- Эшекни не къадар тюйсенг да, ат болмаз.
- Тили узунну, намысы – къысха.
- Татлы сёз – балдан татлы.
- Джиби бир къат джетмей эди да, эки къат тарта эди.
- Чакъырылгъанны аты, чакъырылмагъанны багъасы болур.
- Тели турса – той бузар.
- Адамны сыфатына къарама, сёзюне къара.
- Ишленмеклик адамлыкъды.
- Азыкълы ат арымаз, къатыны аман джарымаз.
- Байдан умут эте, джарлыдан ёгюз багъасы къорады.
- Сабийликде юретмесенг, уллу болса – тюзелмез.
- Халкъны джырын джырласанг, халкъ санга эжиу этер.
- Джумушакъ сёз къаты таякъны сындырыр.
- Джюрекге ариу – кёзге да ариу.
- Сёлеш деб шай берген, тохта деб, сом берген.
- Окъугъан – асыу, окъумагъан – джарсыу.
- Таугъа чыгъаллыкъ эсенг, тюзде къалма.
- Ариу сёз – джаннга азыкъ, аман сёз – башха къазыкъ.
- Нёгерсизни джолу узун.
- Къонакъ хазыр болгъанлыкъгъа, къонакъбай хазыр тюлдю.
- Кечеси – аяз, кюню – къыш, джарлы къаргъагъа бир аш тюш!
- Къозулугъунда тоймагъан, къойлугъунда тоймаз.
- Кёлсюзден сёзсюз тууар.
- Къызгъанчдан ычхыныр, мухардан ычхынмаз.
- Къолу уллу – асыу, аягъы уллу – джарсыу.
- Къобан да къуру да къобханлай турмайды, адам да къуру да патчахлай турмайды.
- Ата Джуртун танымагъан, атасын да танымаз.
- Тулпарлыкъ, билекден тюл – джюрекден.
- Тынгылагъан тынгы бузар.
- Билген билмегенни юретген адетди.
- Чабакъсыз кёлге къармакъ салгъанлыкъгъа, чабакъ тутмазса.
- Ашха уста, юйюнде болсун
- Аджашханны ызындагъы кёреди, джангылгъанны джанындагъы биледи.
- Джарлыны эшигин махтагъан джабар.
- Къая джолда джортма, ачыкъ сёзден къоркъма.
- Элге къуллукъ этмеген, элге ие болмаз.
- Ёлмесенг да, къарт дамы болмазса?
- Тюзню ётмеги тюзде къалса да, тас болмаз.
- Ишлегенден, къарагъан уста.
- Ёлген ийнек сютлю болур.
- Ач отунчуну ачыуу – бурнунда.
- Хар зат кесини орнуна иги.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Иги адамны бир сёзю эки болмаз.
- Эте билген, этген этеди, эте билмеген, юретген этеди!
- Гыдай эчки суугъа къараб, мюйюзле кёрмесе, джашма алкъын, дегенди.
- Чарсда алчыны эл кёреди.
- Къатын байлыкъны сюер, эр саулукъну сюер.
- Адам боллукъ, атламындан белгили болур.
- Эринчекни эр алмаз, эр алса да, кёл салмаз, кёл салса да, кёб бармаз!
Ошибка!
Для просмотра темы введите ваши логин и пароль.Пожалуйста, авторизуйтесь: