- Экеу тутушса, биреу джыгъылыр.
- Джыйырма къойну юч джыйырма эбзе кюте эди.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тилде сюек болмаса да, сюек сындырыр.
- Эки ойлашыб, бир сёлешген.
- Тойгъан антын унутур.
- Эринчекге кюн узун.
- Къаллай салам берсенг, аллай джууаб алырса.
- Биреуню тёрюнден, кесинги эшик артынг игиди.
- Бойнуму джети джерден кессенг да, мен ол ишни этеллик тюлме.
- Эринчекни аурууу – кёб.
- Бёрю да ач къалмасын, эчки да ашалмасын.
- Къошда джокъгъа – юлюш джокъ.
- Келлик заман – къартлыкъ келтирир, кетген заман – джашлыкъ ёлтюрюр.
- Башсыз урчукъ тюзюне айланмаз.
- Ишлегенден, къарагъан уста.
- Ашда – бёрю, ишде – ёлю.
- Ойнай билмеген, уруб къачар.
- Адам къыйынлыгъын кёлтюрюр, зауукълугъун кёлтюрмез.
- Кёз – сюйген джерде, къол – ауругъан джерде.
- Акъыл къартда, джашда тюйюлдю – башдады.
- Сёз – кюмюш, джыр – алтын.
- Телиге акъыл салгъандан эсе, ёлгеннге джан салырса.
- Халкъгъа джарагъан, джарлы къалмаз.
- Агъач – джерни чырайы, кийим – эрни чырайы.
- Ёлген эшек бёрюден къоркъмайды.
- Илму – джашауну джолу.
- Акъылсызны джууукъгъа алма, акъыллыны кенгнге салма.
- Биреу къой излей, биреу той излей.
- Татлы тилде – сёз ариу, чемер къолда – иш ариу.
- Джаш къарыу бла кючлю, къарт акъыл бла кючлю.
- Къая джолда джортма, ачыкъ сёзден къоркъма.
- Джаханимни кёрмей, джандетге кёл салмазса.
- Ойнай билмеген, оюн бузар.
- Аманны къуугъан, аманлыкъ табар.
- Эринчекни эр алмаз, эр алса да, кёл салмаз, кёл салса да, кёб бармаз!
- Кёб джашагъан – кёб билир.
- Аманны тукъумуна къарама, игини тукъумун сорма.
- Кёбге таш атма.
- Чалманны аллы къалай башланса, арты да алай барады.
- Ёгюзню мюйюзюнден тутадыла, адамны сёзюнден тутадыла.
- Адам сёзге тынгыла, акъыл сёзню ангыла.
- Аманнга игилик этсенг, юйюнге сау бармазса.
- Тойгъа барсанг, тоюб бар, эски тонунгу къоюб бар.
- Адам туугъан джеринде, ит тойгъан джеринде.
- Къан бла кирген, джан бла чыгъар.
- Аз айтсам, кёб ангылагъыз.
- Джолда аягъынга сакъ бол, ушакъда тилинге сакъ бол.
- Окъумагъан сокъурду, сокъур ташха абыныр!
- Айырылгъанланы айю ашар, бёлюннгенлени бёрю ашар.
Ошибка!
Для просмотра темы введите ваши логин и пароль.Пожалуйста, авторизуйтесь: