- Кирсизни – саны таза, халалны – къаны таза.
- Эр сокъур болсун, къатын тилсиз болсун.
- Аманнга да, игиге да оноусуз къатышма.
- Ойнаб айтсанг да, эслеб айт.
- Тилчиден кери бол.
- Уллу атлама – абынырса, уллу къабма – къарылырса.
- Къарнынг къанлынга кийирир.
- Адам сёзге тынгыла, акъыл сёзню ангыла.
- Илму – джашауну джолу.
- Мухарны эси – ашарыкъда.
- Келгинчи, къонакъ уялыр, келгенден сора, къонакъбай уялыр.
- Джахил болса анасы, не билликди баласы?
- Ашын ашагъанынгы, башын да сыйла.
- Джюрекге ариу – кёзге да ариу.
- Джеринден айырылгъан – джети джылар, джуртундан айырылгъан – ёлгюнчю джылар.
- Окъугъанны бети джарыкъ.
- Таукел адам тау тешер.
- Огъурлуну сёзю – суу, огъурсузну сёзю – уу.
- Ач уят къоймаз.
- Урама да – ёледи, сатама да – келеди.
- Сёз къанатсыз учар.
- Ёгюзню мюйюзлери ауурлукъ этмейдиле.
- Халкъны юйю – туугъан джери.
- Сёз – кюмюш, джыр – алтын.
- Чакъырылмагъан къонакъ тёрге атламаз.
- От этилмеген джерден тютюн чыкъмайды.
- Тёзгеннге, джабылгъан эшик ачылыр.
- Ашхы болсанг, атынг чыгъар, аман болсанг, джанынг чыгъар.
- Агъач халкъгъа алтынды, иссиликге салкъынды.
- Бети – къучакълар, джюреги – бычакълар.
- Иги сёз – джаннга азыкъ, аман сёз башха – къазыкъ.
- Дуния мал дунияда къалады.
- Нёгерсизни джолу узун.
- Къызбайны юйюне дери сюрсенг, батыр болур.
- Термилгенинги табмазса, кюлгенинге тюберсе.
- Тюзлюк тас болмайды.
- Джумушакъ сёз къаты таякъны сындырыр.
- Эртде тургъан бла эртде юйленнген сокъуранмаз.
- Байма, деб да, къууанма, джарлыма, деб да, джылама.
- Къыз келсе, джумуш эте келеди, къатын келсе, ушакъ эте келеди.
- Сёз садакъдан кючлюдю.
- Къонакъ аз олтурур, кёб сынар.
- Башы джабылгъан челекге, кир тюшмез.
- Аджалсыз ёлюм болмаз.
- Босагъагъа джууукъ орун болса, ашыгъыб тёрге озма.
- Тойгъан джерге джети къайт.
- Гырджын – тепсини тамадасы.
- Атлыны кёрсе, джаяуну буту талыр.
- Аман къатын алгъан, арыр, иги къатын алгъан джарыр.
- Тил бла келеди джыр да.
Ошибка!
Для просмотра темы введите ваши логин и пароль.Пожалуйста, авторизуйтесь: