- Адамны адамлыгъы къыйынлыкъда айгъакъланады.
- Чомарт къолда мал къалмаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Уллу сёлешме да, уллу къаб.
- Тойну къарнашы – харс, джырны къарнашы – эжиу.
- Хар сёзню орну барды.
- Биреуге кёлтюрген таягъынг, кесинги башынга урур.
- Элни кючю – эмеген.
- Мадар болса, къадар болур.
- Мал ёлсе, сюек къалыр, адам ёлсе, иши къалыр.
- Чакъырылмагъан къонакъ – орунсуз.
- Магъанасыз сёз – тауушсуз сыбызгъы.
- Ашарыкъда сайлагъаннга – чий гырджын.
- Бёрю да ач къалмасын, эчки да ашалмасын.
- Чабакъгъа акъыл, табагъа тюшсе келеди.
- Тулпарлыкъ, билекден тюл – джюрекден.
- Келинин тута билмеген, къул этер, къызын тута билмеген, тул этер.
- Эл ауузу – элия.
- Къонагъынгы артмагъын алма да, алгъышын ал.
- Мал кёб болса, джууукъ кёб болур.
- Акъыллы айтыр эди, акъылсыз къоймайды.
- Бетинги сатма, малынгы сат.
- Огъурлуну сёзю – суу, огъурсузну сёзю – уу.
- Элге къуллукъ этмеген, элге ие болмаз.
- Джерни букъусу кёкге къонмаз.
- Урунуу – насыбны анасы.
- От кюйдюрген, сау болса да, тот кюйдюрген, сау болмаз.
- Къан бла кирген, джан бла чыгъар.
- Ариу сёз – джаннга азыкъ, аман сёз – башха къазыкъ.
- Адамгъа аман кюн соруб келмейди.
- Ата Джуртун танымагъан, атасын да танымаз.
- Билим – акъылны чырагъы.
- Тёзген – тёш ашар!
- Илму – джашауну джолу.
- Кёпюр салгъан кеси ётер, уру къазгъан кеси кетер.
- Аманнга игилик этсенг, юйюнге сау бармазса.
- Ишлегенде эринме, ишде чолакъ кёрюнме.
- Аманнга алтын чыдамаз.
- Сакъ юйюне сау барыр.
- Чоюнну башы ачыкъ болса, итге уят керекди.
- Эшекге миннген – биринчи айыб, андан джыгъылгъан – экинчи айыб.
- Джаш къарыу бла кючлю, къарт акъыл бла кючлю.
- Джарлыны эшигин махтагъан джабар.
- Билим насыб берир, билим джолну керир.
- Байлыкъ тауусулур, билим тауусулмаз.
- Къоркъакъны кёзю экили кёрюр.
- Кюн кёрмеген, кюн кёрсе, кюндюз чыракъ джандырыр.
- Къыз чыгъаргъан – къызыл къымжа.
- Джуртун къоругъан озар.
- Иги джашны ышаны – аз сёлешиб, кёб тынгылар.
Ошибка!
Для просмотра темы введите ваши логин и пароль.Пожалуйста, авторизуйтесь: