- Кёб къычыргъандан – къоркъма, тынч олтургъандан – къоркъ.
- Эркишини аманы тиширыуну джылатыр.
- Ётюрюкню башын керти кесер.
- Ишни ахырын ойламай, аллын башлама.
- Джашынгы кесинг юретмесенг, джашау юретир.
- Сагъыш – къартлыкъгъа сюйюмчю.
- Игилик игилик бла сингдирилиучю затды.
- Аман адам этегингден тутса, кес да къач.
- Башы ишлегенни, ауузу да ишлер.
- Бал чибинни ургъаны – ачы, балы – татлы.
- Билими азны – ауузунда кирит.
- Къонагъы джокъну – шоху джокъ.
- Тилде сюек болмаса да, сюек сындырыр.
- Аууз сакълагъан – джан сакълар.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Кёбню кёрген – кёб билир.
- Уллу суу бла уллу ауруудан башынгы сакъла.
- Биреуню тёрюнден, кесинги эшик артынг игиди.
- Эл тойса, тоймагъан, эл къойса, къоймагъан.
- Аш иеси бла татлыды.
- Акъыллы айтыр эди, акъылсыз къоймайды.
- Ач бёрюге мекям джокъ.
- Ашарыкъда сайлагъаннга – чий гырджын.
- Юй ишлеген балта эшикде къалыр.
- Къоркъакъны кёзю экили кёрюр.
- Ана кёлю – балада, бала кёлю – талада.
- Бети – къучакълар, джюреги – бычакълар.
- Юйлю уругъа ит чабмаз.
- Джашда акъыл джокъ, къартда къарыу джокъ.
- Илму – джашауну джолу.
- Аман адам элни бир-бирине джау этер.
- Тил – миллетни джаны.
- Джюрек кёзден алгъа кёрюр.
- Ишлерге уял да, ашаргъа табма.
- Чабакъгъа акъыл, табагъа тюшсе келеди.
- Хатерли къул болур.
- Ата Джуртча джер болмаз, туугъан элча эл болмаз.
- Арпа, будай – ащды, алтын, кюмюш а – ташды.
- Эте билген, этген этеди, эте билмеген, юретген этеди!
- Бозаны арты дауур болур.
- Аманны тукъумуна къарама, игини тукъумун сорма.
- Хар сёзню орну барды.
- Къуру гыбыт бек дыгъырдар.
- Кёрмегеннге кебек – танг, битмегеннге сакъал – танг.
- Къая джолда джортма, ачыкъ сёзден къоркъма.
- Хазыр ашха – терен къашыкъ.
- Джарлыны тону джаз битер.
- Азыкълы ат арымаз, къатыны аман джарымаз.
- Иги сеники эсе да, сюйген кесимикин этеме.
- Джахил болса анасы, не билликди баласы?
Ошибка!
Для просмотра темы введите ваши логин и пароль.Пожалуйста, авторизуйтесь: