- Келгинчи, къонакъ уялыр, келгенден сора, къонакъбай уялыр.
- Экеулен сёлеше тура эселе, орталарына барыб кирме.
- Аш берме да, къаш бер.
- Сабий болмагъан джерде, мёлек болмаз.
- Аманны тукъумуна къарама, игини тукъумун сорма.
- Тамбла алтындан бюгюн багъыр ашхы.
- Айтылгъан сёз ызына къайтмаз.
- Накъырданы арты керти болур.
- Кёбге таш атма.
- Чомартха хар кюн да байрамды.
- Сескекли кесин билдирир.
- Элде адам къалмаса, ит тахтагъа минер.
- Шайтан алдады, тюзлюк къаргъады.
- Джюрекден джюрекге джол барды.
- Итли къонакъ джарашмаз.
- Нарт сёз – тилни бети.
- Уллу сёлешме да, уллу къаб.
- Акъылсызны джууукъгъа алма, акъыллыны кенгнге салма.
- Аман киши кеси юйюнде – къонакъ.
- Аллахха ийнаннган кишини, Аллах онгдурур ишин.
- Кесине гебен этелмеген, биреуге черен эте эди.
- Билмезни кёзю кёрмез, этмезни къулагъы эшитмез.
- Къонакъ кёб келюучю юйню, къазаны отдан тюшмез.
- Керек ташны ауурлугъу джокъ.
- Эл тойса, тоймагъан, эл къойса, къоймагъан.
- Арыгъан къош чамчы болур.
- Ойнай-ойнай кёз чыгъар.
- Ат да турмайды бир териде.
- Къумурсхала джыйылсала, пилни да джыгъадыла.
- Келинни – келгинчи, бёркню кийгинчи кёр.
- Къызын тута билмеген, тул этер, джашын тута билмеген, къул этер.
- Джиби бир къат джетмей эди да, эки къат тарта эди.
- Эркишини аманы тиширыуну джылатыр.
- Джарлы тюеге минсе да, ит къабар.
- Бети – къучакълар, джюреги – бычакълар.
- Ауругъанны сау билмез, ач къарынны токъ билмез.
- Босагъагъа джууукъ орун болса, ашыгъыб тёрге озма.
- Адамны бетине къарама, адетине къара.
- Айранны сюйген, ийнек тутар.
- Ёлюк кебинсиз къалмаз.
- Кюлме джашха – келир башха.
- Тешигини къатында, чычхан да батыр болур.
- Кийиминг бла танылма, адамлыкъ бла таныл.
- Къызгъанчдан ычхыныр, мухардан ычхынмаз.
- Терслик кетер, тюзлюк джетер.
- Ана – юйню кюн джарыгъы.
- Ёгюзню мюйюзлери ауурлукъ этмейдиле.
- Аджал соруб келмез, келсе, къайтыб кетмез.
- Ана къойну – балагъа джандет.
- Къолунгдан къуймакъ ашатсанг да, атаны борчундан къутулмазса.
Ошибка!
Для просмотра темы введите ваши логин и пароль.Пожалуйста, авторизуйтесь: