- Башланнган иш битер, къымылдагъан тиш тюшер.
- Чакъырылмагъан къонакъ – орунсуз.
- Зар адам ашынгы ашар, кесинги сатар.
- Къан бла кирген, джан бла чыгъар.
- Тамбла алтындан бюгюн багъыр ашхы.
- Тил – миллетни джаны.
- Эринчекни эр алмаз, эр алса да, кёл салмаз, кёл салса да, кёб бармаз!
- Иги адамны бир сёзю эки болмаз.
- Душманны тышы – акъ, ичи – къара.
- Чакъырылмагъан джерге барма, чакъырылгъан джерден къалма.
- Иги бла джюрюсенг, джетерсе муратынга, аман бла джюрюсенг, къалырса уятха.
- Элни кючю – эмеген.
- Ашына кёре табагъы, балына кёре къалагъы.
- Аш берме да, къаш бер.
- Таш ата билмеген, башына урур.
- Керек ташны ауурлугъу джокъ.
- Айтханы чапыракъдан ётмеген.
- Окъуусуз билим – джокъ, билимсиз кюнюнг – джокъ.
- Эринчекни аурууу – кёб.
- Эм ашхы къайын ана мамукъ бла башынгы тешер.
- Къонагъынгы артмагъын алма да, алгъышын ал.
- Аман адамны тепсинге олтуртсанг, къызынгы тилер.
- Атлыны кёрсе, джаяуну буту талыр.
- Мен да «сен», дейме, сен да «кесим», дейсе.
- Халкъны джырын джырласанг, халкъ санга эжиу этер.
- Джангыз торгъай джырламаз.
- Тёрени джагъы джокъ.
- Сыфатында болмагъаны, суратында болмаз.
- Къайгъы тюбю – тенгиз.
- Aдам боллукъ, сыфатындан белгили.
- Тойгъан антын унутур.
- Аш кетер да бет къалыр.
- Иги болса, тамадама – махтау, аман болса, меннге – айыб.
- Эшекге миннген – биринчи айыб, андан джыгъылгъан – экинчи айыб.
- Эринчекге кюн узун.
- Джигер – джаннга къыйынлыкъ.
- Сютден ауузу кюйген, суугъа юфгюре эди.
- Сууда джау джокъ, кёб сёзде магъана джокъ.
- Ким бла джюрюсенг, аны кёзю бла кёрюнюрсе.
- Эки къатын алгъан – эки ташны ортасына башын салгъан.
- Бал чибинни ургъаны – ачы, балы – татлы.
- Этни да ашады, бетни да ашады.
- Тёзген – тёш ашар!
- Уллу сёзде уят джокъ.
- Билмегенинги, билгеннге сор.
- Ётюрюкчюню шагъаты – къатында.
- Узун джолну барсанг, бюгюн келирсе, къысха джолну барсанг, тамбла келирсе.
- Чабакъ башындан чирийди.
- Джукъу тёшек сайламайды.
- Акъыл бла адеб эгизледиле.
Ошибка!
Для просмотра темы введите ваши логин и пароль.Пожалуйста, авторизуйтесь: