- Ауузу аманнга «иги», деме.
- Арбаз къынгырды да, ийнек сауалмайма.
- Биреу къой излей, биреу той излей.
- Бек анасы джыламаз.
- Алтыда кюлмеген, алтмышда кюлмез.
- Агъач халкъгъа алтынды, иссиликге салкъынды.
- Тил – миллетни джаны.
- Арпа, будай – ащды, алтын, кюмюш а – ташды.
- Хар сёзню орну барды.
- Ариу джол аджал келтирмез.
- Мухардан ач ычхынмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Суу кетер, таш къалыр.
- Тил – кесген бычакъ, сёз – атылгъан окъ.
- Хатерли къул болур.
- Ана кёлю – балада, бала кёлю – талада.
- Тели турса – той бузар.
- Мал кёб болса, джууукъ кёб болур.
- Джыгъылгъанны сырты джерден тоймаз.
- Келинни – келгинчи, бёркню кийгинчи кёр.
- Тынгылагъан тынгы бузар.
- Аджаллыгъа окъсуз шкок атылыр.
- Намысы болмагъанны, сыйы болмаз.
- Ёгюзню мюйюзлери ауурлукъ этмейдиле.
- Эринчекни эр алмаз, эр алса да, кёл салмаз, кёл салса да, кёб бармаз!
- Тойгъа алгъа да барма, тойда артха да къалма.
- Айран тёгюлсе, джугъусу къалыр.
- Чабакъ башындан чирийди.
- Адам боллукъ, атламындан белгили болур.
- Арбаз сайлама да, хоншу сайла.
- Ишлегенде эринме, ишде чолакъ кёрюнме.
- Иши джокъну, сыйы джокъ.
- Насыб бютеу халкъны юлюшюдю.
- Ашлыкъ – бюртюкден, джюн – тюкден.
- Аз сёлеш, кёб ишле.
- Ёпкелегенни ашы татлы болады.
- Къартха ушагъан джаш – акъыллы, джашха ушагъан къарт – тели.
- Гырджын – тепсини тамадасы.
- Эки элинги тыйсанг, джети элде махталырса.
- Эркишиге тары кебек танг кёрюнюр.
- Ётген ёмюр – акъгъан суу.
- Адамны адамлыгъы къыйынлыкъда айгъакъланады.
- Акъдан къара болмаз.
- Босагъа таш юйге кирмей эди, тыбыр таш эшикге чыкъмай эди.
- Аш хазыр болса, иш харам болур.
- Юйюнгден чыкъдынг – кюнюнгден чыкъдынг.
- Ханы къызы буюгъа-буюгъа киштик болду.
- Элни кючю – эмеген.
- Кёб къычыргъандан – къоркъма, тынч олтургъандан – къоркъ.
- Къар – келтирди, суу – элтди.
Ошибка!
Для просмотра темы введите ваши логин и пароль.Пожалуйста, авторизуйтесь: