- Чыбыкълыкъда бюгюлмеген, къазыкълыкъда бюгюлмей эди.
- Джерни букъусу кёкге къонмаз.
- Ашхы атаны – джашы ашхы, ашхы ананы – къызы ашхы.
- Эркиши – от, тиширыу – суу.
- Къартны бурнун сюрт да, оноугъа тут.
- Ишин билген, аны сыйын чыгъарады.
- Къарнынг бла ёч алма.
- Сабийликде юретмесенг, уллу болса – тюзелмез.
- Эте билген, этген этеди, эте билмеген, юретген этеди!
- Кийиминг бла танылма, адамлыкъ бла таныл.
- Къарыусузгъа кюлме, онгсузгъа тийме.
- Бети къызарыучу адамны, джюреги харам болмаз.
- Сёз – кюмюш, джыр – алтын.
- Хатерли къул болур.
- Шекер бла туз – бир болмаз, ушамагъан – юй болмаз.
- Чомарт бергенин айтмаз.
- Эм ашхы къайын ана мамукъ бла башынгы тешер.
- Кюн – узун, ёмюр – къысха.
- Ат басханны джер билед.
- Чабакъгъа акъыл, табагъа тюшсе келеди.
- Элге къуллукъ этмеген, элге ие болмаз.
- Джарлы тюеге минсе да, ит къабар.
- Тамчы таш тешер.
- Ач бёрюге мекям джокъ.
- Эртде тургъан джылкъычыны эркек аты тай табар.
- Мухар, кеси тойса да, кёзю тоймаз.
- Тенги кёбню джау алмаз, акъылы кёбню дау алмаз.
- Бетинги сатма, малынгы сат.
- Эркишиге тары кебек танг кёрюнюр.
- Джырына кёре эжиую.
- Аман адамны тепсинге олтуртсанг, къызынгы тилер.
- Уллу сёзде уят джокъ.
- Ётюрюк хапар аякъ тюбю бла джюрюйдю.
- Къарт бла баш аша, джаш бла аякъ аша.
- Иги адамны бир сёзю эки болмаз.
- Акъыл аздырмаз, билим тоздурмаз.
- Айран ичген – къутулду, джугъусун джалагъан – тутулду.
- Акъылсызны джууукъгъа алма, акъыллыны кенгнге салма.
- Джиби бир къат джетмей эди да, эки къат тарта эди.
- Бал чибинни ургъаны – ачы, балы – татлы.
- Кёб ант этген, кёб ётюрюк айтыр.
- Джаш къарыу бла кючлю, къарт акъыл бла кючлю.
- Къонагъы джокъну – шоху джокъ.
- Аман эсирсе, юйюн ояр.
- Айтхан – тынч, этген – къыйын.
- Халкъны юйю – туугъан джери.
- Кёлсюзден сёзсюз тууар.
- Арпа, будай – ащды, алтын, кюмюш а – ташды.
- Адамны артындан къара сабан сюрме.
- Босагъа таш юйге кирмей эди, тыбыр таш эшикге чыкъмай эди.
Ошибка!
Для просмотра темы введите ваши логин и пароль.Пожалуйста, авторизуйтесь: