- Ашхы сёз таш тешер.
- Окъумагъан сокъурду, сокъур ташха абыныр!
- Кёзню ачылгъаны – иги, ауузну джабылгъаны – иги.
- Тилде сюек болмаса да, сюек сындырыр.
- Сабий болмагъан джерде, мёлек болмаз.
- Керти сёзге тёре джокъ.
- Ашлыкъ – бюртюкден, джюн – тюкден.
- Чомарт къолда мал къалмаз.
- Тойгъа барсанг, тоюб бар, эски тонунгу къоюб бар.
- Соргъан айыб тюлдю, билмеген айыбды.
- Таукел адам тау тешер.
- Ашхы тенг джолгъа салыр, аман тенг джолдан тайдырыр.
- Акъыл къартда, джашда тюйюлдю – башдады.
- Ат да турмайды бир териде.
- Айырылгъанланы айю ашар, бёлюннгенлени бёрю ашар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Джолунга кёре – джюрюшюнг, джагъанга кёре – юлюшюнг.
- Оюмсуз атлагъан, аджалсыз ёлюр.
- Экиндини кеч къылсанг, чабыб джетер ашхам.
- Ач, тоймам, дейди, тойгъан, ач болмам, дейди.
- Мен да «сен», дейме, сен да «кесим», дейсе.
- Тилсиз миллет джокъ болур.
- Адам сёзге тынгыла, акъыл сёзню ангыла.
- Аджашхан тёгерек айланыр.
- Эл ауузу – элия.
- Джети тилни билген джети кишиди.
- Келинин тута билмеген, къул этер, къызын тута билмеген, тул этер.
- Чалманны аллы къалай башланса, арты да алай барады.
- Узун джолну барсанг, бюгюн келирсе, къысха джолну барсанг, тамбла келирсе.
- Тин – байлыгъынг, терен саулугъунг.
- Магъанасыз сёз – тауушсуз сыбызгъы.
- Къыйынлы джети элге оноу этер.
- Къонакъ аман болса, къонакъбай джунчур
- Аман къатын сабий табса, бий болур…
- Чыкълы кюнде чыкъмагъан, чыкъса къуру кирмеген.
- Айраннга суу къош, телиге джол бош.
- Къонакъ болсанг, ийнакъ бол.
- Ётюрюкден тюбю джокъ, кёлтюрюрге джиби джокъ.
- Эски джаугъа ышанма.
- Эки итни арасына сюек атма, эки адамны арасында сёз чыгъарма.
- Элни кючю – эмеген.
- Ач къарным, тынч къулагъым.
- Итли къонакъ джарашмаз.
- Кеси юйюмде мен да ханма.
- Ашаса, ашамаса да, бёрюню ауузу – къан.
- Джюрекге ариу – кёзге да ариу.
- Артына баргъанны, къатына барма.
- Аман адам этегингден тутса, кес да къач.
- Кимни – тили, тиши онглу, кимни – къолу, иши онглу.
- Къолунгдан къуймакъ ашатсанг да, атаны борчундан къутулмазса.
Ошибка!
Для просмотра темы введите ваши логин и пароль.Пожалуйста, авторизуйтесь: