- Бир абыннган – минг сюрюнюр.
- Кёбден умут этиб, аздан къуру къалма.
- Аз айтсам, кёб ангылагъыз.
- Ач да бол, токъ да бол – намысынга бек бол.
- Эринчекге кюн узун.
- Чакъырылмагъан джерге барма, чакъырылгъан джерден къалма.
- Джетген къыз джерли эшекни танымаз.
- Ишлемеген – тишлемез.
- Баш – акъыл ючюн, акъылман – халкъ ючюн.
- Къыйынлы джети элге оноу этер.
- Ач бёрюге мекям джокъ.
- Билимден уллу байлыкъ джокъду.
- Экиндини кеч къылсанг, чабыб джетер ашхам.
- Къанны къан бла джуума, аманны аман бла къуума.
- Джаш къарыу бла кючлю, къарт акъыл бла кючлю.
- Кёрмегеннге кебек – танг, битмегеннге сакъал – танг.
- Олтуруб кёрюнмей эди да, ёрге туруб кёрюне эди.
- Бозанг болмагъан джерге, къалагъынгы сукъма.
- Эр абынмай, эл танымаз.
- Рысхы – насыбха къор.
- Кийиминг бла танылма, адамлыкъ бла таныл.
- Тюзлюк тас болмайды.
- Джолунга кёре – джюрюшюнг, джагъанга кёре – юлюшюнг.
- Джауумдан сора, кюн кюйдюрюр, ётюрюкден сора, айыб кюйдюрюр.
- Аман къатын сабий табса, бий болур…
- Ашхы адам – халкъ байлыгъы, ашхы джер – джашау байлыгъы.
- Ач отунчуну ачыуу – бурнунда.
- Иги сёз – джаннга азыкъ, аман сёз башха – къазыкъ.
- Джарлы эскисин джамаса, къууаныр.
- Махтаннган къыз, тойда джукълар.
- Эки элинги тыйсанг, джети элде махталырса.
- Билген билмегенни юретген адетди.
- Биреуню тёрюнден, кесинги эшик артынг игиди.
- Аурууну келиую тынч, кетиую – къыйын.
- Юреннген ауруу къалмаз.
- Ёксюзню къалачы уллу кёрюнюр.
- Аман адамны тепсинге олтуртсанг, къызынгы тилер.
- Айырылмаз джууугъунга, унутмаз сёзню айтма.
- Эринчекни аурууу – кёб.
- Башы джабылгъан челекге, кир тюшмез.
- Къарт бла баш аша, джаш бла аякъ аша.
- Игилик игилик бла сингдирилиучю затды.
- Ана къолу ачытмаз.
- Арыгъан къош чамчы болур.
- Аш иеси бла татлыды.
- Эки ойлашыб, бир сёлешген.
- Айтылгъан сёз ызына къайтмаз.
- Ач уят къоймаз.
- Терек ауса, отунчу – кёб.
- Тойгъанлыкъ къойгъа джарашады.
Ошибка!
Для просмотра темы введите ваши логин и пароль.Пожалуйста, авторизуйтесь: