- Хоншуну тауугъу къаз кёрюнюр, келини къыз кёрюнюр.
- Ханнга да келеди хариблик.
- Тели турса – той бузар.
- Джахил болса анасы, не билликди баласы?
- Тилчи тилден къаныкъмаз.
- Ёпкелегенни ашы татлы болады.
- Билимли ёлмез, билимсиз кёрмез.
- Насыб бютеу халкъны юлюшюдю.
- Адебсиз адам – джюгенсиз ат.
- Кёл – къызбай, къол – батыр.
- Уллу атлама – абынырса, уллу къабма – къарылырса.
- Къууут – джелге, берне – бошха.
- Ариу сёз – къылычдан джити.
- Aдам боллукъ, сыфатындан белгили.
- Къарт айтханны этмеген, къартаймаз.
- Ауузу аманнга «иги», деме.
- Миллетни бойну – базыкъ, аны бла кюрешген – джазыкъ.
- Джаш къарыу бла кючлю, къарт акъыл бла кючлю.
- Тил бла келеди джыр да.
- Таукел къуру къалмаз.
- Сёз садакъдан кючлюдю.
- Къарыусузгъа кюлме, онгсузгъа тийме.
- Хата – гитчеден.
- Тёгюлген тюгел джыйылмайды.
- Бети бедерден, намыс сакълама.
- Экиндини кеч къылсанг, чабыб джетер ашхам.
- Ач да бол, токъ да бол – намысынга бек бол.
- Айтхан сёзюне табылгъан.
- Ишин билген, аны сыйын чыгъарады.
- Аманнга да, игиге да оноусуз къатышма.
- Сабийни джумушха джибер да, ызындан бар.
- Тойгъанлыкъ къойгъа джарашады.
- Чакъырылмагъан къонакъ тёрге атламаз.
- Мени джылытмагъан кюн, меннге тиймесин!
- «Ёгюз, джаргъа джууукъ барма, меннге джюк боллукъса», - дегенди эшек.
- Биреуге аманлыкъ этиб, кесинге игилик табмазса.
- Иги – алгъыш этер, аман – къаргъыш этер.
- Хансыз джомакъ болмаз.
- Тёзгеннге, джабылгъан эшик ачылыр.
- Эшекни не къадар тюйсенг да, ат болмаз.
- Уллу сёзде уят джокъ.
- Чомартха хар кюн да байрамды.
- Тик ёргени, тик энгишгеси да болады.
- Уллу къашыкъ эрин джыртар.
- Эки итни арасына сюек атма, эки адамны арасында сёз чыгъарма.
- Терек ауса, отунчу – кёб.
- Айныгъанлы алты кюн, тогъайгъанлы тогъуз кюн.
- Байны къызы баймакъ болса да, юйде къалмаз!
- Джюрекден джюрекге джол барды.
- Кенгеш болса, уруш болмаз.
Ошибка!
Для просмотра темы введите ваши логин и пароль.Пожалуйста, авторизуйтесь: