- Тойгъа барсанг, тоюб бар, эски тонунгу къоюб бар.
- Экеулен сёлеше тура эселе, орталарына барыб кирме.
- Ушамагъан – джукъмаз.
- Ишлегенден, къарагъан уста.
- Аманнга да, игиге да оноусуз къатышма.
- Кёл ашады да, кеси ашады.
- Накъырда – кертини келечиси.
- Тёзгеннге, джабылгъан эшик ачылыр.
- Къарнынг ауруса, ауузунгу тый
- Тура эдим джата, къайдан чыкъды хата?
- Чакъырылмай келген къонакъ сыйланмай кетер.
- Ана – юйню кюн джарыгъы.
- Бойнуму джети джерден кессенг да, мен ол ишни этеллик тюлме.
- Айраннга суу къош, телиге джол бош.
- Кютгени беш эчки, сызгъыргъаны уа, джерни джарады.
- Ач къарынны, токъ билмез
- Аман хансны – урлугъу кёб.
- Адамны адамлыгъы къыйынлыкъда айгъакъланады.
- Къарнынг бла ёч алма.
- Билим ат болуб да чабар, къуш болуб да учар.
- Къартха ушагъан джаш – акъыллы, джашха ушагъан къарт – тели.
- Суу да къайтады чыкъгъан джерине.
- Орундукъ тюбюнде атылсам да, орта джиликме, де да айлан.
- Кюл тюбюндеги от кёрюнмейди.
- Билмейме деген – бир сёз
- Тюзлюк тас болмайды.
- Суу ичген шауданынга тюкюрме.
- Мен да «сен», дейме, сен да «кесим», дейсе.
- Чомартны къолу берекет.
- Онгсузну – джакъла, тенгликни – сакъла.
- Термилгенинги табмазса, кюлгенинге тюберсе.
- Берекет берсин деген джерде, берекет болур.
- Эл тойса, тоймагъан, эл къойса, къоймагъан.
- Чакъырылмагъан къонакъ – орунсуз.
- Башынга джетмегенни сорма.
- Чалманны аллы къалай башланса, арты да алай барады.
- Ана къойну – балагъа джандет.
- Джогъун бар этген, барын бал этген.
- Ичимден чыкъды хата, къайры барайым сата?
- Татлы тилде – сёз ариу, чемер къолда – иш ариу.
- Биреуню эскиси биреуге джангы болмайды.
- Айныгъанлы алты кюн, тогъайгъанлы тогъуз кюн.
- Эл ауузу – элия.
- Этни да ашады, бетни да ашады.
- Иги адамны бир сёзю эки болмаз.
- Суу кетер, таш къалыр.
- Аман адам элни бир-бирине джау этер.
- Байны къызы баймакъ болса да, юйде къалмаз!
- Борчунг бар эсе, хурджунунга ойлаб узал.
- Къарнынг къанлынга кийирир.
Ошибка!
Для просмотра темы введите ваши логин и пароль.Пожалуйста, авторизуйтесь: