- Чакъырылмагъан къонакъ къачан кетерин сормаз.
- Къуру гыбыт бек дыгъырдар.
- Биреуге кёлтюрген таягъынг, кесинги башынга урур.
- Мен да «сен», дейме, сен да «кесим», дейсе.
- Тойгъа барсанг, тоюб бар, эски тонунгу къоюб бар.
- Билимден уллу байлыкъ джокъду.
- Байлыкъ келсе, акъыл кетер.
- Кёл – къызбай, къол – батыр.
- Аманны къуугъан, аманлыкъ табар.
- Таугъа чыгъаллыкъ эсенг, тюзде къалма.
- Чомартха Тейри да борчлуду.
- Азыкълы ат арымаз, къатыны аман джарымаз.
- Ауурну тюбю бла, дженгилни башы бла джюрюген.
- Къыз келсе, джумуш эте келеди, къатын келсе, ушакъ эте келеди.
- Башы ишлегенни, ауузу да ишлер.
- Джукъу тёшек сайламайды.
- Ханнга да келеди хариблик.
- Аш иеси бла татлыды.
- Нарт сёз – тилни бети.
- Билим насыб берир, билим джолну керир.
- Билим – акъылны чырагъы.
- Мал тутхан – май джалар.
- Кёзю сокъурдан – къоркъма, кёлю сокъурдан – къоркъ.
- Чоюнну башы ачыкъ болса, итге уят керекди.
- Кёбню кёрген – кёб билир.
- Рысхы джалгъанды: келген да этер, кетген да этер.
- Айраннга суу къош, телиге джол бош.
- Ишге юренсин къоллары, халкъ бла болсун джоллары.
- Джолунга кёре – джюрюшюнг, джагъанга кёре – юлюшюнг.
- Эртде тургъан бла эртде юйленнген сокъуранмаз.
- Атлыны кёрсе, джаяуну буту талыр.
- Ауругъан – джашаудан умутчу.
- Таукел адам тау тешер.
- Къарт бла баш аша, джаш бла аякъ аша.
- Къыйынлы джети элни къайгъысын этер.
- Джылкъыдан – ат чыгъар, тукъумдан – джаш чыгъар.
- Къонагъынгы артмагъын алма да, алгъышын ал.
- Сибиртки да сыйлы болду, кюрек да кюнлю болду.
- Татлы сёз – балдан татлы.
- Ишлегенде эринме, ишде чолакъ кёрюнме.
- Тура эдим джата, къайдан чыкъды хата?
- Кёб джат да, бек чаб.
- Джолда аягъынга сакъ бол, ушакъда тилинге сакъ бол.
- Айран ичген – къутулду, джугъусун джалагъан – тутулду.
- Таякъ этден ётер, тил сюекден ётер.
- Шекер бла туз – бир болмаз, ушамагъан – юй болмаз.
- Адамны артындан къара сабан сюрме.
- Накъырда – кертини келечиси.
- Мени джылытмагъан кюн, меннге тиймесин!
- Алгъанда – джууукъ, бергенде – джау.
Ошибка!
Для просмотра темы введите ваши логин и пароль.Пожалуйста, авторизуйтесь: