- Джети тилни билген джети кишиди.
- Билимден уллу байлыкъ джокъду.
- Тюзню ётмеги тюзде къалса да, тас болмаз.
- Чабакъгъа акъыл, табагъа тюшсе келеди.
- Джумушакъ сёз къаты таякъны сындырыр.
- Къайгъы тюбю – тенгиз.
- Хар сёзню орну барды.
- Къолу уллу – асыу, аягъы уллу – джарсыу.
- Хансыз джомакъ болмаз.
- Орну джокъну – сыйы джокъ.
- Тёзген – тёш ашар!
- Бозанг болмагъан джерге, къалагъынгы сукъма.
- Ханы къызы буюгъа-буюгъа киштик болду.
- Эринчекни аурууу – кёб.
- Билмейме деген – бир сёз
- Тешигини къатында, чычхан да батыр болур.
- Нарт сёз – тилни бети.
- Душманны тышы – акъ, ичи – къара.
- Этни да ашады, бетни да ашады.
- Тау башында, тау болмаз, джангыз терек, бау болмаз.
- Тёзгеннге, джабылгъан эшик ачылыр.
- Ачлыкъ отха секиртир.
- Чомартны къолун джокълукъ байлар.
- Сагъыш – къартлыкъгъа сюйюмчю.
- Адамны артындан къара сабан сюрме.
- Биреуге кёлтюрген таягъынг, кесинги башынга урур.
- Рысхысына кёре, джаш ёсер, къышлыгъына кёре, мал ёсер.
- Сабий болмагъан джерде, мёлек болмаз.
- Ауругъан – джашаудан умутчу.
- Бир абыннган – минг сюрюнюр.
- Биреуню тёрюнден, кесинги эшик артынг игиди.
- Миллетни бойну – базыкъ, аны бла кюрешген – джазыкъ.
- Джаралыны джастыгъында сау ёлюр.
- Керек ташны ауурлугъу джокъ.
- Эм уллу байлыкъ – джан саулукъ.
- Мени джылытмагъан кюн, меннге тиймесин!
- Къарт бла баш аша, джаш бла аякъ аша.
- Минг тенг да азды, бир джау да кёбдю.
- Келинни – келгинчи, бёркню кийгинчи кёр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Намысы болмагъанны, сыйы болмаз.
- Джаханимни кёрмей, джандетге кёл салмазса.
- Тилчи бир сагъатха айлыкъ хата этер.
- Гырджын – тепсини тамадасы.
- Аман хансны – урлугъу кёб.
- Ач келгенни – тойдур, кеч келгенни – къондур.
- Ашаса, ашамаса да, бёрюню ауузу – къан.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ашхы – джыяр, аман – джояр.
- Бал ашаргъа сюе эсенг, чибин ургъаннга тёз.
Ошибка!
Для просмотра темы введите ваши логин и пароль.Пожалуйста, авторизуйтесь: