- Ана – юйню кюн джарыгъы.
- Эри аманны, къатыны – аман.
- Аууздан келген, къолдан келсе, ким да патчах болур эди.
- Биреу ашаб къутулур, биреу джалаб тутулур.
- Чакъырылмагъан къонакъ къачан кетерин сормаз.
- Туз, гырджын аша, тюзлюк бла джаша.
- Хунаны тюбюн къазсанг, юсюнге ауар.
- Алгъанда – джууукъ, бергенде – джау.
- Кюн – узун, ёмюр – къысха.
- Намысы джокъну – дуниясы джокъ.
- Къарт болгъан джерде, берекет болур, сабий болгъан джерде, оюн болур.
- Аякъларынгы джууургъанынга кёре узат.
- Къызын тута билмеген, тул этер, джашын тута билмеген, къул этер.
- Уясында не кёрсе, учханында аны этер.
- Сагъыш – къартлыкъгъа сюйюмчю.
- Тил бла келеди джыр да.
- Кимни – тили, тиши онглу, кимни – къолу, иши онглу.
- Булут кёкге джарашыу, уят бетге джарашыу.
- Ишге юренсин къоллары, халкъ бла болсун джоллары.
- Ашхы атаны – джашы ашхы, ашхы ананы – къызы ашхы.
- Минг тенг да азды, бир джау да кёбдю.
- Акъыл сабырлыкъ берир.
- Къая джолда джортма, ачыкъ сёзден къоркъма.
- Джолунга кёре – джюрюшюнг, джагъанга кёре – юлюшюнг.
- Узун джолну барсанг, бюгюн келирсе, къысха джолну барсанг, тамбла келирсе.
- Тёзгеннге, джабылгъан эшик ачылыр.
- Ашына кёре табагъы, балына кёре къалагъы.
- Къызгъанчдан ычхыныр, мухардан ычхынмаз.
- Битмегеннге сакъал – танг.
- Ишленмеген джаш – джюгенсиз ат, ишленмеген къыз – тузсуз хант.
- Башда акъыл болмаса, эки аякъгъа кюч джетер.
- Эте билген, этген этеди, эте билмеген, юретген этеди!
- Бир онгсуз адам адет чыгъарды, деб эштирик тюлсе.
- Ач уят къоймаз.
- Соргъан айыб тюлдю, билмеген айыбды.
- Билим ат болуб да чабар, къуш болуб да учар.
- Келинин тута билмеген, къул этер, къызын тута билмеген, тул этер.
- Эллинг бла джау болсанг да, юйюнг бла джау болма.
- Кийимни бичсенг, кенг бич, тар этген къыйын тюлдю.
- Келинни – келгинчи, бёркню кийгинчи кёр.
- Джукъу тёшек сайламайды.
- Кёб джат да, бек чаб.
- Ашха уста, юйюнде болсун
- Адеб базарда сатылмаз.
- Ашын ашагъанынгы, башын да сыйла.
- Эрни эр этерик да, къара джер этерик да, тиширыуду.
- Эл ауузу – элек, анга ийнаннган – халек.
- Сагъышы джокъ – джукъучу, акъылы джокъ – къаугъачы.
- Дженгил джетерикме деб, узун джолну къоюб, къысхасын барма.
- Къартны сыйын кёрмеген, къартлыгъында сыйлы болмаз.
Ошибка!
Для просмотра темы введите ваши логин и пароль.Пожалуйста, авторизуйтесь: