- Малны кют, джерни тюрт.
- Къатыны харакетли болса, эри къымсыз болур.
- Харам къарнашдан, халал тенг ашхы.
- Кюл тюбюндеги от кёрюнмейди.
- Ачлыкъда тары гырджын халыуадан татлы.
- Таула не мийик болсала да, аууш табылыр.
- Рысхысына кёре, джаш ёсер, къышлыгъына кёре, мал ёсер.
- Чабар ат – джетген къыз.
- Кёкдеги болмаса, джердегин кёрмейди.
- Тилсиз миллет джокъ болур.
- Джырына кёре эжиую.
- Хантына кёре тузу, юйюне кёре къызы.
- Рысхы джалгъанды: келген да этер, кетген да этер.
- Билимли ёлмез, билимсиз кёрмез.
- Экеу тутушса, биреу джыгъылыр.
- Джарашыу сюйген – джалынчакъ.
- Къуллукъчума, деб махтанма, къуллукъ – хаух джамчыды!
- Суу да къайтады чыкъгъан джерине.
- Ариу – кёзге, акъыл – джюрекге.
- Эм ашхы къайын ана мамукъ бла башынгы тешер.
- Бичгенде ашыкъма, тикгенде ашыкъ.
- Игилик игилик бла сингдирилиучю затды.
- Хата – гитчеден.
- Джигер – джаннга къыйынлыкъ.
- Адамны аты башхача, акъылы да башхады.
- Джыйырма къойну юч джыйырма эбзе кюте эди.
- Баш болса, бёрк табылыр.
- Намыс болмагъан джерде, насыб болмаз.
- Тас болгъан бычакъны сабы – алтын.
- Накъырда – кертини келечиси.
- Къыз чыгъаргъан – къызыл къымжа.
- Тёрени джагъы джокъ.
- Чакъырылмагъан къонакъ къачан кетерин сормаз.
- Танг атмайма десе да, кюн къоярыкъ тюйюлдю.
- Юй ишлеген балта эшикде къалыр.
- Ханы къызы буюгъа-буюгъа киштик болду.
- Айырылгъанланы айю ашар, бёлюннгенлени бёрю ашар.
- Юре билмеген ит, къонакъ келтирир.
- Аурууну келиую тынч, кетиую – къыйын.
- Орундукъ тюбюнде атылсам да, орта джиликме, де да айлан.
- Тёзгеннге, джабылгъан эшик ачылыр.
- Эл тойса, тоймагъан, эл къойса, къоймагъан.
- Келинин тута билмеген, къул этер, къызын тута билмеген, тул этер.
- Татлы сёз – балдан татлы.
- Сормай – алма, чакъырылмай – барма.
- «Ма», - дегенни билмесенг, «бер», - дегенни билмезсе.
- Башсыз урчукъ тюзюне айланмаз.
- Бети – къучакълар, джюреги – бычакълар.
- Аманны эки битли тону болур, бирин сеннге кийдирир, бирин кеси киер.
- Асхат ашлыкъ сата, юйдегиси ачдан къата.
Ошибка!
Для просмотра темы введите ваши логин и пароль.Пожалуйста, авторизуйтесь: