- Ашаса, ашамаса да, бёрюню ауузу – къан.
- Бозаны арты дауур болур.
- Къазанда болса, чолпугъа чыгъар.
- Акъыл аздырмаз, билим тоздурмаз.
- Ариу сёз джыланны орнундан чыгъарыр.
- Рысхы – насыбха къор.
- Тилчи тилден къаныкъмаз.
- Къызын тута билмеген, тул этер, джашын тута билмеген, къул этер.
- Кюн – узун, ёмюр – къысха.
- Юйюнг бла джау болгъандан эсе, элинг бла джау бол.
- Ауругъан – джашаудан умутчу.
- Джаш къарыу бла кючлю, къарт акъыл бла кючлю.
- Чакъырылмай келген къонакъ сыйланмай кетер.
- Ашхы – джыяр, аман – джояр.
- Танг атмайма десе да, кюн къоярыкъ тюйюлдю.
- Арыгъан къош чамчы болур.
- Эри аманны, къатыны – аман.
- Татлы тилде – сёз ариу, чемер къолда – иш ариу.
- Адеб джокъда, намыс джокъ.
- Миллетни бойну – базыкъ, аны бла кюрешген – джазыкъ.
- Кёпюр салгъан кеси ётер, уру къазгъан кеси кетер.
- Къумурсхала джыйылсала, пилни да джыгъадыла.
- Ариу сёз – къылычдан джити.
- Келинин тута билмеген, къул этер, къызын тута билмеген, тул этер.
- Зар адам ашынгы ашар, кесинги сатар.
- Адамны аманы адамны бети бла ойнар.
- Бал – татлы, балдан да бала – татлы.
- Сабыр джетер муратха, сабырсыз къалыр уятха.
- Ёнгкюч къууана барыр, джылай келир.
- Телиге от эт десенг, юйюнге от салыр.
- Чабакъ башындан чирийди.
- «Ма», - дегенни билмесенг, «бер», - дегенни билмезсе.
- Ишлерге уял да, ашаргъа табма.
- Ач, тоймам, дейди, тойгъан, ач болмам, дейди.
- Шекер бла туз – бир болмаз, ушамагъан – юй болмаз.
- Къыйынлы джети элге оноу этер.
- Кесине гебен этелмеген, биреуге черен эте эди.
- Онгсузну – джакъла, тенгликни – сакъла.
- Къар – келтирди, суу – элтди.
- Тил бла келеди джыр да.
- Акъыллы эркиши атын махтар, акъылсыз эркиши къатынын махтар.
- Аман хансны – урлугъу кёб.
- Экеулен сёлеше тура эселе, орталарына барыб кирме.
- Керек ташны ауурлугъу джокъ.
- Сибиртки да сыйлы болду, кюрек да кюнлю болду.
- Ишни ахырын ойламай, аллын башлама.
- Билген билмегенни юретген адетди.
- Къайгъы тюбю – тенгиз.
- Ашлыкъ – бюртюкден, джюн – тюкден.
- Башынга джетмегенни сорма.
Ошибка!
Для просмотра темы введите ваши логин и пароль.Пожалуйста, авторизуйтесь: