- Кёбге таш атма.
- Аллахдан тилесенг, кёб тиле.
- Кёпюр салгъан кеси ётер, уру къазгъан кеси кетер.
- Этим кетсе да, сюегим къалыр.
- Акъыллы эркиши атын махтар, акъылсыз эркиши къатынын махтар.
- Эки итни арасына сюек атма, эки адамны арасында сёз чыгъарма.
- Мени джылытмагъан кюн, меннге тиймесин!
- Таукелге нюр джауар.
- Орну джокъну – сыйы джокъ.
- Окъдан джара эртде-кеч болса да бителир, сёз джара, ёмюрге къалыр.
- Нарт сёз къарт болмаз.
- Тешик этген тынчды, аны джамагъан къыйынды.
- Ашаса, ашамаса да, бёрюню ауузу – къан.
- «Ма», - дегенни билмесенг, «бер», - дегенни билмезсе.
- Бойнуму джети джерден кессенг да, мен ол ишни этеллик тюлме.
- Гугурук къычырмаса да, тангны атары къалмаз.
- Аман адам этегингден тутса, кес да къач.
- Ойнай билмеген, оюн бузар.
- Тил джюрекге джол ишлейди.
- Къуру гыбыт бек дыгъырдар.
- Кёзню ачылгъаны – иги, ауузну джабылгъаны – иги.
- Этни бети бла шорпасы.
- Эр абынмай, эл танымаз.
- Уллу айтханны этмеген – уллаймаз.
- Ат басханны джер билед.
- Чыкълы кюнде чыкъмагъан, чыкъса къуру кирмеген.
- Чакъырылмагъан къонакъ тёрге атламаз.
- Айырылмаз джууугъунга, унутмаз сёзню айтма.
- Дуния мал дунияда къалады.
- Чабакъ башындан чирийди.
- Чабакъгъа акъыл, табагъа тюшсе келеди.
- Экеулен сёлеше тура эселе, орталарына барыб кирме.
- Джюрекге ариу – кёзге да ариу.
- Ишленмеклик адамлыкъды.
- Ёлген ийнек сютлю болур.
- Ашатыргъа иш – ашхы, ишлетирге аш – ашхы.
- Телиге от эт десенг, юйюнге от салыр.
- Тилсиз миллет джокъ болур.
- Къанны къан бла джуума, аманны аман бла къуума.
- Айтханы чапыракъдан ётмеген.
- Дуния малгъа сатылма, кесингден телиге къатылма.
- Акъыллы башны – тили къысха.
- Бал ашаргъа сюе эсенг, чибин ургъаннга тёз.
- Экеу тутушса, биреу джыгъылыр.
- Биреуню къыйынлыгъы бла кесинге джол ишлеме.
- Ауругъан – джашаудан умутчу.
- Садакъачыны джаны – къапчыгъында.
- Иги бла джюрюсенг, джетерсе муратынга, аман бла джюрюсенг, къалырса уятха.
- Кесине оноу эте билмеген, халкъына да эте билмез.
- От кюйдюрген, сау болса да, тот кюйдюрген, сау болмаз.
Ошибка!
Для просмотра темы введите ваши логин и пароль.Пожалуйста, авторизуйтесь: