- Атлыны ашхысы, ат тизгининден билинир
- Иги сеники эсе да, сюйген кесимикин этеме.
- Ат басханны джер билед.
- Чомартха Тейри да борчлуду.
- Эркишини аманы тиширыуну джылатыр.
- Къатын къылыкъсыз, эр тынчлыкъсыз.
- Къарт айтханны этмеген, къартаймаз.
- Ёгюзню мюйюзлери ауурлукъ этмейдиле.
- Къошда джокъгъа – юлюш джокъ.
- Мураты болгъанны джюрек тебюую башхады.
- Тил – кесген бычакъ, сёз – атылгъан окъ.
- Башынга джетмегенни сорма.
- Мал ёлсе, сюек къалыр, адам ёлсе, иши къалыр.
- Къайгъыны сюйген, къайгъы табар.
- Бир онгсуз адам адет чыгъарды, деб эштирик тюлсе.
- «Ма», - дегенни билмесенг, «бер», - дегенни билмезсе.
- Окъ къызбайны джокълайды.
- Джарлы эскисин джамаса, къууаныр.
- Ач – эснер, ат – кишнер.
- Джашлыкъ этмеген, башлыкъ этмез.
- Кеси юйюмде мен да ханма.
- Ётюрюкню башын керти кесер.
- Ишге юренсин къоллары, халкъ бла болсун джоллары.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Бир абыннган – минг сюрюнюр.
- Эр абынмай, эл танымаз.
- Эски джаугъа ышанма.
- Кийимни бир кюнню аясанг, минг кюннге джарар.
- Кёбден умут этиб, аздан къуру къалма.
- Чакъырылмай келген къонакъ сыйланмай кетер.
- Баланы адам этген анады.
- Элни кючю – эмеген.
- Ана къойну – балагъа джандет.
- Нарт сёз къарт болмаз.
- Къууут – джелге, берне – бошха.
- Биреуге аманлыкъны тилеме да, кесинге ашхылыкъны тиле.
- Джаш болсун, къыз болсун, акъылы, саны тюз болсун.
- Билмейме деген – бир сёз
- Чалманны аллы къалай башланса, арты да алай барады.
- Тёрде – темир таякълы, къаяда – чыпчыкъ аякълы.
- Билген билмегенни юретген адетди.
- Ат да турмайды бир териде.
- Чакъырылмагъан къонакъ тёрге атламаз.
- Термилгенинги табмазса, кюлгенинге тюберсе.
- Узун джолну барсанг, бюгюн келирсе, къысха джолну барсанг, тамбла келирсе.
- Окъугъан озар, окъумагъан тозар.
- Эринчекни аурууу – кёб.
- Чыбыкълыкъда бюгюлмеген, къазыкълыкъда бюгюлмей эди.
- Эртде тургъан бла эртде юйленнген сокъуранмаз.
- Хоншуну тауугъу къаз кёрюнюр, келини къыз кёрюнюр.
Ошибка!
Для просмотра темы введите ваши логин и пароль.Пожалуйста, авторизуйтесь: