Аш кетер да бет къалыр.
- Баш – акъыл ючюн, акъылман – халкъ ючюн.
- Иги болса, тамадама – махтау, аман болса, меннге – айыб.
- Къызны минг тилер, бир алыр.
- Ариу сёзде ауруу джокъ.
- Бетинги сатма, малынгы сат.
- Ачны эсинде – аш.
- Этим кетсе да, сюегим къалыр.
- Тешигини къатында, чычхан да батыр болур.
- Кёз – сюйген джерде, къол – ауругъан джерде.
- Ачлыкъда тары гырджын халыуадан татлы.
- Ашхы – джыяр, аман – джояр.
- Алма терегинден кери кетмез.
- Чакъырылмай келген къонакъ сыйланмай кетер.
- Кёбню кёрген – кёб билир.
- Айтылгъан сёз ызына къайтмаз.
Ошибка!
Для просмотра темы введите ваши логин и пароль.Пожалуйста, авторизуйтесь: