- Окъдан джара эртде-кеч болса да бителир, сёз джара, ёмюрге къалыр.
- Атлыны кёрсе, джаяуну буту талыр.
- Ат да турмайды бир териде.
- Билмегенинги, билгеннге сор.
- Душманны тышы – акъ, ичи – къара.
- Ёлген эшек бёрюден къоркъмайды.
- Кийиминг бла танылма, адамлыкъ бла таныл.
- Намысы болмагъанны, сыйы болмаз.
- Чакъырылмагъан къонакъ – орунсуз.
- Бетинги сатма, малынгы сат.
- Онгсузну – джакъла, тенгликни – сакъла.
- Ашхылыкъ джерде джатмайды, аманлыкъ суугъа батмайды.
- Тенги кёбню джау алмаз, акъылы кёбню дау алмаз.
- Арба аугъандан сора, джол кёргюзтюучю кёб болур.
- Билим – акъылны чырагъы.
- Чабакъ башындан чирийди.
- Тойгъа барсанг, тоюб бар, эски тонунгу къоюб бар.
- Аманны къуугъан, аманлыкъ табар.
- Борчунг бар эсе, хурджунунга ойлаб узал.
- Биреуге аманлыкъ этиб, кесинге игилик табмазса.
- Келинин тута билмеген, къул этер, къызын тута билмеген, тул этер.
- Рысхы – сют юсюнде кёмюк кибикди.
- Къарт бла баш аша, джаш бла аякъ аша.
- Халкъны джырын джырласанг, халкъ санга эжиу этер.
- Орну джокъну – сыйы джокъ.
- Ата – билек, ана – джюрек!
- Айтылгъан сёз ызына къайтмаз.
- Ачлыкъ отха секиртир.
- Тилчи бир сагъатха айлыкъ хата этер.
- Эртде тургъан джылкъычыны эркек аты тай табар.
- Тёрде – темир таякълы, къаяда – чыпчыкъ аякълы.
- Ойнай билмеген, оюн бузар.
- Ач да бол, токъ да бол – намысынга бек бол.
- Башсыз урчукъ тюзюне айланмаз.
- Къарнынг къанлынга кийирир.
- Къартны бурнун сюрт да, оноугъа тут.
- Керилген да, ургъан кибикди.
- Рысхы джалгъанды: келген да этер, кетген да этер.
- Иги болса, тамадама – махтау, аман болса, меннге – айыб.
- Башынга джетмегенни сорма.
- Гыдай эчки суугъа къараб, мюйюзле кёрмесе, джашма алкъын, дегенди.
- Къатыны харакетли болса, эри къымсыз болур.
- Халкъгъа джарагъан, джарлы къалмаз.
- Кёрмегеннге кебек – танг, битмегеннге сакъал – танг.
- Къая джолда джортма, ачыкъ сёзден къоркъма.
- Эри аманны, къатыны – аман.
- Джолда аягъынга сакъ бол, ушакъда тилинге сакъ бол.
- Ачыу алгъа келсе, акъыл артха къалады.
- Чабакъсыз кёлге къармакъ салгъанлыкъгъа, чабакъ тутмазса.
- Кёз – сюйген джерде, къол – ауругъан джерде.
Ошибка!
Для просмотра темы введите ваши логин и пароль.Пожалуйста, авторизуйтесь: