- Чакъырылмагъан къонакъ – орунсуз.
- Къарт айтханны этмеген, къартаймаз.
- Кёкдеги болмаса, джердегин кёрмейди.
- Акъыл аздырмаз, билим тоздурмаз.
- Аджашхан тёгерек айланыр.
- Адам сёзге тынгыла, акъыл сёзню ангыла.
- Джол бла сёзню къыйыры джокъ.
- Джюрекге ариу – кёзге да ариу.
- Джюз элде джюз ёгюзюм болгъандан эсе, джюз джууугъум болсун.
- Татлы сёз – балдан татлы.
- Татлы тилде – сёз ариу, чемер къолда – иш ариу.
- Чомартны къолун джокълукъ байлар.
- Биреуню тёрюнден, кесинги эшик артынг игиди.
- Хунаны тюбюн къазсанг, юсюнге ауар.
- Баш болса, бёрк табылыр.
- Аман адам этегингден тутса, кес да къач.
- Соргъан айыб тюлдю, билмеген айыбды.
- Адебсиз адам – джюгенсиз ат.
- Айранны сюйген, ийнек тутар.
- Ач, тоймам, дейди, тойгъан, ач болмам, дейди.
- Сабийни джумушха джибер да, ызындан бар.
- Чомарт къолда мал къалмаз.
- Чабакъгъа акъыл, табагъа тюшсе келеди.
- Джангыз торгъай джырламаз.
- Ауузу аманнга «иги», деме.
- Намыс болмагъан джерде, насыб болмаз.
- Хантына кёре тузу, юйюне кёре къызы.
- Тау башында, тау болмаз, джангыз терек, бау болмаз.
- Билим насыб берир, билим джолну керир.
- Къыйынлы джети элге оноу этер.
- Къар – келтирди, суу – элтди.
- Ата Джуртун танымагъан, атасын да танымаз.
- Джарлы тюеге минсе да, ит къабар.
- Нарт сёз – тилни бети.
- Оюмсуз атлагъан, аджалсыз ёлюр.
- Эр абынмай, эл танымаз.
- Иесиз малны бёрю ашар.
- Къонагъынгы артмагъын алма да, алгъышын ал.
- Таукел къуру къалмаз.
- Кийимни бичсенг, кенг бич, тар этген къыйын тюлдю.
- Джуртун къоругъан озар.
- Таш ата билмеген, башына урур.
- Дуния аламаты сен эсенг да, игиме деб айтма.
- Аякъларынгы джууургъанынга кёре узат.
- Ёмюрлюк шохлукъну джел элтмез.
- Билмегенинги, билгеннге сор.
- Телиге акъыл салгъандан эсе, ёлгеннге джан салырса.
- Ашатыргъа иш – ашхы, ишлетирге аш – ашхы.
- Арбаз къынгырды да, ийнек сауалмайма.
- Къарнынг бла ёч алма.
Ошибка!
Для просмотра темы введите ваши логин и пароль.Пожалуйста, авторизуйтесь: