- Тай асырагъан, атха минер.
- Гугурук къычырмаса да, тангны атары къалмаз.
- Ёмюрлюк шохлукъну джел элтмез.
- Кёбден умут этиб, аздан къуру къалма.
- Кенгеш болса, уруш болмаз.
- Чомартны къолун джокълукъ байлар.
- Экиндини кеч къылсанг, чабыб джетер ашхам.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Нёгер болсанг, тенг бол, тенг болмасанг, кенг бол.
- Азыкъ аз болса, эртде орун сал.
- Эринчекге кюн узун.
- Ач къалгъандан, кеч къалгъан къолай.
- Битмегеннге сакъал – танг.
- Къонакъ аман болса, къонакъбай джунчур
- Тойгъанлыкъ къойгъа джарашады.
- Джетген къыз джерли эшекни танымаз.
- Джол бла сёзню къыйыры джокъ.
- Къарт бла баш аша, джаш бла аякъ аша.
- Дуния аламаты сен эсенг да, игиме деб айтма.
- Гитче джилтин уллу элни джандырыр.
- Мадар болса, къадар болур.
- Тойгъан джерге джети къайт.
- Къартха ушагъан джаш – акъыллы, джашха ушагъан къарт – тели.
- Тюзлюк шохлукъну бегитир.
- Ёгюзню мюйюзюнден тутадыла, адамны сёзюнден тутадыла.
- Ишни ахырын ойламай, аллын башлама.
- Тамбла алтындан бюгюн багъыр ашхы.
- Урунуу – насыбны анасы.
- Аллахха ийнаннган кишини, Аллах онгдурур ишин.
- Илму – джашауну джолу.
- Къызбайны юйюне дери сюрсенг, батыр болур.
- Кюл тюбюндеги от кёрюнмейди.
- Таукел тауну аудурур.
- Кёбню кёрген – кёб билир.
- Эски джаугъа ышанма.
- Соргъан айыб тюлдю, билмеген айыбды.
- Къонакъны къачан кетерин сорма, къачан келлигин сор.
- Ёксюзню къалачы уллу кёрюнюр.
- Ач – эснер, ат – кишнер.
- Къыз тиширыу кеси юйюнде да къонакъды.
- Келинни – келгинчи, бёркню кийгинчи кёр.
- Рысхы – сют юсюнде кёмюк кибикди.
- Сакъламагъан затынга джолукъсанг, не бек къууанаса, не бек ачыйса.
- Аманны къуугъан, аманлыкъ табар.
- Адам къыйынлыгъын кёлтюрюр, зауукълугъун кёлтюрмез.
- Тил – миллетни джаны.
- Ана – юйню кюн джарыгъы.
- Терек ауса, отунчу – кёб.
- Адамны бетине къарама, адетине къара.
- Ачыкъ джюрекге джол – ачыкъ.
Ошибка!
Для просмотра темы введите ваши логин и пароль.Пожалуйста, авторизуйтесь: